તત્ત્વજ્ઞાનસંસિદ્ધિ · અધ્યાય 1

ઓમ્ નમઃ શ્રી વજ્રવારાહ્યૈ
ઉદ્યાતા તલચક્રતો ઽનિલધુતા વિદ્યુચ્છટાભાસ્વરા,
દગ્ધાલિત્રિતયા ત્રિલોકમહિતા પીયૂષધારાપ્લુતા ।
બુદ્ધજ્ઞાનરસાવિલા વિકલુષા સ્વાનન્દસન્દોહદા
ભાવાભાવવિચારણાવિરહિતા વારાહિકા પાતુ વઃ

નિર્માણાલિદિનેશમણ્ડલગતા કાદ્યાદિવર્ણાવૃતા,
પ્રજ્બાલજ્વલનોજ્વલામૃતસવા સૂક્ષ્માજસૂત્રોપમા
વિદ્યાબુદ્ધકદમ્વકં દહતિ યા ચક્રત્રયોર્ભેદિની
સાનન્દા લલિતોર્દ્વગા સ્ફુરતુ વો વારાહિકા ચેતસિ

પ્રણિપત્ય વજ્રપૂર્વાં વારાહીં વજ્રયોગિનીમ્ ।
શિરસા સ્વસ્મૃતયે વક્ષ્યે ઽહં તત્ત્વજ્ઞાનસ્ય સંસિદ્ધિમ્

વિજનમનો ઽનુકૂલસ્થાનં નાથાંકકઃ પ્રવિશેત્સુધીઃ ।
તત્ર સુકુમારમાસનમુપવિશ્ય વિભાવયેચ્છુદ્ધિં

તદનુ ચ ષષ્ઠજિનેન ત્ર્યક્ષરજપ્તેન વજ્રધરહૃદયં ।
સંલિખ્યાનામિકયા, લોહિતકુસુમાર્ચિતં કુર્યાત્

તદનુ પરમાદ્યપાત્રે કરકમલં દક્ષિણેતરં ક્ષિપ્ત્વા ।
વિદધીત સવનં યથોપદેશં શયસ્પર્શાત્

પ્રવિધાય કરન્યાસં બૃદ્ધાઙ્ગુષ્ઠાઙ્ગુલિસમાયોગાત્ ।
કુર્વીતાઙ્ગન્યાસં ષડ્ભિર્વીરેશ્વરીમન્ત્રૈઃ

તદનુ ચક્રવજ્રવરોપરિ રઙ્ગારુણોયોગજસમમમન્ત્રં ।
ભુજગભવૈઃ સુવિશિષ્ટૈઃ સિચયગતૈરવકિરેચ્છનકૈઃ

તત્ર જિનહૃદયચક્રં શિખિકોટિકં સમભિલિખ્ય ।
તદ્ગર્ભે મન્ત્રાલીં ગાઙ્ગેયશલાકયા વિલિખેત્

ચક્રસ્ય વાહ્યભાગે પૂર્વોત્તરપશ્ચિમાર્કિદિગ્દેશે ।
સત્સ્વસ્તિકાનભિલિખેત્ક્રમેણ વામહસ્તેન

આકૃષ્ય વજ્રદેવીમ્પ્રવિશ્ય મન્ત્રાક્ષરેષુ બદ્ધ્વા પરિતોષયેત્ ।
સુવિધાનાત્ જઃ હું વં હોરિતિ પઠિત્વા

તદનુ સપર્યા વિવિધાસ્તસ્યા વિદધીત મંત્રરૂપાયાઃ ।
ભક્ષ્યૈર્ભોજ્યૈર્લેહ્યૈઃ પેયૈશ્ચોષ્યૈઃ સકામગુણૈઃ

વિવિધૈર્વલૈઃ સમદનૈરુપહારૈઃ પઞ્ચભિરતિપરાર્ધ્યૈઃ ।
ગીતૈવદ્યૈર્ન્નૃત્યૈઃ પ્રદક્ષિણાપ્રણતિનુતિભિશ્ચ

પ્રતિદિવસં પ્રતિપક્ષં પ્રતિમાસં વા તિથૌ દશમ્યાં ।
કુર્યાદ્યથોક્તપૂજાવિધિમસ્યાઃ સિદ્ધિમાકાંક્ષણઃ