સ્કંદ પુરાણ · શ્લોક 7.45-2

॥ ઈશ્વર ઉવાચ ॥ ॥
તતો ગચ્છેન્મહાદેવિ અંગારેશ્વરમુત્તમમ્ ॥
સ્થાપિતં ભૂમિપુત્રેણ સોમેશાદીશ ગોચરે

ત્રિપુરં દગ્ધુકામસ્ય પુરા મમ વરાનને ॥
ક્રોધાદશ્રુ વિનિષ્ક્રાંતં લોચનત્રિતયેન તુ

તચ્ચ ભૂમૌ નિપતિતં તતો ભૂભિસુતોઽભવત્ ॥
સ પ્રભાસં તતો ગત્વા બાલ્યાત્પ્રભૃતિ શંકરમ્

તપસાઽઽરાધયામાસ બહૂન્વર્ષગણાન્પ્રિયે ॥
તસ્ય તુષ્ટો મહાદેવઃ સુપ્રીતાત્મા વરં દદૌ

સોઽબ્રવીદ્યદિ મે દેવ તુષ્ટોસિ વૃષભધ્વજ ॥
ગ્રહત્વં દેહિ સર્વેશ ન ચાન્યં વરમુત્સહે

સ તથેતિ પ્રતિજ્ઞાય પુનસ્તં વાક્યમબ્રવીત્ ॥
ઇહાગત્ય નરો યો માં પૂજયિષ્યતિ ભક્તિતઃ

ન ભવિષ્યતિ વૈ પીડા તાવકી તસ્ય કુત્રચિત્ ॥
પુષ્પાણિ રક્તવર્ણાનિ મધ્વાજ્યાક્તાનિ ભૂરિશઃ

હોમયિષ્યતિ યો ભક્ત્યા લક્ષમેકં તદગ્રતઃ ॥
પંચોપચારવિધિના ત્વાં તુ સંપૂજ્ય યત્નતઃ

તસ્ય જન્માવધિર્નૈવ તવ પીડા ભવિષ્યતિ ॥।
તથા વિદ્રુમદાનેન લપ્સ્યતે ફલમીપ્સિતમ્

એવમુક્ત્વા સ ભગવાનત્રૈવાંતરધીયન ॥
ભૌમોઽપિ ગ્રહમધ્યસ્થો વિમાનેન વિરાજતે

એવં સંક્ષેપતઃ પ્રોક્તં ભૌમમાહાત્મ્યમુત્તમમ્॥
શ્રુતં હરતિ પાપાનિ તથારોગ્યં પ્રયચ્છતિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યેંઽગારેશ્વરમાહાત્મ્યવર્ણનંનામ પઞ્ચચત્વારિંશોધ્યાયઃ