સ્કંદ પુરાણ · અધ્યાય 5.213

શ્રીમાર્કણ્ડેય ઉવાચ -
પુનરન્યત્પ્રવક્ષ્યામિ દેવસ્ય ચરિતં મહત્ ।
શ્રુતમાત્રેણ યેનૈવ સર્વપાપૈઃ પ્રમુચ્યતે

અબાલો બાલરૂપેણ ગ્રામણ્યૈર્બાલકૈઃ સહ ।
આમલૈઃ ક્રીડતે શમ્ભુસ્તત્તે વક્ષ્યામિ ભારત

સર્વૈસ્તૈરામલાઃ ક્ષિપ્તા યે તે દેવેન પાણ્ડવ ।
આનીતાસ્તત્ક્ષણાદેવ તતઃ પશ્ચાત્ક્ષિપેદ્ધરઃ

યાવદ્ગત્વા દિશો દિગ્ભ્ય આગચ્છન્તિ પૃથક્પૃથક્ ।
તાવત્તમામલં ભૂતં પશ્યન્તિ પરમેશ્વરમ્

તૃતીયે ચૈવ યત્કર્મ દેવદેવસ્ય ધીમતઃ ।
સ્થાનાનાં પરમં સ્થાનમામલેશ્વરમુત્તમમ્

તેન પૂજિતમાત્રેણ પ્રાપ્યતે પરમં પદમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે આમલેશ્વરતીર્થમાહાત્મ્યવર્ણનં નામ ત્રયોદશોત્તરદ્વિશતતમોઽધ્યાયઃ ॥