વામનપુરાણ, સરોમાહાત્મ્ય · અધ્યાય 1

દેવદેવ ઉવાચ
સરસ્વતીદૃષદ્વત્યોરન્તરે કુરુજાઙ્ગલે ।
સુનિપ્રવરમાસીનં પુરાણં લોમહર્ષણમ્ ।
અષ્ટચ્છન્ત દ્વિજવરાઃ પ્રભાવં સરસસ્તદા

પ્રમાણં સરસો બ્રૂહિ તીર્થાનાં ચ વિશેષતઃ ।
દેવતાનાં ચ માહાત્મ્યમુત્પત્તિં વામનસ્ય ચ

એતચ્છ્રુત્વા વચસ્તેષાં રોમહર્ષસમન્વિતઃ ।
પ્રણિપત્ય પુરાણર્ષિરિદં વચનમવ્રવીત્

લોમહર્ષણ ઉવાચ
બ્રહ્મણમગ્ર્યં કમલાસનસ્થં વિષ્ણું તથા લક્ષ્મિસમન્વિતં ચ ।
રુદ્રં ચ દેવં પ્રણિપત્ય મૂર્ધ્ના તીર્થં મહદ્ બ્રહ્મસરઃ પ્રવક્ષ્યે

રન્તુકાદૌજસં યાવત્ પાવનાચ્ચ ચતુર્મુખમ્ ।
સરઃ સંનિહિતં પ્રોક્તં બ્રહ્મણા પૂર્વમેવ તુ

કલિદ્વાપરયોર્મધ્યે વ્યાસેન ચ મહાત્મના ।
સરઃપ્રમાણં યત્પ્રોક્તં તચ્છૃણુધ્વં દ્વિજોત્તમાઃ

વિશ્વેશ્વરાદસ્થિપુરં રથા કન્યા જરદ્ગવી ।
યાવદોઘવતી પ્રોક્તા તાવત્સંનિહિતં સરઃ

મયા શ્રુતં પ્રમાણં યત્ પઠ્યમાનં તુ વામને ।
તચ્છૃણુધ્વં દ્વિજશ્રેષ્ઠાઃ પુણ્યં વૃદ્ધિકરં મહત્

વિશ્વેશ્વરાદ્ દેવવરા નૃપાવનાત્ સરસ્વતી ।
સરઃ સંનિહિતં જ્ઞેયં સમન્તાદર્થયોજનમ્

એતદાશ્રિત્ય દેવાશ્ચ ઋષયશ્ચ સમાગતાઃ ।
સેવન્તે મુક્તિકામાર્થં સ્વર્ગાર્થે ચાપરે સ્થિતાઃ

બ્રહ્મણા સેવિતમિદં સૃષ્ટિકામેન યોગિના ।
વિષ્ણુના સ્થિતિકામેન હરિરૂપેણ સેવિતમ્

રુદ્રેણ ચ સરોમધ્યં પ્રવિષ્ટેન મહાત્મના ।
સેવ્ય તીર્થં મહાતેજાઃ સ્થાણુત્વં પ્રાપ્તવાન્ હરઃ

આદ્યૈષા બ્રહ્મણો વેદિસ્તતો રામહૃદઃ સ્મૃતઃ ।
કરુણા ચ યતઃ કૃષ્ટં કુરુક્ષેત્રં તતઃ સ્મૃતમ્

તરન્તુકારન્તુકયોર્યદન્તરં યદન્તરં રામહૃદાચ્ચતુર્મુખમ્ ।
એત્કુરુક્ષેત્રસમન્તપઞ્ચકં પિતામહસ્યોત્તરવેદિરુચ્યતે