સ્કંદ પુરાણ · અધ્યાય 5.91

શ્રીમાર્કણ્ડેય ઉવાચ -
તતો ગચ્છેન્મહીપાલ તીર્થપરમપાવનમ્ ।
ચણ્ડાદિત્યં નૃપશ્રેષ્ઠ સ્થાપિતં ચણ્ડમુણ્ડયોઃ

આસ્તાં પુરા મહાદૈત્યૌ ચણ્ડમુણ્ડૌ સુદારુણૌ ।
નર્મદાતીરમાશ્રિત્ય ચેરતુર્વિપુલં તપઃ

ધ્યાયન્તૌ ભાસ્કરં દેવં તમોનાશં જગત્ત્રયે ।
તુષ્ટસ્તત્તપસા દેવઃ સહસ્રાંશુરુવાચ હ

સાધુ સાધ્વિતિ તૌ પાર્થ નર્મદાયાઃ શુભે તટે ।
વરં પ્રાર્થયતં વીરૌ યથેષ્ટં ચેતસેચ્છિતમ્

ચણ્ડમુણ્ડાવૂચતુઃ ।
અજેયૌ સર્વદેવાનાં ભૂયાસ્વાવાં સમાહિતૌ ।
સર્વરોગૈઃ પરિત્યક્તૌ સર્વકાલં દિવાકર

એવમસ્ત્વિતિ તૌ પ્રાહ ભાસ્કરો વારિતસ્કરઃ ।
ઇત્યુક્ત્વાન્તર્દધે ભાનુર્દૈત્યાભ્યાં તત્ર ભાસ્કરઃ

સ્થાપિતઃ પરયા ભક્ત્યા તં ગચ્છેદાત્મસિદ્ધયે ।
ગીર્વાણાંશ્ચ મનુષ્યાંશ્ચ પિત્ઃંસ્તત્રાપિ તર્પયેત્

સ વસેદ્ભાસ્કરે લોકે વિરિઞ્ચિદિવસં નૃપ ।
ઘૃતેન બોધયેદ્દીપં ષષ્ઠ્યાં સ ચ નરેશ્વર ।
મુચ્યતે સર્વપાપૈસ્તુ પ્રતિયાતિ પુરં રવેઃ

ઉત્પત્તિં ચણ્ડભાનોર્યઃ શૃણોતિ ભરતર્ષભ ।
વિજયી સ સદા નૂનમાધિવ્યાધિવિવર્જિતઃ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ચણ્ડાદિત્યતીર્થમાહાત્મ્યવર્ણનં નામૈકનવતિતમોઽધ્યાયઃ ॥