વલ્લાલચરિત · અધ્યાય 2.18

ઇતિ વલ્લાલચરિતે વ્યાસપુરાણે ગોત્રકીર્ત્તનં નામ સપ્તદશો ઽધ્યાયઃ ।
અથાષ્ટાદશો ઽધ્યાયઃ
રાજર્ષય ઊચુઃ:
બ્રાહ્મણાનાં ક્ષત્રિયાણાં વૈશ્યામાઞ્ચાન્ત્યજન્મનામ્ ।
ભેદાન્ બ્રૂહિ મહાપ્રાજ્ઞ શ્રોતું કૌતુહલં પરમ્

વ્યાસ ઉવાચ:
સારસ્વતાઃ કાન્યકુબ્જાઃ ગૌડા મૈથિલકોત્કલાઃ ।
પઞ્ચ ગૌડા ઇતિ ખ્યાતા વિન્ધ્યસ્યોત્તરવાસિનઃ

કર્ણાટાશ્ચૈવ તૈલઙ્ગા ગુર્જ્જરા રાષ્ટ્રવાસિનઃ ।
અન્ધ્રાશ્ચ દ્રાવિડાઃ પઞ્ચ વિન્ધ્યદક્ષિણવાસિનઃ

મગાસ્તુ બ્રાહ્મણાઃ પૂર્વ્વં નિઃસૃતાઃ સૂર્યમણ્ડલાત્ ।
જ્વલદર્કપ્રતીકાશાઃ શાકદ્વીપમવાતરન્

ઇતિ બ્રહ્મવર્ગાઃ ।
પાણ્ડવાઃ પૌરવા બૌધાઃ સહસ્રાર્જ્જુનહૈહયાઃ ।
ચન્દ્રાત્રેય-કલચુરિ-રટ્ટ-યાદવ-તોમરાઃ

કૌશિકાઃ કૌકુરાઃ કુશ્યા એતે સૌમ્યાઃ પ્રકીર્ત્તિતાઃ ।
ઐક્ષ્વાકવો નિકુમ્ભાશ્ચ મૌર્ય્યાશ્ચ સાગરાસ્તથા

[[086]]
તથા કચ્છપઘાતાશ્ચ રાઘવા ગોભિલાસ્તથા ।
તથા ગાહડવાલાશ્ચ એતે સૌરાઃ પ્રકીર્ત્તિતાઃ

ચાહમાનાશ્ચ મલ્લાશ્ચ છિન્દાશ્ચાપોત્કટાસ્તથા ।
ચૌલૂક્યાશ્ચ સિલારાશ્ચ હૂનાશ્ચ બ્રહ્મવાહુજાઃ

અગ્નિકુણ્ડસમુત્પન્નાઃ પરમારા મહાબલાઃ ।
શાલુકિકાઃ સેન્દ્રકાશ્ચ કાદ્રવેયા ઇતિ સ્મૃતાઃ

વેણાદ્વૈણ્યઃ પૃથુ ર્જાતઃ પૃષ્વીહારાસ્તતો ઽભવન્ ।
વૈનતેયાસ્તુ તાર્ક્ષ્યા વૈ પાલાસ્તુ ક્ષત્રિયાધમાઃ

ઇતિ ક્ષત્રિયવર્ગાઃ ।
ઉપકેશાશ્વ પ્રાક્વાટા રોહિતાશ્ચ મહોત્સવાઃ ।
માહિષ્મત્યાશ્ચ વૈશાલ્યાઃ કૌશામ્બ્યાઃ શ્રાવકાસ્તથા

આયોધ્યિકાશ્ચ વણિજો ગુર્જ્જરા ભુવિ વિશ્રુતાઃ ।
ઉજાનિકાશ્ચ ધનિનઃ સુવર્ણા વણિજાધમાઃ

જેજાતુતીયા વણિજશ્ચન્દ્રરશ્મિસમુદ્ભવાઃ