ત્રિંશિકાવિજ્ઞપ્તિકારિકા · શ્લોક 21-30

પરતન્ત્રસ્વભાવસ્તુ વિકલ્પઃ પ્રત્યયોદ્ભવઃ ।
નિષ્પન્નસ્તસ્ય પૂર્વેણ સદા રહિતતા તુ યા

અત એવ સ નૈવાન્યો નાનન્યઃ પરતન્ત્રતઃ ।
અનિત્યતાદિવદ્ વાચ્યો નાદૃષ્ટે ઽસ્મિન્ સ દૃશ્યતે

ત્રિવિધસ્ય સ્વભાવસ્ય ત્રિવિધાં નિઃસ્વભાવતામ્ ।
સન્ધાય સર્વધર્માણાં દેશિતા નિઃસ્વભાવતા

પ્રથમો લક્ષણેનૈવ નિઃસ્વભાવો ઽપરઃ પુનઃ ।
ન સ્વયમ્ભાવ એતસ્યેત્યપરા નિઃસ્વભાવતા

ધર્માણાં પરમાર્થશ્ચ સ યતસ્તથતાપિ સઃ ।
સર્વકાલં તથાભાવાત્ સૈવ વિજ્ઞપ્તિમાત્રતા

યાવદ્વિજ્ઞપ્તિમાત્રત્વે વિજ્ઞાનં નાવતિષ્ઠતિ ।
ગ્રાહદ્વયસ્યાનુશયસ્તાવન્ન વિનિવર્તતે

વિજ્ઞપ્તિમાત્રમેવેદમિત્યપિ હયુપલમ્ભતઃ ।
સ્થાપયન્નગ્રતઃ કિઞ્ચિત્ તન્માત્રે નાવતિષ્ઠતે

યદાલમ્બનં વિજ્ઞાનં નૈવોપલભતે તદા ।
સ્થિતં વિજ્ઞાનમાત્રત્વે ગ્રાહ્યાભાવે તદગ્રહાત્

અચિત્તો ઽનુપલમ્ભો ઽસૌ જ્ઞાનં લોકોત્તરં ચ તત્ ।
આશ્રયસ્ય પરાવૃત્તિર્દ્વિધા દૌષ્ઠુલ્યહાનિતઃ

સ એવાનસ્રવો ધાતુરચિન્ત્યઃ કુશલો ધ્રુવઃ ।
સુખો વિમુક્તિકાયો ઽસૌ ધર્માખ્યો ઽયં મહામુનેઃ