સ્કંદ પુરાણ · અધ્યાય 7.260

॥ ઈશ્વર ઉવાચ ॥ ॥
તતો ગચ્છેન્મહાદેવિ દેવં સિદ્ધેશ્વરં પરમ્ ॥
તસ્યૈવ પશ્ચિમે ભાગે સિદ્ધૈઃ સંસ્થાપિતં પુરા

સિદ્ધા નામ સુરાઃ પૂર્વં તત્રાગત્ય વરાનને ॥
લિંગં સંસ્થાપયામાસુઃ સિદ્ધ્યર્થં સર્વવસ્તુષુ

તતસ્તુષ્ટો મહાદેવિ તેષાં દૃષ્ટ્વા તપો મહત્ ॥
અણિમાદિકમૈશ્વર્યં તેષાં સર્વં દદૌ શિવઃ

અબ્રવીદત્ર મે નિત્યં સાનિધ્યં ચ ભવિષ્યતિ

ચૈત્રે શુક્લચતુર્દ્દશ્યાં યોઽત્ર માં પૂજયિષ્યતિ ॥
સ યાસ્યતિ પરં સ્થાનં પ્રસાદાન્મમ પુણ્યકૃત્

એવમુક્ત્વાઽથ ભગવાઞ્જગામાદર્શનં તતઃ ॥
સિદ્ધાશ્ચૈવ તદાઽઽગત્ય પૂજયંતિ મહેશ્વરમ્

યસ્તમારાધયેદ્ભક્ત્યા સંસિદ્ધિં લભતેઽદ્ભુતામ્॥
ઈપ્સિતાં ચ સુરશ્રેષ્ઠે તસ્માત્તં પૂજયેત્સદા

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે સિદ્ધેશ્વરમાહાત્મ્યવર્ણનંનામ ષષ્ટ્યુત્તરદ્વિશતતમોઽધ્યાયઃ