સ્કંદ પુરાણ · અધ્યાય 5.25

॥ સનત્કુમાર ઉવાચ ॥ ॥
શુક્રેશ્વરં સમભ્યર્ચ્ય સિતપુષ્પૈર્વિલેપનૈઃ ॥
પ્રણિપત્ય તતો ભક્ત્યા રુદ્રલોકે મહીયતે

ભીમેશ્વરં નરો દૃષ્ટ્વા ભક્ત્યા સંપૂજ્ય યત્નતઃ ॥
ન ભયં લભતે વ્યાસ રણે રાત્રૌ જલેઽનલે

ગર્ગેશ્વરં સ્નાપયિત્વા તિલતૈલેન માનવઃ ॥
બિલ્વપત્રૈસ્તુ સંપૂજ્ય ધર્મવૃદ્ધિમવાપ્નુયાત્

ઉપોષિતશ્ચતુર્દશ્યાં તિલપ્રસ્થતિલાંભસા ॥
સ્નાપયિત્વા તિલૈરિષ્ટ્વા સદા સૌખ્યમવાપ્નુયાત્

ગોસહસ્રં નરો દત્ત્વા ભાવં કૃત્વા વિશેષતઃ ॥
ભવબંધવિનિર્મુક્તો રુદ્રલોકં સ ગચ્છતિ

કામેશ્વરં સમભ્યર્ચ્ય કુંકુમાદિવિલેપનૈઃ ॥
કામિકેન વિમાનેન યાતિ સ્વર્ગં ન સંશયઃ

ચૂડામણિં નમસ્કૃત્ય નવમ્યાં કાર્તિકે સિતે ॥
ન વિયોનિં નરો યાતિ ધર્મબુદ્ધિઃ સ જાયતે

ચંડીશ્વરં સમભ્યર્ચ્ય કૃષ્ણાષ્ટમ્યામુપોષિતઃ ॥
નિર્માલ્યોલ્લંઘનોત્થેન ન શોકેનાપિ લિપ્યતે

ઇત્યાદિતીર્થાનિ મહેશ્વરસ્ય પુણ્યાનિ સર્વાણિ નરોઽભિગમ્ય ॥
વિશુદ્ધચિત્તો ભુવિ ભાવિતાત્મા પ્રયાતિ શંભોર્ભુવનં સુરમ્યમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્યખણ્ડેઽવન્તીક્ષેત્રમાહાત્મ્યે શુક્રેશ્વરભીમેશ્વર ગર્ગેશ્વરકામેશ્વર ચૂડામણીશ્વર ચણ્ડીશ્વરાદિતીર્થમાહાત્મ્યવર્ણનં નામ પઞ્ચવિંશોઽધ્યાયઃ