સુખાવતીવ્યૂહ, વિસ્તરમાતૃકા · શ્લોક 1-vs_12

સુખાવતીવ્યૂહઃ । [વિસ્તરમાતૃકા]
ઓમ્ નમો રત્નત્રયાય । ઓમ્ નમઃ શ્રીસર્વબુદ્ધબોધિસત્ત્વેભ્યઃ । નમો દશદિગનન્તાપર્યન્તલોકધાતુપ્રતિષ્ઠિતેભ્યઃ સર્વબુદ્ધબોધિસત્ત્વાર્યશ્રાવકપ્રત્યેકબુદ્ધેભ્યો ઽતીતાનાગતપ્રત્યુત્પન્નેભ્યઃ । નમો ઽમિતાભાય । નમો ઽચિન્ત્યગુણાન્તરાત્મને ॥
સ્તર્ત્ સુખ્વ્ 1:
એવં મયા શ્રુતમ્ । એકસ્મિન્ સમયે ભગવાન્ રાજગૃહે વિહરતિ સ્મ ગૃધ્રકૂટપર્વતે મહતા ભિક્ષુસંઘેન સાર્ધં દ્વાત્રિંશતા ભિક્ષુસહસ્રૈઃ, સર્વૈરર્હદ્ભિઃ ક્ષીણાસ્રવૈર્નિઃક્લેશૈરુષિતવદ્ભિઃ સમ્યગાજ્ઞાસુવિમુક્તચિત્તૈઃ પરીક્ષચિત્તૈઃ પરિક્ષીણભવસંયોજનૈરનુપ્રાપ્તસ્વકાર્થૈર્વિજિતવદ્ભિરુત્તમદમથપ્રાપ્તૈઃ સુવિમુક્તચિત્તૈઃ સુવિમુક્તપ્રજ્ઞૈર્મહાનાગૈઃ ષડભિજ્ઞૈર્વશીભૂતૈરષ્ટવિમોક્ષધ્યાયિભિર્બલપ્રાપ્તૈરભિજ્ઞાતાભિજ્ઞૈઃ સ્થવિરૈર્મહાશ્રાવકૈઃ । તદ્યથા - આજ્ઞાતકૌણ્ડિન્યેન ચ, અશ્વજિતા ચ,બાષ્પેણ ચ,મહાનામ્ના ચ, ભદ્રજિતા ચ, યશોદેવેન ચ, વિમલેન ચ,સુબાહુના ચ, પૂર્ણમૈત્રાયણીપુત્રેણ ચ, ઉરુબિલ્વાકાશ્યપેન ચ, નદીકાશ્યપેન ચ, ગયાકાશ્યપેન ચ, કુમારકાશ્યપેન ચ, મહાકાશ્યપેન ચ, શારિપુત્રેણ ચ, મહામૌદ્ગલ્યાયનેન ચ, મહાકૌષ્ઠિલ્યેન ચ, મહાકફિલેન ચ, મહાચુન્દેન ચ, અનિરુદ્ધેન ચ, નન્દિકેન ચ, કમ્પિલેન ચ, સુભૂતિના ચ, રેવતેન ચ, ખદિરવનિકેન ચ, વકુલેન ચ, સ્વાગતેન ચ, અમોઘરાજેન ચ, પારાયણિકેન ચ, પત્કેન ચ, ચુલ્લપત્કેન ચ, નન્દેન ચ,રાહુલેન ચ,આયુષ્મતાનન્દેન ચ,એતૈશ્ચાન્યૈશ્ચ અભિજ્ઞાતાભિજ્ઞૈઃ સ્થવિરૈર્મહાશ્રાવકૈરેકં પુદ્ગલં સ્થાપયિત્વા શૈક્ષપ્રતિદ્યુત્તરિકરણીયં યદિદમાયુષ્મન્તમાનન્દમ્ । મૈત્રેયપૂર્વંગમૈશ્ચ સંબહુલૈર્બોધિસત્ત્વૈર્મહાસત્ત્વૈઃ

સ્તર્ત્ સુખ્વ્ 2:
અથ ખલ્વાયુષ્માનાન્દ ઉત્થાયાસમાદેકાંસમુત્તરાસઙ્ગં કૃત્વા દક્ષિણં જાનુમણ્ડલં પૃથિવ્યાં પ્રતિષ્ઠાપ્ય યેન ભગવાંસ્તેનાઞ્જલિં પ્રણમ્ય ભગવન્તમેતદવોચત્ - વિપ્રસન્નાનિ તવ ભગવત ઇન્દ્રિયાણિ, પરિશુદ્ધશ્છવિવર્ણઃ, પર્યવદાતો મુખવર્ણઃ પીતનિર્ભાસઃ । તદ્યથાપિ નામ શારદં વનદં પાણ્ડુપરિશુદ્ધં પર્યવદાતં પીતનિર્ભાસમ્, એવમેવ ભગવતો વિપ્રસન્નાનીન્દ્રિયાણિ, પરિશુદ્ધો મુખવર્ણઃ, પર્યવદાતશ્છવિવર્ણઃ પીતનિર્ભાસઃ । તદ્યથાપિ નામ ભગવન્ જામ્બૂનદસુવર્ણનિષ્કો દક્ષેણ કર્મારેણ કર્મારાન્તેવાસિના વા ઉલ્કામુખેન સંપ્રવેશ્ય સુપરિનિષ્ઠિતઃ ( સુખ્વ્, વૈદ્ય 222 ) પાણ્ડુકમ્બલ ઉપરિનિક્ષિપ્તો ઽતીવ પરિશુદ્ધો ભવતિ પર્યવદાતઃ પીતનિર્ભાસઃ, એવમેવ ભગવતો ચિપ્રસન્નાનીન્દ્રિયાણિ, પરિશુદ્ધો મુખવર્ણઃ, પર્યવદાતશ્છવિવર્ણઃ પીતનિર્ભાસઃ । ન ખલુ પુનરહં ભગવન્ અભિજાનામિ ઇતઃ પૂર્વતરમેવં વિપ્રસન્નાનિ તથાગતસ્યેન્દ્રિયાણિ એવં પોઅરિશુદ્ધં મુખવર્ણં પર્યવદાતં છવિવર્ણં પીતનિર્ભાસમ્ । તસ્ય મે ભગવન્ એવં ભવતિ - બુદ્ધવિહારેણ બતાદ્ય તથાગતો વિહારતિ, જિનવિહારેણ સર્વજ્ઞતાવિહાએણ । મહાનાગવિહારેણ બતાદ્ય તથાગતો વિહરતિ । અતીતાનાગતપ્રત્યુત્પન્નાન્ વા તથાગતાનર્હતઃ સમ્યક્સંબુદ્ધાન્ સમનુસ્મરતીતિ । એવમુક્તે ભગવાનાયુષ્મન્તમાનન્દમેતદવોચત્ - સાધુ સાધ્વાનન્દ । કિં પુનસ્તે દેવતા એતમર્થમારોચયન્તિ, ઉતાહો બુદ્ધા ભગવ્ન્તઃ? અથ તેન પ્રત્યુત્પન્નમીમાંસાજ્ઞાનેનૈવં પ્રજાનાસીતિ? એવમુક્તે આયુષ્માનાનન્દો ભગવન્તમેતદવોચત્ - ન મે ભગવન્ દેવતા એતમર્થમારોચયન્તિ, નાપિ બુદ્ધા ભગવન્તઃ । અથ તર્હિ મે ભગવંસ્તેનૈવ પ્રત્યાત્મમીમાંસાજ્ઞાનેનૈવં ભવતિ - બુદ્ધવિહારેણાદ્ય તથાગતો વિહરતિ । જિનવિહારેણ સર્વજ્ઞતાવિહારેણ બતાદ્ય તથાગતો વિહરતિ । અતીતાનાગતપ્રત્યુત્પન્નાન્ વા બુદ્ધાન્ ભગવતઃ સમનુસ્મરતીતિ । એવમુક્તે ભગવાનાયુષ્મન્તમાનન્દમેતદવોચત્ - સાધુ સાધ્વાનન્દ । ઉદારઃ ખલુ તે ઉન્મિઞ્જઃ,ભદ્રિકા મીમાંસા,કલ્યાણં પ્રતિભાનમ્ । બહુજનહિતાય ત્વમાનન્દ પ્રતિપન્નો બહુજનસુખાય લોકાનુકમ્પાયૈ મહતો જનકાયયાર્થાય હિતાય સુખાય દેવાનાં ચ મનુષ્યાણાં ચ, યસ્ત્વં તથાગતમર્થં પરિપ્રષ્ટવ્યં મન્યસે । એવમેવ ભગવત્સુ આનન્દસ્તથાગતેષ્વર્હત્સુ સમ્યક્સંબુદ્ધેષુ અપ્રમેયેષુ અસંખ્યેયેષુ જ્ઞાનદર્શનમુપસંહરેત્, ન તથાગતસ્ય જ્ઞાનમુપહન્યેત । તત્કસ્ય હેતોઃ? અપ્રતિહતહેતુજ્ઞાનદર્શનો હ્યાનન્દ તથાગતઃ । જ્ઞાનમાકાઙ્ક્ષન્નાનન્દ તથાગતઃ એકપિણ્ડપાતેન કલ્પં વા તિષ્ઠેત્ કલ્પશતં વા કલ્પશતસહસ્રં વા યાવત્કલ્પકોટીનિયુતશતસહસ્રં વા, તતો વોત્તરિ તિષ્ઠેત્, ન ચ તથાગતસ્યેન્દ્રિયાણ્યુપનશ્યેયુઃ, ન મુખવર્ણસ્યાન્યથાત્વં ભવેત્, નાપિ ચ્છવિવર્ણ ઉપહન્યેત । તત્કસ્ય હેતોઃ? તથા હિ આનન્દ તથાગતઃ સમાધિમુખપારમિતાપ્રાપ્તઃ । સમ્યક્સંબુદ્ધાનામાનન્દ લોકે સુદુર્લભઃ પ્રાદુર્ભાવઃ । તદ્યથા ઔદુમ્બરપુષ્પાણાં લોકે પ્રાદુર્ભાવઃ સુદુર્લભો ભવતિ, એવમેવ આનન્દ તથાગતાનામર્થકામાનાં હિતૈષીણામનુકમ્પકાનાં મહાકરુણાપ્રતિપન્નાનાં સુદુર્લભઃ પ્રાદુર્ભાવઃ । અપિ તુ ખલ્વાનન્દ તથાગતસ્યૈવ સો ઽનુભાવો યસ્ત્વં સર્વલોકાચાર્યાણાં સત્ત્વાનાં લોકે પ્રાદુર્ભાવાય બોધિસત્ત્વાનાં મહાસત્ત્વાનામર્થાય તથાગતમેતમર્થં પરિપ્રષ્ટવ્યં મન્યસે । તેન હ્યાનન્દ શૃણુ, સાધુ ચ સુષ્ઠુ ચ મનસિકુરુ । ભાષિષ્યે ઽહં તે । એવં ભગવન્ ઇત્યાયુષ્માનાનન્દો ભગવતઃ પ્રત્યશ્રૌષીત્

સ્તર્ત્ સુખ્વ્ 3:
ભગવાનાનન્દમેતદવોચત્ - ભૂતપૂર્વમાનન્દ અતીતે ઽધ્વનિ ઇતો ઽસંખ્યેયે કલ્પે ઽસંખ્યેયતરે વિપુલે ઽપ્રમેયે ઽચિન્ત્યે યદાસીત્ । તેન કાલેન તેન સમયેન દીપંકરો નામ તથાગતો ઽર્હન્ સમ્યક્સંબુદ્ધો લોક ઉદપાદિ । દીપંકરસ્યાનન્દ પરેણ પરતરં પ્રતાપવાન્નામ તથાગતો ઽભૂત્ । તસ્ય પરેણ પરતરં પ્રભાકરો નામ તથાગતો ઽભૂત્ । તસ્ય પરેણ પરતરં ચન્દનગન્ધો નામ તથાગતો ઽભૂત્ । તસ્ય પરેણ પરતરં સુમેરુકલ્પો નામ તથાગતો ઽભૂત્ । ( સુખ્વ્, વૈદ્ય 223 ) એવં ચન્દનો નામ, વિમલાનનો નામ, અનુપલિપ્તો નામ, વિમલપ્રભો નામ, નાગાભિભૂર્નામ, સૂર્યોદનો નામ, ગિરિરાજઘોષો નામ, મેરુકૂટો નામ, સુવર્ણપ્રભો નામ, જ્યોતિષ્પ્રભો નામ, વૈડૂર્યનિર્ભાસો નામ, બ્રહ્મઘોષો નામ, ચન્દ્રાભિભૂર્નામ, તૂર્યઘોષો નામ, મુક્તકુસુમપ્રતિમણ્ડિતપ્રભો નામ, શ્રીકૂટો નામ, સાગરવરબુદ્ધિવિક્રીડિતાભિજ્ઞો નામ, વરપ્રભો નામ, મહાગન્ધરાજનિર્ભાસો નામ, વ્યપગતખિલમલપ્રતિઘોષો નામ, શૂરકૂટો નામ, રણંજહો નામ, મહાગુણધરબુદ્ધિપ્રાપ્તાભિજ્ઞો નામ, ચન્દ્રસૂર્યજિહ્મીકરણો નામ, ઉત્તપ્તવૈડૂર્યનિર્ભાસો નામ, ચિત્તધારાબુદ્ધિસંકુસુમિતાભ્યુદ્ગતો નામ, પુષ્પાવતીવનરાજસંકુસુમિતાભિજ્ઞો નામ, પુષ્પાકરો નામ, ઉદકચન્દ્રો નામ, અવિદ્યાન્ધકારવિધ્વંશનકરો નામ, લોકેન્દ્રો નામ, મુક્તચ્છ્ત્રપ્રવાતસદૃશો નામ, તિષ્યો નામ, ધર્મમતિવિનન્દિતરાજો નામ, સિંહસાગરજૂઊટવિનન્દિતરાજો નામ, સાગરમેરુચન્દ્રો નામ, બ્રમ્હસ્વરનાદાભિનન્દિતો નામ, કુસુમસંભવો નામ પ્રાપ્તસેનો નામ, ચન્દ્રભાનુર્નામ, ચન્દ્રપ્રભો નામ, વિમલનેત્રો નામ, ગિરિરાજઘોષોશ્વરો નામ, કુસુમપ્રભો નામ, કુસુમવૃષ્ટ્યભિપ્રકીર્ણો નામ, રત્નચન્દ્રો નામ, પદ્મબિમ્બ્યુપશોભિતો નામ, ચન્દનગન્ધો નામ, રત્નાભિભાસો નામ નિમિર્નામ, મહાવ્યૂહો નામ, વ્યપગતખિલદોષો નામ, બ્રમ્હઘોષો નામ, સપ્તરત્નાભિવૃષ્ટો નામ, મહાગુણધરો નામ, મહાતમાલપત્રચન્દનકર્દમો નામ, કુસુકાભિજ્ઞો નામ, અજ્ઞાનવિધ્વંસનો નામ, કેસરી નામ, મુક્તચ્છત્રો નામ, સુવર્ણગર્ભો નામ, વૈડૂર્યગર્ભો નામ, મહાકેતુર્નામ, ધર્મકેતુર્નામ, રત્નકેતુર્નામ, રત્નશ્રીર્નામ, કોલેન્દ્રો નામ, નરેન્દ્રો નામ, કારુણિકો નામ, લોકસુન્દરો નામ, બ્રમ્હકેતુર્નામ, ધર્મકેતુર્નામ, સિંહો નામસિંહમતિર્નામ । સિંહમતેરાનન્દ પરેણ પરતરં લોકેશ્વરરાજો નામ તથાગતો ઽર્હન્ સમ્યક્સંબુદ્ધો લોક ઉદપાદિ વિદ્યાચરણસંપન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ મનુષ્યાણાં ચ બુદ્ધો ભગવાન્ । તસ્ય ખલુ પુનરાનન્દ લોકેશ્વરરાજસ્ય તથાગત, સ્યાર્હતઃ સમ્યક્સંબુદ્ધસ્ય પ્રવચને ધર્માકરો નામ ભિક્ષુભૂદધિમાત્રં સ્મૃતિમાન્ મતિમાન્ ગતિમાન્ પ્રજ્ઞાવન્, અધિમાત્રં વીર્યવાન્ ઉદારાધિમુક્તિકઃ

સ્તર્ત્ સુખ્વ્ 4:
અથ ખલ્વાનન્દ સ ધર્માકરો ભિક્ષુરુત્થાયાસનાદેકાંસમુત્તરાસઙ્ગં કૃત્વા દક્ષિણજાનુમણ્ડલં પૃથિવ્યાં પ્રતિષ્ઠાપ્ય યેનાસૌ ભગવાંલ્લોકેશ્વરરાજસ્તથાગતસ્તેનાઞ્જલિં પ્રણમ્ય ભગવન્તં નમસ્કૃત્ય તસ્મિન્નેવ સમયે સંમુખમાભિર્ગાથાભિરભ્યષ્ટાવીત્ -
અમિતપ્રભ અનન્તતુલ્યબુદ્ધે ન ચ ઇહ અન્ય પ્રભા વિભાતિ કાચિત્ ।
સૂર્યમણિગિરીશચન્દ્રઆભા ન તપિત ભોસિષુ એભિ સર્વલોકે

રૂપમપિ અનન્તુ અત્ત્વસારે તથ અપિ બુદ્ધસ્વરો અનન્તઘોષઃ ।
શીલમપિ સમાધિપ્રજ્ઞવીર્યૈઃ સદૃશુ ન તે ઽસ્તિહ લોકિ કશ્ચિદન્યઃ

ગભિરુ વિપુલુ સૂક્ષ્મપ્રાપ્તુ ધર્મો ઽચિન્તિતુ બુદ્ધવરો યથા સમુદ્રઃ ।
તેનોન્નમના ન ચાસ્તિ શાસ્તુઃ ખિલદોષાન્ જહ્યા અતો ઽધિકાલમ્

અથ બુદ્ધબલા અનન્તતેજા પ્રતપતિ સર્વદિશા નરેન્દ્રરાજા ।
તથ અહુ બુદ્ધ ભવિ ધર્મસ્વામી જરમરણાત્પ્રજાં પ્રમોચયેયમ્

દાનશમથશીલક્ષાન્તિવીર્ય ધ્યાનસમાધિતશ્ચૈવ અગ્રશ્રેષ્ઠાં ।
એભિ અહુ વ્રતાં સમાદદામિ બુદ્ધ ભવિષ્યમિ સર્વસત્ત્વત્રાતા

બુદ્ધશતસહસ્ર કોટ્યનેકા યથરિવ વાલિક ગઙ્ગયા અનન્તા ।
સર્વત અહુ પૂજયિષ્ય નાથાં શિવવરબોધિગવેષકો અતુલ્યાં

ગઙ્ગારજસમાનલોકધાતૂં તત્ર ભૂયો ઽન્તરિ યે અનન્તક્ષેત્રાઃ ।
સર્વત્ર પ્રભ મુઞ્ચયિષ્ય તત્રા ઇતિ એતાદૃશ વીર્યમારભિધ્ય

ક્ષેત્ર મમ ઉદારુ અગ્ર શ્રેષ્ઠો વરમિહ મલી(?) સંસ્કૃતે ઽસ્મિં ।
અસદૃશ નિર્વાણધાતુસૌખ્યં તશ્ચ(ચ્ચ?) અસત્ત્વતયા વિશોધયિષ્યે

દશદિશત સમાગતાનિ સત્ત્વાઃ તત્ર ગતા સુખ મે દિશન્તિ ક્ષિપ્રમ્ ।
બુદ્ધ મમ પ્રમાણુ અત્ર શિક્ષી અવિતથવીર્યબલં જનેમિ છન્દમ્

દશદિશલોકવિદસઙ્ગજ્ઞાની સદ મમ ચિત્ત પ્રજાનયન્તિ તે ઽપિ ।
અવિચિગતુ અહં સદા વસેયં પ્રણિધિબલં ન પુનર્વિવર્તયિષ્યે

સ્તર્ત્ સુખ્વ્ 5:
અથ ખલ્વાનન્દ સ ધર્માકરો ભિક્ષુસ્તં ભગવન્તં લોકેશ્વરરાજં તથાગતં સંમુખમાભિર્ગાથાભિરભિષ્ટુત્ય એતદવોચત્ - અહમસ્મિ ભગવન્ ઉત્તરાં સમ્યક્સંબોધિમભિસંબોદ્ધુકામઃ । પુનઃ પુનરનુત્તરાયાં સમ્યક્સંબોધૌ ચિત્તમુત્પાદયામિ પરિણામયામિ । તસ્ય મે ભગવાન્ શાસ્તા તથા ધર્મં દેશયતુ, યથાહં ક્ષિપ્રમનુત્તરાં સમ્યક્સંબોધિમભિસંબુધ્યેયમ્ । અસમસમસ્તથાગતો લોકે ભવેયમ્ । તાંશ્ચ ભગવાનાકારાન્ પરિકીર્તયતુ યૈરહં બુદ્ધક્ષેત્રસ્ય ગુણવ્યૂહસંપદં પરિગૃહ્ણીયામ્ । એવમુક્તે આનન્દ ભગવાંલ્લોકેશ્વરરાજસ્તથાગતસ્તં ભિક્ષુમેતદવોચત્ - તેન હિ ત્વં ભિક્ષો સ્વયમેવ બુદ્ધક્ષેત્રગુણાલંકારવ્યૂહસંપદં પરિગૃહ્ણીષ્વ । સો ઽવોચત્ - નાહં ભગવંસ્તત્સહેયમ્, અપિ તુ ભગવાનેવ । ભાષસ્વ અન્યેષાં તથાગતાનાં બુદ્ધક્ષેત્રગુણવ્યૂહાલંકારસંપદમ્, યાં શ્રુત્વા વયં સર્વાકારં પરિપૂરયિષ્યામ ઇતિ । અથાનન્દ સ લોકેશ્વરરાજસ્તથાગતો ઽર્હન્ સમ્યક્સંબુદ્ધસ્તસ્ય ભિક્ષુરાશયં જ્ઞાત્વા પરિપૂર્ણાં વર્ષકોટીમેકાશીતિબુદ્ધકોટીનિયુતશતસહસ્રાણાં બુદ્ધક્ષેત્રગુણાલંકારવ્યૂહસંપદં સાકારાં સોદ્દેશાં સનિર્દેશાં સંપ્રકાશિતવાનર્થકામો હિતૈષી અનુકમ્પકો ઽનુકમ્પામુપાદાય બુદ્ધક્ષેત્રાનુપચ્છેદાય સત્ત્વેષુ મહાકરુણાં સંજનયિત્વા । પરિપૂર્ણાશ્ચત્વારિંશત્કલ્પાસ્તસ્ય ભગવતસ્તથાગતસ્યાયુઃપ્રમાણમ્

સ્તર્ત્ સુખ્વ્ 6:
અથ ખલ્વાનન્દ સ ધર્માકરો ભિક્ષુર્યાસ્તેષામેકાશીતિબુદ્ધકોટીનિયુતશતસહસ્રાણાં બુદ્ધક્ષેત્રગુણાલંકારવ્યૂહસંપદઃ, તાઃ સર્વા એકે બુદ્ધક્ષેત્રે પરિગૃહ્ય ભગવતો લોકેશ્વરરાજસ્ય તથાગતસ્ય પાદૌ શિરસા વન્દિત્વા પ્રદક્ષિણીકૃત્ય તસ્ય ભગવતો ઽન્તિકાત્પ્રાક્રામત્ । ઉત્તરિ ચ પઞ્ચ કલ્પાન્ બુદ્ધક્ષેત્રગુણાલંકારવ્યૂહસંપદમુદારતરાં પ્રણીતતરાં ચ સર્વલોકે દશસુ દિક્ષુ અપ્રચરિતપૂર્વાં પરિગૃહીતવાન્, ઉદારતરં ચ પ્રણિધાનમકાર્ષીત્

સ્તર્ત્ સુખ્વ્ 7:
ઇતિ હ્યાનન્દ યા તેન ભગવતા લોકેશ્વરરાજેન તથાગતેન તેષામેકાશીતિબુદ્ધક્ષેત્રકોટીનિયુતશતસહસ્રાણાં સંપત્તિઃ કથિતા, તતો ભિક્ષુરેકાશીત્યુદારપ્રણીતાપ્રમેયતરાં બુદ્ધક્ષેત્રસંપત્તિં પરિગૃહ્ય યેન સ તથાગતસ્તેનોપસંક્રમ્ય ભગવતઃ પાદૌ શિરસા વન્દિત્વા એતદવોચત્ - પરિગૃહીતા મે ભગવન્ બુદ્ધક્ષેત્રગુણાલંકારવ્યૂહસંપદિતિ । એવમુક્તે આનન્દ સ લોકેશ્વરરાજસ્તથાગતસ્તં ભિક્ષુમેતદવોચત્ - તેન હિ ભિક્ષો ભાષસ્વ, અનુમોદતે તથાગતઃ । અયં કાલો ભિક્ષો, પ્રમોદય પર્ષદમ્, હર્ષં જનય, સિંહનાદં નદ,યં શ્રુત્વા બોધિસત્ત્વા મહાસત્ત્વા એતર્હ્યનાગતે ઽધ્વનિ એવંરૂપાણિ બુદ્ધક્ષેત્રગુણસંપત્તિપ્રણિધિસ્થાનાનિ પરિગ્રહીષ્યન્તિ । અથાનન્દ સ ધર્માકરો ભિક્ષુસ્તસ્યાં વેલાયાં ભગવન્તમેતદવોચત્ - તેન હિ શૃણોતુ મે ભગવાન્ યે મમ પ્રણિધાનવિશેષાઃ, યથા મે ઽનુત્તરાં સમ્યક્સંબોધિમભિસંબુદ્ધસ્ય અચિન્ત્યગુણાલંકારવ્યૂહસમન્વાગતં તદ્ બુદ્ધક્ષેત્રં ભવિષ્યતિ

સ્તર્ત્ સુખ્વ્ 8:
1. સચેન્મે ભગવંસ્તસ્મિન્ બુદ્ધક્ષેત્રે નિરયો વા તિર્યગ્યોનિર્વા પ્રેતવિષયો વા આસુરો વા કાયો ભવેત્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
2. સચેન્મે ભગવંસ્તસ્ય તત્ર બુદ્ધક્ષેત્રે યે સત્ત્વાઃ પ્રત્યાજાતા ભવેયુઃ, તે પુનસ્તતશ્ચ્યુત્વા નિરયં વા તિર્યગ્યોનિં વા પ્રેતવિષયં વા આસુરં વા કાયં પ્રપતેયુઃ,મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
3. સચેન્મે ભગવંસ્તત્ર બુદ્ધક્ષેત્રે યે સત્ત્વાઃ પ્રત્યાજાતાસ્તે ચ સર્વે નૈકવર્ણાઃ સ્યુર્યદિદં સુવર્ણવર્ણાઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
4. સચેન્મે ભગવંસ્તસ્મિન્ બુદ્ધક્ષેત્રે દેવાનાં ચ મનુષ્યાણાં ચ નાનાત્વં પ્રજ્ઞાયેત અન્યત્ર નામ સંવૃતિવ્યવહારમાત્રા દેવમનુષ્યા ઇતિ સંખ્યાગણનાતઃ,મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
5. સચેન્મે ભગવંતસ્મિન્ બુદ્ધક્ષેત્રે યે સત્ત્વાઃ પ્રત્યાજાતાઃ, તે ચ સર્વે ન ઋદ્ધિવશિતાપરમપારમિતાપ્રાપ્તા ભવેયુઃ, અન્તશ એકચિત્તક્ષણલવેન બુદ્ધક્ષેત્રકોટીનિયુતશતસહસ્રાતિક્રમણતયાપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
6. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાતા ભવેયુઃ, તે ચ સર્વે જાતિસ્મરા ન સ્યુઃ, અન્તશઃ કલ્પકોટીનિયુતશતસહસ્રાનુસ્મરણતયાપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
7. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાયેરન્, તે સર્વે ન દિવ્યસ્ય ચક્ષુષો લાભિનો ભવેયુઃ, અન્તશો લોકધાતુકોટીનિયુતશતસહસ્રદર્શનતયાપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
8. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાયેરન્, તે સર્વે ન દિવ્યસ્ય શ્રોત્રસ્ય લાભિનો ભવેયુઃ, અન્તશો બુદ્ધક્ષેત્રકોટીનિયુતશતસહસ્રાદપિ યુગપત્સદ્ધર્મશ્રવણતયા, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
9. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાયેરન્, તે સર્વે ન પરચિત્તજ્ઞાનકોવિદા ભવેયુઃ, અન્તશો બુદ્ધક્ષેત્રકોટીનિયુતશતસહસ્રપર્યાપન્નાનામપિ સત્ત્વાનાં ચિત્તચરિતપરિજ્ઞાનતયા, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
10. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાયેરન્, તેષાં કાચિત્પરિગ્રહસંજ્ઞોત્પદ્યેત, અન્તશઃ સ્વશરીરે ઽપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
11. સચેન્મે ભગવંસ્તસ્મિન્ બુદ્ધક્ષેત્રે યે સત્ત્વાઃ પ્રત્યાજાયેરન્, તે સર્વે ન નિયતાઃ સ્યુર્યાદિદં સમ્યક્ત્વે યાવન્મહાપરિનિર્વાણે, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
12. સચેન્મે ભગવંસ્તસ્મિન્ બુદ્ધક્ષેત્રે અનુત્તરાં સમ્યક્સંબોધિમભિસંબુદ્ધસ્ય કશ્ચિત્સત્ત્વઃ શ્રાવકાણાં ગણનામધિગચ્છેત્, અન્તશસ્ત્રિસાહસ્રમહાસાહસ્રપર્યાપન્ના અપિ સર્વસત્ત્વાઃ પ્રત્યેકબુદ્ધભૂતાઃ કલ્પકોટીનિયુતશતસહસ્રમભિગણયન્તઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
13. સચેન્મે ભગવંસ્તસ્મિન્ બુદ્ધક્ષેત્રે અનુત્તરાં સમ્યક્સંબોધિમભિસંબુદ્ધસ્ય પ્રમાણિકી મે પ્રભા ભવેત્, અન્તશો બુદ્ધક્ષેત્રકોટીનિયુતશતસહસ્રપ્રમાણેનાપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
14. સચેન્મે ભગવન્નનુત્તરાં સમ્યક્સંબોધિમભિસંબુદ્ધસ્ય તસ્મિન્ બુદ્ધક્ષેત્રે સત્ત્વાનાં પ્રમાણીકૃતમાયુષ્પ્રમાણં ભવેત્, અન્યત્ર પ્રણિધાનવશેન, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
15. સચેન્મે ભગવન્ બોધિપ્રાપ્તસ્યાયુષ્પ્રમાણં પર્યન્તીકૃતં ભવેત્,
અન્તશઃ કલ્પકોટીનિયુતશતસહસ્રગણયાપિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
16. સચેન્મે ભગવન્ બોધિપ્રાપ્તસ્ય તસ્મિન્ બુદ્ધક્ષેત્રે સત્ત્વાનામકુશલસ્ય નામધેયમપિ ભવેત્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
17. સચેન્મે ભગવન્ બોધિપ્રાપ્તસ્ય નાપ્રમયેષુ બુદ્ધક્ષેત્રેષુ અપ્રમેયાસંખ્યેયા બુદ્ધા ભગવન્તો નામધેયં પરિકીર્તયેયુઃ, ન વર્ણં ભાષેરન્, ન પ્રશંસામભ્યુદીરયેરન્, ન સમુદીરયેયુઃ,મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
18. સચેન્મે ભગવન્ બોધિપ્રાપ્તસ્ય યે સત્ત્વા અન્યેષુ લોકધાતુષ્વનુત્તરાયાં સમ્યક્સંબોધૌ ચિત્તમુત્પાદ્ય મમ નામધેયં શ્રુત્વા પ્રસન્નચિત્તા મામનુસ્મરેયુઃ, તેષાં ચેદહં મરણકાલસમયે પ્રત્યુપસ્થિતે ભિક્ષુસંઘપરિવૃતઃ પુરસ્કૃતો ન પુરતસ્તિષ્ઠેયં યદિદં ચિત્તાવિક્ષેપતાયૈ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
19. સચેન્મે ભગવન્ બોધિપ્રાપ્તસ્ય અપ્રમેયાસંખ્યેયેષુ બુદ્ધક્ષેત્રેષુ યે સત્ત્વા મમ નામધેયં શ્રુત્વા તત્ર બુદ્ધક્ષેત્રે ચિત્તં પ્રેરયેયુઃ, ઉપપત્તયે કુશલમૂલાનિ ચ પરિણામયેયુઃ, તે તત્ર બુદ્ધક્ષેત્રે નોપપદ્યેરન્, અન્તશો દશભિશ્ચિત્તોત્પાદપરિવર્તૈઃ સ્થાપયિત્વા આનન્તર્યકારિણઃ સદ્ધર્મપ્રતિક્ષેપાવરણકૃતાંશ્ચ સત્ત્વાન્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
20. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે સત્ત્વાઃ પ્રત્યાજાતા ભવેયુઃ,તે સર્વે નૈકજાતિપ્રતિબદ્ધાઃ સ્યુરનુત્તરાયાં સમ્યક્સંબોધૌ સ્થાપયિત્વા પ્રણિધાનવિશેષાન્, તેષામેવ બોધિસત્ત્વાનાં મહાસત્ત્વાનાં મહાસંનાહસંનદ્ધાનાં સર્વલોકાર્થસંબુદ્ધાનાં સર્વલોકાભિયુક્તાનાં સર્વલોકપરિનિર્વાણાભિયુક્તાનાં સર્વલોકધાતુષુ બોધિસત્ત્વચર્યાં ચરિતુકામાનાં સર્વબુદ્ધાનાં સંવર્તુકામાનાં ગઙ્ગાનદીવાલુકાસમાન્ સત્ત્વાન્ અનુત્તરાયાં સમ્યક્સંબોધૌ પ્રતિષ્ઠાપકાનાં ભૂયશ્ચ ઉત્તરચર્યાભિમુખાનાં સમન્તભદ્રચર્યાનિર્યાતાનામ્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
21. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે બોધિસત્ત્વાઃ પ્રત્યાજાતા ભવેયુઃ, તે સર્વે એકપુરોભક્તેન અન્યાનિ બુદ્ધક્ષેત્રાણિ ગત્વા બહૂનિ બુદ્ધશતાનિ બહૂનિ બુદ્ધસહસ્રાણિ બહૂનિ બુદ્ધશતસહસ્રાણિ બહ્વીર્બુદ્ધકોટીર્યાવદ્બહૂનિ બુદ્ધકોટીનિયુતશતસહસ્રાણિ નોપતિષ્ઠેરન્ સર્વસુખોપધાનૈઃ તદિદં બુદ્ધાનુભાવેન, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
22. સચેન્મે ભગવન્ બોધિપ્રાપ્તસ્ત તત્ર બુદ્ધક્ષેત્રે બોધિસત્ત્વા યથારૂપૈરાકારૈરાકાઙ્ક્ષેયુઃ કુશલમૂલાન્યવરોપયિતું યદિદં સુવર્ણેન વા રજતેન વા મણિમુક્તાવૈડૂર્યશઙ્ખશિલાપ્રવાલસ્ફટિકમુસારગલ્વલોહિતમુક્તાશ્મગર્ભાદિભિર્વા અન્યતમાન્યતમૈઃ સર્વૈ રત્નૈર્વા સર્વગન્ધપુષ્પમાલ્યવિલેપનધૂપચૂર્ણચીવરચ્છત્રધ્વજપતાકાપ્રદીપૈર્વા ( સુખ્વ્, વૈદ્ય 228 ) સર્વનૃત્યગીતવાધૈર્વા, તેષાં ચ તથારૂપા આહારાઃ સહચિત્તોત્પાદાન્ન પ્રાદુર્ભવેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥

23. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે સત્ત્વાઃ પ્રત્યાજાતા ભવેયુઃ,તે સર્વ ન સર્વજ્ઞતાસહગતાં ધર્મકથાં કથયેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
24. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે બોધિસત્ત્વા એવં ચિત્તમુત્પાદયેયુઃ - યદિહૈવ વયં લોકધાતૌ સ્થિત્વા અપ્રમેયાસંખ્યેયેષુ બુદ્ધક્ષેત્રેષુ બુદ્ધાન્ ભગવતઃ સત્કુર્યામ્ ગુરુકુર્યામ્ માનયેમ પૂજયેમ યદિદં ચીવરપિણ્ડપાત્રશયનાસનગ્લાનપ્રત્યયભૈષજ્યપરિષ્કારૈઃ પુષ્પધૂપદીપગન્ધમાલ્યવિલેપનચૂર્ણચીવરચ્છત્રધ્વજપતાકાભિર્નાનાવિધનૃત્યગીતવાદ્યૈ રત્નવર્ષૈરિતિ, તેષાં ચ બુદ્ધા ભગવન્તઃ સહચિત્તોત્પાદાન્ન પ્રતિગૃહ્ણીયુર્યદિદમનુકમ્પામુપાદાય, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
25. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે બોધિસત્ત્વાઃ પ્રત્યાજાતા ભવેયુઃ, તે સર્વે ન નારાયણવજ્રસંહતાત્મભાવસ્થામપ્રતિલબ્ધા ભવેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
26. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યઃ કશ્ચિત્સત્ત્વો ઽલંકારસ્ય વર્ણપર્યન્તમુદ્ગૃહ્ણીયાત્ - અન્તશો દિવ્યેનાપિ ચક્ષુષા એવંવર્ણમેવંવિભૂતિ ઇદં બુદ્ધક્ષેત્રમિતિ નાનાવર્ણતાં જાનીયાત્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
27. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યઃ સર્વપરીત્તકુશલમૂલો બોધિસત્ત્વઃ સો ઽન્તશો યોજનશતોત્થિતમુદારવર્ણં બોધિવૃક્ષં ન સંજાનીયાત્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
28. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે કસ્યચિત્સત્ત્વસ્યોદ્દેશો વા સ્વાધ્યાયો વા કર્તવ્યઃ સ્યાત્, ન તે સર્વે પ્રતિસંવિત્પ્રાપ્તા ભવેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
29. સચેન્મે ભગવન્ બોધિપ્રાપ્તસ્ય નૈવં પ્રભાસ્વરં તદ્બુદ્ધક્ષેત્રં ભવેદ્યત્ર સમન્તાદપ્રમેયાસંખ્યેયાચિન્ત્યાતુલ્યાપરિમાણાનિ બુદ્ધક્ષેત્રાણિ સંદૃશ્યેરન્ તદ્યથાપિ નામ પરિમૃષ્ટે આદર્શમણ્ડલે મુખમણ્ડલમ્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
30. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે ધરણીતલમુપાદાય યાવદન્તરીક્ષાદ્દેવમનુષ્યવિષયાતિક્રાન્તસ્યાભિજાતસ્ય ધૂપસ્ય તથાગતબોધિસત્ત્વપૂજાપ્રત્યર્હસ્ય સર્વરત્નમયાનિ નાનાસુરભિગન્ધઘટિકાશતસહસ્રાણિ સદા નિધૂપિતાન્યવ ન સ્યુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
31. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે ન સદાભિપ્રવૃષ્ટાન્યેવ સુગન્ધિનાનારત્નપુષ્પવર્ષાણિ સદા પ્રવાદિતાશ્ચ મનોજ્ઞસ્વરા વાદ્યમેઘા ન સ્યુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
32. સચેન્મે ભગવન્ બોધિપ્રાપ્તસ્ય યે સત્ત્વા અપ્રમેયાસંખ્યેયાચિન્યાતુલ્યેષુ લોકધાતુષ્વાભયા સ્ફુટા ભવેયુઃ, તે સર્વે ન દેવમનુષ્યસમતિક્રાન્તેન સુખેન સમન્વાગતા ભવેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
33. સચેન્મે ભગવન્ બોધિપ્રાપ્તસ્ય સમન્તાદપ્રમેયાચિન્ત્યાતુલ્યાપરિમાણેષુ બુદ્ધક્ષેત્રેષુ બોધિસત્ત્વા મહાસત્ત્વા મમ નામધેયં શ્રુત્વા તચ્છ્રવણસહગતેન કુશલેન જાતિવ્યતિવૃત્તાઃ સન્તો ન ધારણીપ્રતિલબ્ધા ભવેયુર્યાવદ્બોધિમણ્ડપર્યન્તમિતિ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
34. સચેન્મે ભગવન્ બોધિપ્રાપ્તસ્ય સમન્તાદપ્રમેયાસંખ્યેયાચિન્ત્યાતુલ્યાપરિમાણેષુ બુદ્ધક્ષેત્રેષુ યાઃ સ્ત્રિયો મમ નામધેયં શ્રુત્વા પ્રમાદં સંજનયેયુઃ, બોધિચિત્તં નોત્પાદયેયુઃ, સ્ત્રીભાવં ચ ન વિજુગુપ્સેરન્, જાતિવ્યતિવૃત્તાઃ સમાનાઃ સચેદ્દ્વિતીયં સ્ત્રીભાવં પ્રતિલભેરન્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
35. સચેન્મે ભગવન્ બોધિપ્રાપ્તસ્ય સમન્તાદ્દશસુ દિક્ષુ અપ્રમેયાસંખ્યેયાચિન્ત્યાતુલ્યાપરિમાણેષુ બુદ્ધક્ષેત્રેષુ યે બોધિસત્ત્વા મમ નામધેયં શ્રુત્વા પ્રણિપત્ય પઞ્ચમણ્ડલનમસ્કારેણ વન્દિષ્યન્તે તે બોધિસત્ત્વચર્યાં ચરન્તો ન સદેવકેન લોકેન સત્ક્રિયેરન્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
36. સચેન્મે ભગવન્ બોધિપ્રાપ્તસ્ય કસ્યચિદ્બોધિસત્ત્વસ્ય ચીવરધાવનશોષણસીવનરઞ્જનકર્મ કર્તવ્યં ભવેત્, ન ત્વેવ નવાભિજાતચીવરરત્નૈઃ પ્રાવૃતમેવાત્માનં સંજાનીયુઃ સહચિત્તોત્પાદાત્તથાગતાનુજ્ઞાતૈઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
37. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે સહોત્પન્નાઃ સત્ત્વા નૈવંવિધં સુખં પ્રતિલભેરંસ્તદ્યથાપિ નામ નિષ્પરિદાહસ્યાર્હતો ભિક્ષોસ્તૃતીયધ્યાનસમાપન્નસ્ય, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
38. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે બોધિસત્ત્વાઃ પ્રત્યાજાતાઃ,તે યથારૂપં બુદ્ધક્ષેત્રે ગુણાલંકારવ્યૂહમાકાઙ્ક્ષેયુઃ, તથારૂપં નાનારત્નવૃક્ષેભ્યો ન સંજનયેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
39. સચેન્મે ભગવન્ બોધિપ્રાપ્તસ્ય મમ નામધેયં શ્રુત્વા અન્યબુદ્ધક્ષેત્રોપપન્ના બોધિસત્ત્વા ઇન્દ્રિયબલવૈકલ્યં ગચ્છેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
40. સચેન્મે ભગવન્ બોધિપ્રાપ્તસ્ય તદન્યબુદ્ધક્ષેત્રસ્થાને બોધિસત્ત્વા મમ નામધેયસહશ્રવણાન્ન સુવિભક્તવતીં નામ સમાધિં પ્રતિલભેરન્, યત્ર સમાધૌ સ્થિત્વા બોધિસત્ત્વા એકક્ષણવ્યતિહારેણ અપ્રમેયાસંખ્યેયાચિન્ત્યાતુલ્યાપરિમાણાન્ બુદ્ધાન્ ભગવતઃ પશ્યન્તિ, સ ચૈષાં સમાધિરન્તરા વિપ્રણશ્યેત્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
41. સચેન્મે ભગવન્ બોધિપ્રાપ્તસ્ય તદન્યેષુ બુદ્ધક્ષેત્રેષુ મમ નામધેયં શ્રુત્વા તચ્છ્રવણસહગતેન કુશલમૂલેન સત્ત્વા નાભિજાતકુલોપપત્તિં પ્રતિલભેરન્ યાવદ્બોધિપર્યન્તમ્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
42. સચેન્મે ભગવન્ બોધિપ્રાપ્તસ્ય તદન્યેષુ બુદ્ધક્ષેત્રેષુ યે બોધિસત્ત્વા મમ નામધેયં શ્રુત્વા તચ્છ્રવણકુશલમૂલેન યાવદ્બોધિપર્યન્તં તે સર્વે બોધિસત્ત્વચર્યાપ્રીતિપ્રામોદ્યકુશલમૂલસમવધાનગતા ન ભવેયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
43. સચેન્મે ભગવન્ બોધિપ્રાપ્તસ્ય સહનામધેયશ્રવણાત્તદન્યેષુ લોકધાતુષુ બોધિસત્ત્વા ન સમન્તાનુગતં નામ સમાધિં પ્રતિલભેરન્, યત્ર સ્થિત્વા બોધિસત્ત્વા એકક્ષણવ્યતિહારેણ અપ્રમેયાસંખ્યેયાચિન્યાતુલ્યાપરિમાણાન્ બુદ્ધાન્ ભગવતઃ સત્કુર્વન્તિ, સ ચૈષાં સમાધિરન્તરા વિપ્રણશ્યેદ્યાવદ્બોધિમણ્ડપર્યન્તમ્, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥

44. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે યે સત્ત્વાઃ પ્રત્યાજાતા ભવેયુઃ તે યથારૂપાં ધર્મદેશનામાકાઙ્ક્ષેયુઃ શ્રોતુમ્, તથારૂપાં સહચિત્તોત્પાદાન્ન શૃણુયુઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
45. સચેન્મે ભગવન્ બોધિપ્રાપ્તસ્ય તત્ર બુદ્ધક્ષેત્રે તદન્યેષુ બુદ્ધક્ષેત્રેષુ યે ચ બોધિસત્ત્વા મમ નામધેયં શૃણુયુઃ, તે સહનામધેયશ્રવણાન્નાવૈવર્તિકા ભવેયુરનુત્તરાયાઃ સમ્યક્સંબોધેઃ, મા તાવદહમનુત્તરાં સમ્યક્સંબોધિમભિસંબુધ્યેયમ્ ॥
46. સચેન્મે ભગવન્ બોધિપ્રાપ્તસ્ય બુદ્ધશાસ્તુર્બુદ્ધક્ષેત્રેષુ તે બોધિસત્ત્વા મમ નામધેયં શૃણુયુઃ, તે સહનામધેયશ્રવનાત્પ્રથમદ્વિતીયતૃતીયાઃ ક્ષાન્તીઃ પ્રતિલભેરન્ નાવૈવર્તિકા ભવેયુર્બુદ્ધધર્મસંઘેભ્યઃ, મા તાવદહમનુત્તરાં સમ્યક્સંબોધિમભિબુધ્યેયમ્

સ્તર્ત્ સુખ્વ્ 9:
અથ ખલ્વાનન્દ સ ધર્માકરો ભિક્ષુરિમાનેવંરૂપાન્ પ્રણિધાનવિશેષાન્નિર્દિશ્ય તસ્યાં વેલાયામ્ બુદ્ધાનુભાવેન્ ઇમા ગાથા અભાષત -
સચિ મિ[સિય] વિશિષ્ટ નૈવરૂપા વરપ્રણિધાન સિયા ખુ બોધિપ્રાપ્તો ।
માહ સિય ગવેન્દ્રસત્ત્વસારો દશબલધારિ અતુલ્યદક્ષિણીયઃ

સચિ મિ સિય ન ક્ષેત્ર એવરૂપં બહુ અધ નાનપ્રભૂતદિવ્યવિત્તમ્ ।
સુખિત નરક યેય દુઃખપ્રાપ્તો માહ સિયા રતનાન[લોક]રાજા