સ્કંદ પુરાણ · શ્લોક 5.75-2

શ્રીમાર્કણ્ડેય ઉવાચ -
નર્મદાદક્ષિણે કૂલે તીર્થં પરમશોભનમ્ ।
શઙ્ખચૂડસ્ય નામ્ના વૈ પ્રસિદ્ધં ભૂમિમણ્ડલે

શઙ્ખચૂડઃ સ્વયં તત્ર સંસ્થિતઃ પાણ્ડુનન્દન ।
વૈનતેયભયાત્પાર્થ સુખદનર્મદાતટે

તત્ર તીર્થે તુ યો ભક્ત્યા શુચિર્ભૂત્વા સમાહિતઃ ।
સ્નાપયેચ્છઙ્ખચૂડં તુ ક્ષીરક્ષૌદ્રેણ સર્પિષા

રાત્રૌ જાગરણં કુર્યાદ્દેવસ્યાગ્રે નરાધિપ ।
દધિભક્તેન સમ્પૂજ્ય બ્રાહ્મણાઞ્છંસિતવ્રતાન્ ।
ગોપ્રદાને દ્વિજેન્દ્રોઽયં સર્વપાપક્ષયંકરઃ

તસ્મિંસ્તીર્થે તુ યઃ પાર્થ સર્પદષ્ટં પ્રતર્પયેત્ ।
સ યાતિ પરમં લોકં શઙ્કરસ્ય વચો યથા

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શઙ્ખચૂડતીર્થમાહાત્મ્યવર્ણનં નામ પઞ્ચસપ્તતિતમોઽધ્યાયઃ ॥