સ્કંદ પુરાણ · શ્લોક 5.3-2

॥ શ્રીરુદ્ર ઉવાચ ॥ ॥
ઢુંઢેશ્વરં તૃતીયં તુ સુખસ્વર્ગફલપ્રદમ્ ॥
સર્વપાપહરં લિગં નૃણાં દુષ્કૃતનાશનમ્

ઢુંઢશ્ચાસીત્પુરા દેવિ કૈલાસે ગણનાયકઃ ॥
સ ચ કામી દુરાચારો વ્યસનોપહતેન્દ્રિયઃ

ગતોઽસૌ શક્રલોકં તુ કૌતુકાર્થં યદૃચ્છયા ॥
યત્ર નૃત્યતિ સા રંભા શક્રસ્યાગ્રે વિવૃણ્વતી ॥

ભાવાન્બહુવિધાન્રમ્યાન્દૃષ્ટિહસ્તાદિકાઞ્છુભાન્।
સૂચીવિદ્ધાદિકરણાન્પતાકાદિકહસ્તકાન્॥
નૃત્યં હસ્તાદિસંયુક્તં લયતાલાનુગં તથા

શક્રોઽપિ ત્રિદશૈઃ સાર્દ્ધં તન્મુખાસક્તલોચનઃ ॥
બભૂવ હૃષ્ટચેતા વૈ હૃષિતાંગરુહાનનઃ

એતસ્મિન્નંતરે દેવિ ઢુંઢસ્તલ્લલિતેન તુ ॥
કામરાગવશેનૈવ ભાવ્યર્થેન ચ મોહિતઃ

તેન રંગરતા રંભા પુષ્પગુચ્છેન તાડિતા ॥
સ શપ્તો વાસવેનૈવ દૃષ્ટ્વાઽન્યાયં ગણસ્ય તુ

પત ત્વં માનુષં લોકં રંગભંગસ્ત્વયા કૃતઃ ॥
ઇતિ શપ્તો ગણો દેવિ શક્રેણામિતતેજસા

પતિતો માનુષે લોકે વિસંજ્ઞો વિહ્વલેન્દ્રિયઃ ॥
કાદિગ્ભૂતો હતો ત્સાહો વિલલાપ પુનઃપુનઃ

અહોઽન્યાયફલં પ્રાપ્તં મયા મોહાદનુષ્ઠિતમ્ ॥
તસ્માન્નીતિર્વિધાતવ્યા પુરુષેણ વિજાનતા

ન્યાયમાર્ગં સમાશ્રિત્ય યેન સિદ્ધિર્ભવેન્મમ

ઇત્યુક્ત્વા સ તપસ્તેપે મહેંદ્રે પર્વતોત્તમે ॥
શ્રીશૈલે મલયે વિંધ્યે પારિયાત્રે યમાલયે

નો સિદ્ધોઽસૌ યદા દેવિ તદા ગંગામહત્તટમ્ ॥
યમુનાં ચંદ્રભાગાં ચ વિતસ્તાં નર્મદાં નદીમ્

ગોદાવરીં ભીમરથીં કૌશિકીં શારદાં શિવામ્ ॥
ચર્મણ્વતીં સમાસાદ્ય સ્નાત્વા ત્યક્તક્રિયોઽભવત્

તીર્થં વ્યર્થં તપો વ્યર્થં તીર્થયાત્રાફલં યતઃ ॥
ન પ્રાપ્તં ચ મયાભીષ્ટમટતા કર્મભૂમિષુ

એતસ્મિન્નંતરે દેવિ વાગુવાચાશરીરિણી ॥
આશ્વાસયંતી ગણપં મહાકાલાયને વ્રજ

પ્રયાગાદ્યાનિ તીર્થાનિ પૃથિવ્યાં યાનિ સંતિ વૈ ॥
સદા સિદ્ધિકરં તેષાં મહાકાલં વિશિષ્યતે

તત્રાસ્તે સુમહાપુણ્યં લિંગં સર્વાર્થસાધકમ્ ॥
પિશાચેશ્વરસાંનિધ્યે તમારાધય સત્વરમ્

પ્રસાદાત્તસ્ય લિંગસ્ય પુનર્યાસ્યસિ શાંકરમ્ ॥
લોકં તેજસ્વિનાં ગમ્યં દુર્લભં પાપિનાં સદા

ઇતિ શ્રુત્વા તતો વાણીમાકાશસ્થાં ગણસ્તદા ॥
આજગામ મુદા યુક્તો મહાકાલવનોત્તમે

દદર્શ તત્ર તલ્લિંગં સર્વસંપત્કરં શુભમ્॥
પૂજયામાસ દેવેશં ભક્ત્યા પરમયા યુતઃ

લિંગમધ્યાત્તતો વાણી નિઃસૃતા પર્વ તાત્મજે ॥
અહો તુષ્ટોસ્મિ તે વત્સ કિં કામં પ્રદદામ્યહમ્

॥ ઢુંઢ ઉવાચ ॥ ॥
યદિ તુષ્ટોઽસિ દેવેશ શરણાગતવત્સલ ॥
ત્વત્પાદપંકજે ભૂયાદ્ભક્તિર્મેઽવિચલા સદા

વરમેનં પ્રયચ્છાશુ યદિ તુષ્ટો મહેશ્વરઃ

યે ચ ત્વાં માનવા દેવ પશ્યંતિ પરમેશ્વર ॥
પાપાત્સદ્યો વિનિર્મુક્તાસ્તે ભવંતુ મહીતલે

ઢુંઢસ્ય ભાષિતં શ્રુત્વા લિંગેનોક્તં યશસ્વિનિ ॥
યે ચ માં પૂજયિષ્યંતિ શ્રદ્ધયા પરયા પુનઃ॥
તે ભવિષ્યંતિ સતતં સદા પાતકવર્જિતાઃ

લપ્સ્યંતિ તે પરાન્કામાન્ભવિષ્યંતિ ગણોત્તમાઃ॥
પૂજ્યાઃ સર્વેષુ લોકેષુ સર્વાલંકારભૂષિતાઃ

એવં લબ્ધવરો ઢુંઢઃ પ્રાંજલિઃ પુનરબ્રવીત્ ॥
મન્નામ્ના પ્રથિતં લિંગં સંભૂયાદ્ભુવને સદા

એવમસ્ત્વિતિ લિંગેન પ્રોક્તં તુષ્ટેન પાર્વતિ ॥
તદાપ્રભૃતિ વિખ્યાતો દેવો ઢુંઢે શ્વરઃ પરઃ

યસ્ય દર્શનમાત્રેણ સદા સિદ્ધિર્ભવેન્નૃણામ્

ભક્ત્યા યે પૂજયિષ્યંતિ દેવં ઢુંઢેશ્વરં પરમ્ ॥
આજન્મપ્રભવં પાપં તેષાં યાસ્ય તિ તત્ક્ષણાત્

સ એવ સુકૃતી લોકે સ એવ મમ વલ્લભઃ॥
યઃ પશ્યતિ નરો ભક્ત્યા લિંગં ઢુંઢેશ્વરં પરમ્

રાજસૂયશતેનૈવ યત્પુણ્યં ચ ભવિષ્યતિ ॥
તતો ભવિષ્યત્યધિકં ઢુંઢેશ્વરનિરીક્ષણાત્

માનસં વાચિકં વાપિ કાયિકં ગુહ્યસંભવમ્ ॥
પ્રકાશં વાઽપ્રકાશં ચ પ્રસંગાદપિ યત્કૃ તમ્ ॥
તત્સર્વં યાસ્યતિ ક્ષિપ્રં ઢુંઢેશ્વરસ્ય દર્શનાત્

ઇત્યુક્તસ્તુ મયા દેવિ સ ઢુંઢો ગણનાયકઃ ॥
કૃતો લિંગસ્ય માહાત્મ્યાદ્ગતો લોકે મદીયકે ॥
રેજે ચ ગણપૈઃ સાર્દ્ધં મમાભીષ્ટતરોઽભવત્

એષ તે કથિતો દેવિ પ્રભાવઃ પાપનાશનઃ ॥
શ્રવણાત્કીર્ત્તનાદ્વાપિ મમ લોકે મહીયતે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્યખણ્ડે ચતુરશીતિલિંગમાહાત્મ્યે ઢુંઢેશ્વરમાહાત્મ્યવર્ણનંનામ તૃતીયોઽધ્યાયઃ