સ્તવચિન્તામણિ · શ્લોક 120-19-paus

સ્તવચિન્તામણિં ભૂરિ મનોરથફલપ્રદમ્
ભક્તિલક્ષ્મ્યાલયં શમ્ભો ભટ્ટનારાયણો વ્યધાત્ ॥

સુગિરા ચિત્તહારિણ્યા પશ્યન્ત્યા દૃશ્યમાનયા ।
જયતિ+ઉલ્લાસિતાનન્દમહિમા પરમેશ્વરઃ ॥

યસ્+સ્ફીતસ્+શ્રીદયાબોધપરમાનન્દસમ્પદા ।
વિદ્યોદ્દ્યોતિતમાહાત્મ્યસ્+સ જયતિ+અપરાજિતઃ ॥

પ્રસરદ્બિન્દુનાદાય શુદ્ધામૃતમયાત્મને ।
નમસ્+અનન્તપ્રકાશાય શંકરક્ષીરસિન્ધવે ॥

દ્વિષ્મસ્+ત્વામ્+ત્વામ્+સ્તુમસ્+તુભ્યમ્+મન્ત્રયામસ્+અમ્બિકાપતે ।
અતિવાલ્લભ્યતસ્+સાધુ વિશ્વક્+નો ધૃતવાન્+અસિ ॥

સંહૃતસ્પર્શયોગાય સમ્પૂર્ણામૃતસૂતયે ।
વિયન્માયાસ્વરૂપાય વિભવે શમ્ભવે નમઃ ॥

ભિન્નેષુ+અપિ ન ભિન્નમ્+યત્+છિન્નેષુ+અછિન્નમ્+એવ ચ ।
નમામસ્+સર્વસામાન્યમ્+રૂપમ્+તત્+પારમેશ્વરમ્ ॥

પ્રણવોર્ધ્વાર્ધમાત્રાતસ્+અપિ+અણવે મહતે પુનઃ ।
બ્રહ્માણ્ડાત્+અપિ નૈર્ગુણ્યગુણાય સ્થાણવે નમઃ ॥

બ્રહ્માણ્ડગર્ભિણીમ્+વ્યોમવ્યાપિનસ્+સર્વતોગતેઃ ।
પરમેશ્વરહંસસ્ય શક્તિમ્+હંસીમ્+ઇવ સ્તુમઃ ॥

નિરુપાદાનસમ્ભારમ્+અભિત્તૌ+એવ તન્વતે ।
જગચ્ચિત્રમ્+નમસ્+તસ્મૈ કલાશ્લાઘ્યાય શૂલિને ॥

માયાજલોદરાત્+સમ્યક્+ઉદ્ધૃત્ય વિમલીકૃતમ્ ।
શિવજ્ઞાનમ્+સ્વતસ્+દુગ્ધમ્+દેહિ+એહિ હરહંસ નઃ ॥

ષટ્પ્રમાણીપરિચ્છેદભેદયોગે+અપિ+અભેદિને ।
પરમાર્થૈકભાવાય બલિમ્+યામસ્+ભવાય તે ॥

અપિ પશ્યેમ ગમ્ભીરામ્+પરેણ જ્યોતિષા+અભિતઃ ।
ઉન્મૃષ્ટતમસમ્+રમ્યામ્+અન્તર્ભવ ભવદ્ગુહામ્ ॥

નમસ્+તેભ્યસ્+અપિ યે સોમકલાકલિતશેખરમ્ ।
નાથમ્+સ્વપ્ને+અપિ પશ્યન્તિ પરમાનન્દદાયિનમ્ ॥

ભગવન્+ભવ ભાવત્કમ્+ભાવમ્+ભાવયિતુમ્+રુચિઃ ।
પુનર્ભવભયોચ્છેદદક્ષા કસ્મૈ ન રોચતે ॥

યાવજ્જીવમ્+જગન્નાથ કર્તવ્યમ્+ઇદમ્+અસ્તુ નઃ ।
ત્વત્પ્રસાદાત્+ત્વદેકાગ્રમનસ્કત્વેન યા સ્થિતિઃ ॥

શાખાસહસ્રવિસ્તીર્ણવેદાગમમયાત્મને ।
નમસ્+અનન્તફલોત્પાદકલ્પવૃક્ષાય શમ્ભવે ॥

વાઙ્મનઃકાયકર્માણિ વિનિયોજ્ય ત્વયિ પ્રભો ।
ત્વન્મયીભૂય નિર્દ્વન્દ્વાસ્+કચ્ચિત્+સ્યામ+અપિ કર્હિચિત્ ॥

જગતામ્+સર્ગસંહારતત્તદ્ધિતનિયુક્તિષુ ।
અનન્યાપેક્ષસામર્થ્યશાલિનિ શૂલિને નમઃ ॥

વ્યતીતગુણયોગસ્ય મુખ્યધ્યેયસ્ય ધૂર્જટેઃ ।
નામ+અપિ ધ્યાયતામ્+ધ્યાનૈસ્+કિમ્+અન્યાલમ્બનૈસ્+ફલમ્ ॥