સ્કંદ પુરાણ · અધ્યાય 5.20

॥ સનત્કુમાર ઉવાચ ॥ ॥
માસમેકં નરો ભક્ત્યા પશ્યેદ્વા વટયક્ષિણીમ્ ॥
પૂજયેત્સ્વર્ણપુષ્પૈશ્ચ તસ્ય સિદ્ધિર્ન હીયતે

ઇતિ વટયક્ષિણીમાહાત્મ્યમ્ ॥
પિશાચકે નરઃ સ્નાત્વા ચતુર્દશ્યાં વિશેષતઃ ॥
તિલાન્દદાતિ યો ભક્ત્યા ન પિશાચઃ પ્રજાયતે

યં સમુદ્દિશ્ય યદ્દત્તં તદક્ષયતરં ભવેત્ ॥
તત્કુલં હિ પિશાચત્વાન્મુચ્યતે નાત્ર સંશયઃ

યસ્ય નામ્ના નરઃ સ્નાતિ પિશાચત્વાત્સ મુચ્યતે ॥
કુંભાન્વા કરકાન્વાપિ યોઽત્ર દદ્યાત્સમંડકાન્

તસ્ય વૈ શાશ્વતી મુક્તિઃ કુલે પ્રેતો ન જાયતે ॥
શિપ્રાગુંફેશ્વરં દૃષ્ટ્વા રુદ્રભક્તો જિતેંદ્રિયઃ

મુચ્યતે સર્વપાપેભ્યઃ કંચુકેન ફણી યથા ॥
સ્નાત્વાગસ્ત્યેશ્વરં પશ્યેદ્યોઽતિભક્ત્યા ચ માનવઃ

ત્યક્ત્વા યમગૃહં વ્યાસ રુદ્રલોકં સ ગચ્છતિ ॥
શિપ્રાયાં યો નરઃ સ્નાત્વા પશ્યેડ્ઢુંઢેશ્વરં શિવમ્

સોઽશ્વમેધફલં વ્યાસ લભતે નાત્ર સંશયઃ ॥
દેવેનાત્ર પુરા વ્યાસ વાદિતો ડમરુર્યતઃ

દેવસ્તેન સમાખ્યાતો નામ્ના ડમરુકેશ્વરઃ ॥
ભક્ત્યા પશ્યેન્નરો યસ્તુ દેવં ડમરુકેશ્વરમ્

નૈવ વ્યાધિભયં તસ્ય મૃતઃ શિવપુરં વ્રજેત્ ॥
અનાદિકલ્પેશ્વરં યસ્તુ ભક્ત્યા પશ્યતિ માનવઃ

રાજ્યં સ લભતે સ્વર્ગં યથા દેવઃ પુરંદરઃ ॥
દેવાનામપ્યસૌ વ્યાસ સ્પર્ધનીયઃ સદા ભવેત્

કલ્પકોટિશતં સાગ્રં ભોગયુક્તસ્તુ મોદતે ॥
પશ્યેત્સિદ્ધેશ્વરં યસ્તુ વીરભદ્રં ચ ચંડિકામ્॥

સોત્રૈવ લભતે સિદ્ધિં જયં સર્વત્ર માનવઃ ॥
સ્વર્ણજાલેશ્વરં દૃષ્ટ્વા સ્નાતસ્તીર્થે ત્રિવિષ્ટપે

સ્વર્ણેન પૂજયેદ્દેવં સર્વપાપૈઃ પ્રમુચ્યતે ॥
સ્નાત્વા પશ્યેન્નરો ભક્ત્યા યઃ કર્કોટેશ્વરં શિવમ્

સર્પતો ન ભયં તસ્ય દારિદ્યં નૈવ જાયતે ॥
યઃ પશ્યેત્પરયા ભક્ત્યા મહામાયાં સનાતનીમ્ ॥

વિષ્ણુમાયાવિનિર્મુક્તઃ સ યાતિ પરમં પદમ્ ॥
અર્ચયેત્પરયા ભક્ત્યા યઃ કપાલેશ્વરં નરઃ

સ મુચ્યેત મહાપાપૈર્યદ્યપિ બ્રહ્મહા ભવેત્ ॥
સ્વર્ગદ્વારે નરઃ સ્નાત્વા દૃષ્ટ્વા દેવં ચ ભૈરવમ્

દર્શનાત્તસ્ય દેવસ્ય શતયજ્ઞફલં ભવેત્

ઇતિશ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્યખણ્ડેઽવન્તીક્ષેત્રમાહાત્મ્યે ચતુર્દશતીર્થયાત્રાવર્ણનંનામ વિંશોઽધ્યાયઃ