સુખાવતીવ્યૂહ · ભાગ 4143

પ્રતિલપ્સ્યન્ત, ઉદ્ગ્રહીષ્યન્તિ, ધારયિષ્યન્તિ,
વાચયિષ્યન્તિ, પર્યવાપ્સ્યન્તિ, પરેભ્યશ્ ચ વિસ્તરેણ સંપ્રકાશયિષ્યન્તિ,
ભાવનાભિરતાશ્ ચ ભવિષ્યન્ત્ય્, અન્તશો લિખિત્વા
પૂજયિષ્યન્તિ, બહુ ચ તે પુણ્યં પ્રસવિષ્યન્તિ, યસ્ય ન
સુકરા સંખ્યા કર્તુમ્.
ઇતિ હ્ય્ અજિત યત્ તથાગતેન કૃત્યં કૃતં તન્ મયા.
યૂષ્માભિર્ ઇદાનીં નિર્વિચિકિત્સૈર્ યોગઃ કરણીયઃ. મા સંશય
તમ્ અસઙ્ગમ્ અનાવરણં બુદ્ધજ્ઞાનમ્. મા ભૂત્ સર્વાકારાવરોપેત-
રત્નમયપદ્મબન્ધનાગારપ્રવેશઃ. દુર્લભો
હ્ય્ અજિત બુદ્ધોત્પાદઃ, દુર્લભા ધર્મદેશના, દુર્લભા
ક્ષણસંપત્. આખ્યાતાજિત મયા પૂર્વકુશલમૂલપારમિપ્રાપ્તિઃ.
યૂયમ્ ઇદાનીમ્ અભિયુજ્યત પ્રતિપદ્ય વૈ.
અસ્ય ખલુ પુનર્ અજિત ધર્મપર્યાયસ્ય મહતીં
પરીન્દનાં કરોમ્ય્ અવિપ્રનાશાય. મા બુદ્ધધર્માણામ્
અન્તર્ધાનાય પરાક્રમિષ્યથ. મા તથાગતાજ્ઞાં ક્સોભ-
યિષ્યથ.
અથ ખલુ ભગવાંસ્ તસ્યાં વેલાયામ્ ઇમા ગાથા અભા-
ષત :
નેમે અકૃતપુણ્યાનાં શ્રવા ભેષ્યન્તિ ઈદૃશાઃ,
યે તુ તે શૂર સિદ્ધાર્થાઃ તે શ્રોષ્યન્તિ ઇમાં ગિરાં.(1)
દૃષ્ટો યૈશ્ ચ હિ સંબુદ્ધો
લોકનાથ પ્રભંકરઃ,
સ ગૌરવૈઃ શ્રુતો ધર્મઃ
પ્રીતિં પ્રાપ્સ્યન્તિ તે પરાં.(2)
ન શક્ત હીનેભિ કુશીદદૃષ્તિભિઃ
બુદ્ધાન ધર્મેષુ પ્રસાદ વિન્દિતુમ્.
યે પૂર્વબુદ્ધેષુ અકાર્ષુ પૂજાં,
પ્65
તે લોકનાથાન્ ચર્યાસુ શિક્ષિષુ.(3)
યથાન્ધકારે પુરુષો હ્ય્ અચક્ષુઃ
માર્ગં ન જાને કુતુ સંપ્રકાશયેત્.
સર્વે તથા શ્રાવક બુદ્ધજ્ઞાને
અજાનકાઃ કિં પુનર્ અન્યસત્ત્વાઃ.(4)
બુદ્ધો હિ બુદ્ધસ્ય ગુણા પ્રજાનતે.
ન દેવનાગાસુરયક્ષશ્રાવકાઃ.
પ્રત્યેકબુદ્ધાન પિ કો ગતી યથો,
બુદ્ધસ્ય જ્ઞાને હિ પ્રકાશ્યમાને.(5)
યદિ સર્વસત્ત્વાઃ સુગતા ભવેયુઃ
વિશુદ્ધજ્ઞાના પરમકોવિદા,
તે કલ્પકોટીર્ અથ વાપિ ઉત્તરે

એકસ્ય બુદ્ધસ્ય ગુણાન્ કથેયુઃ.(6)
અત્રાન્તરે નિર્વૃત તે ભવેયુઃ
પ્રકાશ્યમાના બહુકલ્પકોટીઃ,
ન ચ બુદ્ધજ્ઞાનસ્ય પ્રમાણુ લભ્યતે,
તથા હિ જ્ઞાનાશ્ ચરિયં જિનાનાં.(7)
તસ્માન્ નરઃ પણ્ડિત વિજ્ઞજાતિયઃ,
યો મહ્ય વાક્યમ્ અભિશ્રદ્ધધેયુઃ,
કૃત્સ્નાં સ સાક્ષી જિનજ્ઞાનરાશિં.
બુદ્ધ પ્રજાનાતિ ગિરામ્ ઉદીરયેત્.(8)
કદાચિ લભ્યાતિ મનુષ્યલાભઃ,
કદાચિ બુદ્ધાન પિ પ્રાદુર્ભાવઃ.
શ્રદ્ધા થ પ્રજ્ઞા સુચિરેણ લપ્સ્યતે,
તસ્યાર્થપ્રજ્ઞૈર્ જનયાથ વીર્યં.(9)
ય ઈદૃશાં ધર્મ શ્રુણિત્વા શ્રેષ્ઠાં
લભ્યન્તિ પ્રીતિં સુગતં સ્મરન્તઃ,
તે મિત્રમ્ અસ્માકમ્ અતીતમ્ અધ્વનિ,
યે બુદ્ધા બોધાય જનેન્તિ ચ્છન્દમ્, ઇતિ.(10)
પ્66
અસ્મિન્ ખલુ પુનર્ ધર્મપર્યાયે ભગવતા ભાષ્યમાને
દ્વાદશાનાં સત્ત્વનયુતકોટીનાં વિરજો વિગતમલં ધર્મેષુ
ધર્મચક્ષુર્ વિશુદ્ધં, ચતુર્વિંશત્યા કોટીભિર્ અનાગામિફલં
પ્રાપ્તમ્. અષ્ટાનાં ભિક્ષુશતાનામ્ અનુત્પાદાયાસ્રવેભ્યશ્
ચિત્તાનિ વિમુક્તાનિ. પઞ્ચવિંશત્યા બોધિસત્ત્વકોટીભિર્
અનુત્પત્તિકધર્મક્ષાન્તિપ્રતિલબ્ધાઃ. દેવમાનુષિકાયાશ્
ચ પ્રજાયાશ્ ચત્વારિંશત્કોટીનયુતશતસહસ્રાણામ્ અનુત્પત્તિપૂર્વાણ્ય્
અનુત્તરાયાં સમ્યક્સંબોધૌ ચિત્તાન્ય્ ઉત્પન્નાનિ
સુખાવત્યુપપત્તયે ચ કુશલમૂલાન્ય્ અવરોપિતાનિ, ભગવતો
ઽમિતાભસ્ય દર્શનકામતયા.
સર્વે તે તત્રોત્પાદ્યાનુપૂર્વેણ મઞ્જુસ્વરા નામ તથાગતા
અન્યેષુ લોકધાતુષૂપપત્સ્યન્તે. અશીતિશ્ ચ નયુતકોટ્યો દીપઙ્કરેણ
તથાગતેન લબ્ધક્ષાન્તિકા અવૈવર્ત્યા અનુત્તરાયાઃ
સમ્યક્સંબોધેર્, અમિતાયુષૈવ તથાગતેન પરિપાચિતાઃ
પૂર્વબોધિસત્ત્વચર્યાશ્ ચરન્તાસ્, તાશ્ ચ સુખાવત્યાં
લોકધાતાવ્ ઉપપદ્ય પૂર્વપ્રણિધાનચર્યાઃ પરિપૂરયિષ્યન્તિ.
તસ્યાં ચ વેલાયામ્ અયં ત્રિસાહસ્રમહાસાહસ્રો લોકધાતુઃ
ષડ્વિકારં પ્રકમ્પિતઃ. વિવિધાનિ ચ પ્રાતિહાર્યાણિ
સંદૃશ્યન્તિ, જાનુમાત્રં ચ મન્દરવપુષ્પૈઃ પૃથિવ્યાં
સંસ્તૃતમ્ અભૂત્. દિવ્યમાનુષિકાનિ ચ તૂર્યાણિ સંવાદિતાન્ય્
અભૂવન્. અનુમોદકાશબ્દેન ચ યાવદ્ અકનિષ્ઠભવનં
વિજ્ઞપ્તમ્ અભૂત્.

ઇદમ્ અવોચદ્ ભગવાન્ આત્તમના, અજિતો બોધિસત્ત્વો મહાસત્ત્વ
આયુષ્માંશ્ ચાનન્દઃ, સા ચ સર્વાવતી પર્ષત્
સદેવમાનુષ્યાસુરગન્ધર્વશ્ ચ લોકો ભગવતો ભાષિતમ્
પ્67
અભ્યનન્દન્ન્ ઇતિ.
ભગવતો ઽમિતાભસ્ય ગુણપરિકીર્તનં બોધિસત્ત્વાનામ્
અવૈવર્ત્તિકભૂમિપ્રવેશઃ. અમિતાભસ્ય સુખાવતી-વ્યૂહ-
પરિવર્તઃ સમાપ્તઃ.