સ્કંદ પુરાણ · અધ્યાય 7.246

॥ ઈશ્વર ઉવાચ ॥ ॥।
તતો ગચ્છેન્મહાદેવિ પિંગલીં પાપનાશિનીમ્ ॥
ઋષિતીર્થાત્પશ્ચિમતો નદીં સાગરગામિનીમ્

તસ્યાઃ સંદર્શનાદ્દેવિ રૂપવાઞ્જાયતે નરઃ ॥
પુરા મહર્ષયઃ પ્રાપ્તાઃ સોમેશ્વરદિદૃક્ષયા

પ્રભાસં ક્ષેત્રમાસાદ્ય નદીતીરે વ્યવસ્થિતાઃ ॥
દાક્ષિણાત્યા મહાદેવિ કૃષ્ણવર્ણા વિરૂપકાઃ

તત્રાશ્રમવરે સ્નાત્વા પશ્યન્તો રૂપમાત્મનઃ ॥
કામેન સદૃશં સર્વે વિસ્મયં પરમં ગતાઃ

તતસ્તે સહિતાઃ સર્વે વિસ્મયોત્ફુલ્લલોચનાઃ ॥
અત્ર સ્નાતા વયં સર્વે યતઃ પિંગત્વમાગતાઃ ॥
અતઃ પ્રભૃતિ નામાસ્યાસ્તતઃ પિંગા ભવિષ્યતિ

યેત્ર સ્નાનં કરિષ્યન્તિ ભક્ત્યા પરમયા યુતાઃ ॥
ન તેષામન્વયે કશ્ચિદ્ભવિષ્યતિ કુરૂપવાન્

દર્શનાત્પિતૃમેધસ્ય લપ્સ્યતે માનવઃ ફલમ્ ॥
સ્નાનેન દ્વિગુણં પુણ્યં તર્પણેન ચતુર્ગુણમ્

અસંખ્યાતં ફલં તસ્ય યોઽત્ર શ્રાદ્ધં કરિષ્યતિ ॥
એવમુક્ત્વા તતઃ સર્વ ઋષયો વરવર્ણિનિ

વ્યભજંસ્તન્નદીતીરં સર્વે તે મુનિસત્તમાઃ ॥
યજ્ઞોપવીતમાત્રાણિ ચક્રુસ્તીર્થાનિ સર્વતઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે પિંગા નદીમાહાત્મ્યવર્ણનંનામ ષટ્ચત્વારિંશદુત્તરદ્વિશતતમોઽધ્યાયઃ