શિવસ્તોત્રાવલિ · અધ્યાય 20

ચર્વનાભિધાનમ્ વિમ્શમ્ સ્તોત્રમ્
નથં ત્રિભુવનનાથં ભૂતિસિતં ત્રિનયનં ત્રિશૂલધરમ્ &
ઉપવીતીકૃતભોગિનમ્ ઇન્દુકલાશેખરં વન્દે

નૌમિ નિજતનુવિનિસ્મરદંશુકપરિવેષધવલપરિધાનમ્ &
વિલસત્કપાલમાલાકલ્પિતનૃત્તોત્સવાકલ્પમ્

વન્દે તાન્ દૈવતં યેષાં હરશ્ ચેષ્ટા હરોચિતાઃ &
હરૈકપ્રવણાઃ પ્રાણાઃ સદા સૌભાગ્યસદ્મનામ્

ક્રીડિતં તવ મહેશ્વરતાયાઃ પૃષ્ઠતો ઽન્યદ્ ઇદમ્ એવ યથૈતત્ &
ઇષ્ટમાત્રઘટિતેષ્વ્ અવદાનેષ્વ્ આત્મના પરમ્ ઉપાયમ્ ઉપૈમિ

ત્વદ્ધામ્નિ વિશ્વવન્દ્યે ઽસ્મિન્ન્ ઇયતિ ક્રીડને સતિ &
તવ નાથ કિયાન્ ભૂયાન્ન્ આનન્દરસસમ્ભવઃ

કથં સ સુભગો મા ભૂદ્યો ગૌર્યા વલ્લભો હરઃ &
હરો ઽપિ મા ભૂદ્ અથ કિં ગૌર્યાઃ પરમવલ્લભઃ

ધ્યાનામૃતમયં યસ્ય સ્વાત્મમૂલમ્ અનશ્વરમ્ &
સંવિલ્લતાસ્ તથારૂપાસ્ તસ્ય કસ્યાપિ સત્તરોઃ

ભક્તિકણ્ડૂસમ્ ઉલ્લાસાવસરે પરમેશ્વર &
મહાનિકષપાષાણસ્થૂણા પૂજૈવ જાયતે

સદા સ્ર્ષ્ટિવિનોદાય સદા સ્થિતિસુખાસિને &
સદા ત્રિભુવનાહારતૃપ્તાય સ્વામિને નમઃ

ન ક્વાપિ ગત્વા હિત્વાપિ ન કિંચિદ્ ઇદમ્ એવ યે &
ભવ્યં ત્વદ્ધામ પશ્યન્તિ ભવ્યાસ્ તેભ્યો નમો નમઃ

ભક્તિલક્ષ્મીસમૃદ્ધાનાં કિમ્ અન્યદ્ ઉપયાચિતમ્ &
એતયા વા દરિદ્રણાં કિમ્ અન્યદ્ ઉપયાચિતમ્

દુઃખાન્ય્ અપિ સુખાયન્તે વિષમ્ અપ્ય્ અમૃતાયતે &
મોક્ષાયતે ચ સંસારો યત્ર માર્ગઃ સ શઙ્કરઃ

મૂલે મધ્યે ઽવસાને ચ નાસ્તિ દુઃખં ભવજ્જુષાં &
તથાપિ વયમ્ ઈશાન સીદામઃ કથમ્ ઉચ્યતામ્

જ્ઞાનયોગાદિનાન્યેષામ્ અપ્ય્ અપેક્ષિતુમ્ અર્હતિ &
પ્રકાશઃ સ્વૈરિણામ્ ઇવ ભવાન્ ભક્તિમતાં પ્રભો

ભક્તાનાં નાર્તયો નાપ્ય્ અસ્ત્ય્ આધ્યાનં સ્વાત્મનસ્ તવ &
તથાપ્ય્ અસ્તિ શિવેત્ય્ એતત્ કિમ્ અપ્ય્ એષાં બહિર્મુખે

સર્વાભાસાવભાસો યો વિમર્શવલિતો ઽખિલમ્ &
અહમ્ એતદ્ ઇતિ સ્તૌમિ તાં ક્રિયાશક્તિમ્ ઈશ તે

વર્તન્તે જન્તવો ઽશેષા અપિ બ્રહ્મેન્દ્રવિષ્ણવઃ &
ગ્રસમાનાસ્ તતો વન્દે દેવ વિશ્વં ભવન્મયમ્

સતો વિનાશસમ્બન્ધાન્ મત્પરં નિખિલં મૃષા &
એવમેવોદ્યતે નાથ ત્વયા સંહારલીલયા

ધ્યાતમ્ આત્મુપતિષ્ઠત એવ ત્વદ્વપુર્ વરદ ભક્તિધનાનામ્ &
અપ્ય્ અચિન્ત્યમ્ અખિલાદ્ભુતચિન્તાકર્તૃતાં પ્રતિ ચ તે વિજયન્તે

તાવકભક્તિરસાસવસેકાદ્ ઇવ સુખિતમર્મમણ્ડલસ્ફુરિતૈઃ &
નૃત્યતિ વીરજનો નિશિ વેતાલકુલૈઃ કૃતોત્સાહઃ

આરબ્ધા ભવદભિનુતિર્ અમુના યેનાઙ્ગકેન મમ શમ્ભો &
તેનાપર્યન્તમ્ ઇમં કાલં દૃઢમ્ અખિલમ્ એવ ભવિષીષ્ટ