સ્કંદ પુરાણ · શ્લોક 7.42-3

॥ ઈશ્વર ઉવાચ ॥ ॥
તતો ગચ્છેન્મહાદેવિ ચણ્ડીશં દેવમુત્તમમ્ ॥
સોમેશાદીશદિગ્ભાગે ધનુષાં સપ્તકે સ્થિતમ્

દણ્ડપાણેસ્તુ ભવનાદ્દક્ષિણે નાતિદૂરગમ્ ॥
ચંડ્યા પ્રતિષ્ઠિતં પૂર્વં ચણ્ડેનારાધિતં તતઃ

ગણેન મમ દેવેશિ તત્કૃત્વા દુષ્કરં તપઃ ॥
તેન ચણ્ડેશ્વરં લિંગં પ્રખ્યાતં ધરણીતલે

સ્નાપયેત્પયસા પૂર્વં દધ્ના ઘૃતયુતેન ચ ॥
મધુનેક્ષુરસેનૈવ કુંકુમેન વિલેપયેત્

કર્પૂરોશીરમિશ્રેણ મૃગનાભિરસેન ચ ॥
ચન્દનેન સુગન્ધેન પુષ્પૈઃ સંપૂજયેત્તતઃ

દગ્ધ્વા ધૂપં પુરો દેવિ તતો દેવસ્ય ચાગુરુમ્ ॥
વસ્ત્રૈઃ સંપૂજયેત્પશ્ચાદાત્મવિત્તાનુસારતઃ

નૈવેદ્યં પરમાન્નં ચ દત્ત્વા દીપસમ ન્વિતમ્ ॥
તતો દદ્યાદ્દ્વિજાતિભ્યો યથાશક્ત્યા તુ દક્ષિણામ્

દક્ષિણાં દિશમાસ્થાય યત્કિંચિત્તત્ર દીયતે॥
ચણ્ડીશસ્ય વરારોહે તત્સર્વં ચાક્ષયં ભવેત્

યઃ શ્રાદ્ધં કુરુતે તત્ર ચણ્ડીશસ્ય તુ દક્ષિણે ॥
આકલ્પં તૃપ્તિમાયાંતિ પિતરસ્તસ્ય ભામિનિ

અયને ચોત્તરે પ્રાપ્તે યઃ કુર્યાદ્ઘૃત કમ્બલમ્ ॥
ન સ ભૂયોઽત્ર સંસારે જન્મ પ્રાપ્નોતિ દારુણમ્

એવં કૃત્વા નરો ભક્ત્યા યાત્રાં દેવસ્ય શૂલિનઃ ॥
નિર્માલ્યાતિક્રમોદ્ભૂતૈરજ્ઞાનાદ્ભક્ષણોદ્ભવૈઃ ॥
પાપૈઃ પ્રમુચ્યતે જંતુસ્તથાઽન્યૈઃ કર્મસંભવૈઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમેપ્રભાસક્ષેત્રમાહાત્મ્યે ચણ્ડીશમાહાત્મ્યવર્ણનંનામદ્વિચત્વારિંશોઽધ્યાયઃ