સ્કંદ પુરાણ · અધ્યાય 7.183

॥ ઈશ્વર ઉવાચ ॥ ॥
તતો ગચ્છેન્મહાદેવિ મિશ્રતીર્થમનુત્તમમ્ ॥
ત્રિસંગમેતિ વિખ્યાતં સૌરં તીર્થમનુત્તમમ્

સરસ્વતી હિરણ્યા ચ સમુદ્રશ્ચૈવ ભામિનિ ॥
ત્રયાણાં સંગમો યત્ર દુષ્પ્રાપ્યો દૈવતૈરપિ

સર્વેષાં તત્ર તીર્થાનાં પ્રધાનં તીર્થમુત્તમમ્ ॥
સૂર્યપર્વણિ સંપ્રાપ્તે કુરુક્ષેત્રાદ્વિશિષ્યતે

સ્નાનં દાનં જપસ્તત્ર સર્વં કોટિગુણં ભવેત્

મંકીશ્વરાન્મહાદેવિ યાવલ્લિંગં કૃતસ્મરમ્ ॥
એતસ્મિન્નન્તરે દેવિ તીર્થાનાં દશકોટયઃ

કૃમિકીટપતંગાશ્ચ શ્વપચા વા નરાધમાઃ ॥
સોઽપિ સ્વર્ગમવાપ્નોતિ કિં પુનર્ભાવિતાત્મવાન્

તત્ર પીતાનિ વસ્ત્રાણિ કાઞ્ચનં સુરભિસ્તથા ॥
બ્રાહ્મણાય પ્રદાતવ્યા સમ્યગ્યાત્રાફલેપ્સુભિઃ

કૃષ્ણપક્ષે ચતુર્દશ્યાં સ્નાત્વા યસ્તર્પયેત્પિતૄન્ ॥
તર્પિતાઃ પિતરસ્તેન યાવચ્ચન્દ્રાર્કતારકમ્

એતત્ત્રિસંગમં દેવિ મહાપાતકનાશનમ્ ॥
દુર્લભં ત્રિષુ લોકેષુ વૈશાખ્યાં તુ વિશેષતઃ

વૃષો ત્સર્ગો વિશેષેણ તત્ર કાર્યો નરોત્તમૈઃ ॥
સર્વપાપવિનાશાય પિતૄણાં પ્રીતયે પ્રિયે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ત્રિસંગમમાહાત્મ્યવર્ણનંનામ ત્ર્યશીત્યુત્તરશતતમોઽધ્યાયઃ