શિવસ્તોત્રાવલિ · અધ્યાય 14

જયસ્તોત્રનામ ચતુર્દશં સ્તોત્રમ્
જયલક્ષ્મીનિધાનસ્ય નિજસ્ય સ્વામિનઃ પુરઃ &
જયોદ્ઘોષણપીયૂષરસમ્ આસ્વાદયે ક્ષણમ્

જયૈકરુદ્રૈકશિવ મહાદેવ મહેશ્વર &
પાર્વતીપ્રણયિઞ્ શર્વ સર્વગીર્વાણપૂર્વજ

જય ત્રૈલોક્યનાથૈકલાઞ્છનાલિકલોચન &
જય પીતર્તલોકાર્તિકાલકૂટાઙ્કકન્ધર

જય મૂર્તત્રિશક્ત્યાત્મિશતશૂલોલ્લસત્કર &
જયેચ્છામાત્રસિદ્દાર્થપૂજાર્હચરણામ્બુજ

જય શોભશતસ્યન્દિલોકોત્તરવપુર્ધર &
જયૈકજટિકાક્ષીણગઙ્ગાકૃત્યાત્તભસ્મક

જય ક્ષીરોદપર્યસ્તજ્યોત્સ્નાચ્છાયાનુલેપન &
જયેશ્વરાઙ્ગસઙ્ગોત્થરત્નકાન્તાહિમણ્ડન

જયાક્ષયૈકશીતાંશુકલાસદૃશસંશ્રય &
જય ગઙ્ગાસદાર્બ્ધવિશ્વૈશ્વર્યાભિષેચન

જયાધરાઙ્ગસંસ્પર્શપાવનીકૃતગોકુલ &
જય ભક્તિમદાબદ્ધગોષ્ઠીનિયતસન્નિધે

જય સ્વેચ્છાતપોદેશવિપ્રલમ્ભિતબાલિશ &
જય ગૌરીપરિષ્વઙ્ગયોગ્યસૌભાગ્યભાજન

જય ભક્તિરસાર્દ્રાર્દ્રભાવોપાયનલમ્પટ &
જય ભક્તિમદોદ્દામભક્તવાઙ્નૃત્તતોષિત

જય બ્રહ્માદિદેવેશપ્રભાવપ્રભવવ્યય &
જયલોકેશ્વરશ્રેણિશિરોવિધૃતશાસન

જયસર્વજગન્ન્યસ્તસ્વમુદ્રાવ્યક્તવૈભવ &
જયાત્મદાનપર્યન્તવિશ્વેશ્વરમહેશ્વર

જય ત્રૈલોક્યસર્ગેચ્છાવસરાસદ્દ્વિતીયક &
જયૈશ્વર્યભરોદ્વાહદેવીમાત્રસહાયક

જયાક્રમસમાક્રાન્તસમસ્તભુવનત્રય &
જયાવિગીતમ્ આબાલગીયમાનેશ્વરધ્વને

જયાનુકમ્પાદિગુણાનપેક્ષસહજોન્નતે &
જય ભીષ્મમહામૃત્યુઘટનાપૂર્વભૈરવ

જય વિશ્વક્ષયોચ્ચણ્ડક્રિયાનિષ્પરિપન્થિક &
જય શ્રેયઃશતગુણાનુગનામાનુકીર્તન

જય હેલાવિતીર્નૈતદમૃતાકરસાગર &
જય વિશ્વક્ષયક્ષેપિક્ષણકોપાશુશુક્ષણે

જય મોહાન્ધકારાન્ધજીવલોકૈકદીપક &
જય પ્રસુપ્તજગતીજાગરૂકાધિપૂરુષ

જય દેહાદ્રિકુઞ્જાન્તર્નિકૂજઞ્જીવજીવક &
જય સન્માનસવ્યોમવિલાસિવરસારસ

જય જામ્બૂનદોદગ્રધાતૂદ્ભવગિરીશ્વર &
જય પાપિષુ નિન્દોલ્કાપાતનોત્પાતચન્દ્રમઃ

જય કષ્ટતપઃક્લિષ્ટમુનિદેવદુરાસદ &
જય સર્વદશારૂઢભક્તિમલ્લોકલોકિત

જય સ્વસમ્પત્પ્રસરપત્રીકૃતનિજાશ્રિત &
જય પ્રપન્નજનતાલાલનૈકપ્રયોજન

જય સર્ગસ્થિતિધ્વંસકારણૈકાવદાનક &
જય ભક્તિમદાલોલલીલોત્પલમગોત્સવ

જય જયભાજન જય જિતજન્મજરામરણ જય જગજ્જ્યેષ્ઠ &
જય જય જય જય જય જય જય જય જય જય જય જય જય ત્ર્યક્ષ