સ્કંદ પુરાણ · અધ્યાય 5.96

શ્રીમાર્કણ્ડેય ઉવાચ -
તતો ગચ્છેત્તુ રાજેન્દ્ર તીર્થં કોટીશ્વરં પરમ્ ।
ઋષિકોટિઃ સમાયાતા યત્ર વૈ કુરુનન્દન

કૃષ્ણદ્વૈપાયનસ્યૈવ ક્ષેમાર્થં મુનિપુંગવાઃ ।
મન્ત્રયિત્વા દ્વિજૈઃ સર્વૈર્વેદમઙ્ગલપાઠકૈઃ

સ્થાપિતઃ શઙ્કરસ્તત્ર કારણં બન્ધનાશનમ્ ।
સંસારચ્છેદકરણં પ્રાણિનામાર્તિનાશનમ્

કોટીશ્વરમિતિ પ્રોક્તં પૃથિવ્યાં નૃપનન્દન ।
સ્નાપયેત્તં તુ યો ભક્ત્યા પૂર્ણિમાયાં નૃપોત્તમ

પિત્ઃણાં તર્પણં કૃત્વા પિણ્ડદાનં યથાવિધિ ।
શ્રાવણસ્ય વિશેષેણ પૂર્ણિમાયાં યુધિષ્ઠિર

પિત્ઃણામક્ષયા તૃપ્તિર્યાવદાભૂતસમ્પ્લવમ્ ।
પિત્ઃણાં પરમં ગુહ્યં રેવાતટસમાશ્રિતમ્ ।
મોક્ષદં સર્વજન્તૂનાં નિર્મિતં મુનિસત્તમૈઃ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કોટીશ્વરતીર્થમાહાત્મ્યવર્ણનં નામ ષણ્ણવતિતમોઽધ્યાયઃ ॥