સ્કંદ પુરાણ · અધ્યાય 7.269

॥ ઈશ્વર ઉવાચ ॥ ॥
તતો ગચ્છેન્મહાદેવિ વિદુરસ્યાશ્રમં મહત્ ॥
યત્રાકરોત્તપો રૌદ્રં વિદુરો ધર્મ મૂર્ત્તિમાન્

પ્રતિષ્ઠાપ્ય મહાદેવં લિંગં ત્રિભુવનેશ્વરમ્ ॥
તં દૃષ્ટ્વા માનવો દેવિ સર્વાન્કામાનવાપ્નુયાત્

વિદુરાટ્ટાલકં નામ ગણગંધર્વસેવિતમ્ ॥
દ્વાદશસ્થાનકં સ્થાનં નાલ્પપુણ્યેન લભ્યતે

નાવર્ષણં ભવેત્તત્ર કદાચિદપિ પાર્વતિ ॥
લિંગાનિ તત્ર દિવ્યાનિ પશ્યેત્પાપોપશાંતયે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે વિદુરાશ્રમ માહાત્મ્યવર્ણનંનામૈકોનસપ્તત્યુત્તરદ્વિશતતમોઽધ્યાયઃ