Stotraratna · શ્લોક 41-60

દાસસ્ સખા વાહનમ્ આસનં ધ્વજો યસ્ તે વિતાનં વ્યજનં ત્રયીમયઃ ।
ઉપસ્થિતં તેન પુરો ગરુત્મતા ત્વદઙ્ઘ્રિસમ્મર્દકિણાઙ્કશોભના ॥

ત્વદીયભુક્તોજ્જિહિતશેષભોજિના ત્વયા નિસૃષ્ટાત્મભરેણ યદ્યથા ।
પ્રિયેણ સેનાપતિના ન્યવેદિ તત્તથાનુજાનન્તમ્ ઉદારવીક્ષનૈઃ ॥

હતાખિલક્લેશમલૈઃ સ્વભાવતસ્ ત્વદાનુકૂલ્યૈકરસૈસ્ તવોચિતૈઃ ।
ગૃહીતતત્તત્પરિચારસાધનૈર્ નિષેવ્યમાણં સચિવૈર્ યથોચિતં ॥

અપૂર્વનાનારસભાવનિર્ભદ્રપ્રબદ્ધયા મુગ્ધવિદઘલીલયા ।
ક્ષણાણુવત્ ક્ષિપ્તપરાદિકાલયા પ્રહર્ષયન્તં મહિષીં મહાભુજનમ્ ॥

અચિન્ત્યદિવ્યાદ્ભુતનિત્યયૌવનસ્વભાવલાવણ્યમયામૃતોદધિમ્ ।
શ્રિયઃ શ્રિયં ભક્તજનૈકજીવિતં સમર્થમ્ આપત્સખમ્ અર્થિકલ્પકમ્ ॥

ભગવન્તમ્ એવાનુચરન્ નિરન્તરં પ્રશાન્તનિશ્શેષમનોરથાન્તરઃ ।
કદાહમ્ ઐકાન્તિકનિત્યકિઙ્કરઃ પ્રહર્ષયિષ્યામિ સનાથજીવિતઃ ॥

ધિગ્ અશુચિમ્ અવિનીતં નિર્ભયં મામ્ અલજ્જં પરમપુરુષ યો ઽહમ્ યોગિવર્યાગ્રગણ્યૈઃ ।
વિધ્શિવસનકાદ્યૈર્ ધ્યાતુમ્ અત્યન્તદૂરં તવ પરિજનભાવં કામયે કામવૃત્તઃ ॥

અપરાધસહસ્રભાજનં પતિતં ભીમભવાર્ણવોદરે ।
અતગિં શરણાગતં હરે કૃપયા કેવલમ્ આત્મસાત્કુરુ ॥

અવિવેકઘનાન્ધદિઙ્મુખે બહુધા સન્તતદુઃખવર્ષિણિ ।
ભગવન્ ભવદુર્દિને પથઃ સ્ખલિતં મામ્ અવલોકયાચિયુત ॥

ન મૃષા પરમાર્થમ્ એવ મે શૃનુ વિજ્ઞાપનમ્ એકમ્ અગ્રતઃ ।
યદિ મે ન દયિષ્યસે તતો દયનીયસ્ તવ નાથ દુર્લભઃ ॥

તદ્ અહં ત્વદ્ ઋતે ન નાથવાન્ મદ્ ઋતે ત્વં દયનીયવાન્ ન ચ ।
વિધિનિર્મિતમ્ એતમ્ અન્વયં ભગવાન્ પલય મા સ્મ જીહપઃ ॥

વપુરાદિષુ યો ઽપિ કો ઽપિ વા ગુણતો ઽસાનિ યથાતથાવિધઃ ।
તદ્ અયં તવ પાદપદ્મયોર્ અહમ્ અદ્યૈવ મયા સમર્પિતઃ ॥

મમ નાથ યદ્ અસ્તિ યો ઽસ્મ્ય્ અહં સકલં તદ્ ધિ તવૈવ માધવ ।
નિયતસ્વમ્ ઇતિ પ્રબુદ્ધધીર્ અથ વા કિં નુ સમર્પયામિ તે ॥

અવબોધિતવાન્ ઇમાં યથા મયિ નિત્યાં ભવદીયતાં સ્વયમ્ ।
કૃપયૈવમ્ અનન્યભોગ્યતાં ભગવન્ ભક્તિમ્ અપિ પ્રયચ્છ મે ॥

તવ દાસ્યસુખૈકસઙ્ઘિનાં ભવનેષુ અસ્ત્વ્ અપિ કીટજન્મ મે ।
ઇતરાવસથેષુ મા સ્મ ભૂદ્ અપિ મે જન્મ ચતુર્મુખાત્મના ॥

સકૃત્ ત્વદાકારવિલોકનાશયા તૃણીકૃતાનુત્તમભુક્તિમુક્તિભિઃ ।
મહાત્મભિર્ મામ્ અવલોક્યતાં નય ક્ષણે ઽપિ તે યદ્ વિરહો ઽતિદુસ્સહઃ ॥

ન દેહં ન પ્રાણાન્ ન ચ સુખમ્ અશેષાભિલષિતં ન ચાત્માનં નાન્યત્ કિ અપિ તવ શેષત્વવિભવાત્
બહિર્ભૂતં નાથ ક્ષણમ્ અપિ સહે યાતુ શતધા વિનાશં તત્ સત્યં મધુમથન વિજ્ઞાપનમ્ ઇદમ્ ॥

દુરન્તસ્યાનાદેર્ અપરિહરણીયસ્ય મહતો નિહીનાચારો ઽહં નૃપશુર્ અશુભસ્યાસ્પદમ્ અપિ
દયાસિન્ધો બન્ધો નિરવધિકવાત્સલ્યજલધે તવ સ્મારં સ્મારં ગુણગણમ્ ઇતીચ્છામિ ગતભીઃ ॥

અનિચ્છન્ન્ અપ્ય્ એવં યદિ પુનર્ ઇતીચ્છન્ન્ ઇવ રજસ્તમશ્છન્નચ્ છદ્મસ્તુતિવચનભઙ્ગીં અરચયમ્ ।
તથાપીત્થંરૂપં વચનમ્ અવલમ્બ્યાપિ કૃપયા ત્વમ્ એવૈવમ્ભૂતં ધરણિધર મે શિક્ષય મનઃ ॥

પિતા ત્વં માતા ત્વં દયિતતનયસ્ ત્વં પ્રિયસુહૃત્ ત્વમ્ એવ ત્વં મિત્રમ્ ગુરુર્ અસિ ગતિશ્ ચાસિ જગતામ્ ।
ત્વદીયસ્ ત્વધ્બૃત્યસ્ તવ પરિજનસ્ ત્વદ્ગતિર્ અહં પ્રપન્નશ્ ચૈવં સત્ય્ અહમ્ અપિ તવૈવાસ્મિ હિ ભરઃ ॥