વલ્લાલચરિત · અધ્યાય 2.27

ઇતિ વલ્લાલચરિતે શ્રીમદાનન્દભટ્ટકૃતં ખિલવલ્લાલચરિતં નામ ષડ્વવિંશો ઽધ્યાયઃ ।
અથ સપ્તવિંશો ઽધ્યાયઃ
પિઞ્જરં શૂન્યમાલક્ષ્ય રણક્ષેત્રે મહીપતિઃ ।
અત્યન્તમશુભાશઙ્કી ત્વરયા સ પરાવૃતત્

વહ્નિધ્વજં પશ્યમાનો દૂરતઃ પરમાકુલઃ ।
તતઃ સ્વં પ્રાવિશદ્વેશ્મ સર્વ્વનાશં વિલોકિતુમ્

દૃષ્ટ્વાર્દ્ધદગ્ધા જ્વલને સ્વપત્ની રુમ્મત્તરૂપો નિતરાં બભૂવ ।
નિવાર્ય્યમાનોપિ જનૈઃ પ્રયત્નાત્ પપાત રાજા જ્વલદગ્નિકુણ્ડે

સહસ્રે ઽષ્ટવિંશયુતે શકાબ્દે પૃથિવીપતિઃ ।
સ્ત્રીભિઃ સાર્દ્ધં મહાભાગ ઉત્પપાત દિવં પ્રતિ

શ્રૂયતે ઽત્ર પ્રવચનં પારમ્યર્ય્યક્રમાગતમ્ ।
વલ્લાલો ઽનુયયૌ યુદ્ધે પિતરં શૌર્ય્યશાલિનમ્

મિથિલાયાં સ્થિતસ્તત્ર કશ્ચિદ્યોગી ધૃતવ્રતઃ ।
વલ્લાલો યુદ્ધયાત્રાયાં તરસા તમલઙ્ઘયત્

[[122]]
અશ્વપાદેનાભિહતો વલ્લાલમશપન્મુનિઃ ।
સકલત્રો વહ્નિકુણ્ડે પતિત્વા ત્વં મરિષ્યસિ

તત્ સ્મૃત્વા બ્રહ્મશાપં સ વિજયં લબ્ધવાનપિ ।
ચિન્તયામાસ મનસિ મૃત્યુકાલ ઉપસ્થિતઃ

તેનૈવ વિવશો રાજા ધ્રુવં જ્વલનમાવિશત્ ।
બ્રહ્મશાપાદૃતે નૈવ વિપત્તિર્ભવેદીદૃશી

સ બ્રહ્મદણ્ડેન પુરા હતો ઽભૂત્ દારૈશ્ચ સાર્દ્ધમવનીશ્વરઃ સઃ ।
કપોતપ્રત્યાગમનઞ્ચ મૃત્યૌ રાજ્ઞશ્ચ શોકો ન હિ મુખ્યહેતુઃ