સ્કંદ પુરાણ · શ્લોક 5.63-3

શ્રીમાર્કણ્ડેય ઉવાચ -
તતો ગચ્છેત્તુ રાજેન્દ્ર કુમારેશ્વરમુત્તમમ્ ।
પ્રસિદ્ધં સર્વતીર્થાનામગસ્ત્યેશ્વરસન્નિધૌ

ષણ્મુખેન પુરા તાત સર્વપાતકનાશનમ્ ।
આરાધ્ય પરયા ભક્ત્યા સિદ્ધિઃ પ્રાપ્તા નરાધિપ

દેવસૈન્યાધિપો જાતઃ સર્વશત્રુનિબર્હણઃ ।
ઉગ્રતેજા મહાત્માસૌ સંજાતસ્તીર્થસેવનાત્

તદાપ્રભૃતિ તત્તીર્થં સંજાતંનર્મદાતટે ।
તત્ર તીર્થે તુ યો ગત્વા એકચિત્તો જિતેન્દ્રિયઃ

કાર્ત્તિકસ્ય ચતુર્દશ્યામષ્ટમ્યાં ચ વિશેષતઃ ।
સ્નાપયેદ્ગિરિજાનાથં દધિદુગ્ધેન સર્પિષા

ગીતં તત્ર પ્રકર્તવ્યં પિણ્ડદાનં યથાવિધિ ।
બ્રાહ્મણૈઃ શ્રોત્રિયૈઃ પાર્થ ષટ્કર્મનિરતૈઃ શુભૈઃ

યત્કિંચિદ્દીયતે તત્ર અક્ષયં પાણ્ડુનન્દન ।
સર્વતીર્થમયં તીર્થ નિર્મિતં શિખિના નૃપ

એતત્તે સર્વમાખ્યાતં કુમારેશ્વરજં ફલમ્ ।
કુમારદર્શનાત્પુણ્યં પ્રાપ્યતે પાણ્ડુનન્દન

મૃતઃ સ્વર્ગમવાપ્નોતિ સત્યમીશ્વરભાષિતમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કુમારેશ્વરતીર્થમાહાત્મ્યવર્ણનં નામ ત્રિષષ્ટિતમોઽધ્યાયઃ ॥