સ્કંદ પુરાણ · શ્લોક 7.41-3

॥ ઈશ્વર ઉવાચ ॥ ॥
તસ્યૈવ પૂર્વદિગ્ભાગે સરસ્વત્યા પ્રતિષ્ઠિતમ્ ॥
લિંગં મહાપ્રભાવં તુ સોમેશાદગ્નિગોચરે

ભૈરવેશ્વરરૂપસ્તુ વાડવઃ કુમ્ભસંસ્થિતઃ ॥
યત્ર દેવ્યા સમાનીતઃ સાગરસ્ય સમીપતઃ

વિશ્રામાર્થં ક્ષણં મુક્ત્વા દેવ્યા લિંગં પ્રતિષ્ઠિતમ્ ॥
સમભ્યર્ચ્ય વિધાનેન ગૃહીત્વા વડવાનલમ્॥
સમુદ્રમધ્યે ચિક્ષેપ દેવાનાં હિતકામ્યયા

તતો હૃષ્ટતરા દેવાઃ શંખદુન્દુભિનિઃસ્વનૈઃ ॥
પૂરયન્તોંઽબરં દેવીમીડિરે પુષ્પવૃષ્ટિભિઃ

દેવમાતેતિ તે નામ કૃત્વોચુસ્તાં તદા સુરાઃ ॥
કૃત્વા તુ ભૈરવં કાર્યમસાધ્યં દેવદાનવૈઃ

પ્રતિષ્ઠિતવતી ચાત્ર યસ્માલ્લિંગં મહોદયમ્ ॥
ત્વં સર્વસરિતાં શ્રેષ્ઠા સર્વપાતકનાશિની ॥
તસ્માદ્ભૈરવનામેતિ લિંગં ખ્યાતિં ગમિષ્યતિ

ઇત્યુક્તા તુ તદા દેવી ભૈરવેશ્વરનૈરૃતે ॥
સાગરસ્ય સ્થિતા રમ્યે તત્ર મૂર્ત્તિમતી સતી

પૂજયેત્તાં વિધાનેન તં તથા ભૈરવેશ્વરમ્ ॥
મહાનવમ્યાં યત્નેન કૃત્વા સ્નાનં વિધાનતઃ ॥
સરસ્વતીં પૂજયિત્વા વાગ્દોષાન્મુચ્યતેઽખિલાત્

તસ્યા લિંગં તુ સંપૂજ્ય સંસ્નાપ્ય પયસા પૃથક્ ॥
અઘોરેણૈવ વિધિવત્સમ્યગ્યાત્રાફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ભૈરવેશ્વરમાહાત્મ્યવર્ણનંનામૈકચત્વારિંશોઽધ્યાયઃ