શિવપુરાણ · અધ્યાય 7.1.15

ઇતિ શ્રીશિવમહાપુરાણે સપ્તમ્યાં વાયવીયસંહિતાયાં પૂર્વખણ્ડે રુદ્રાવિર્ભાવવર્ણનં નામ ચતુર્દશો ઽધ્યાયઃ
છપ્તેર્ 15
વાયુરુવાચ
યદા પુનઃ પ્રજાઃ સૃષ્ટા ન વ્યવર્ધન્ત વેધસઃ
તદા મૈથુનજાં સૃષ્ટિં બ્રહ્મા કર્તુમમન્યત

ન નિર્ગતં પુરા યસ્માન્નારીણાં કુલમીશ્વરાત્
તેન મૈથુનજાં સૃષ્ટિં ન શશાક પિતામહઃ

તતસ્સ વિદધે બુદ્ધિમર્થનિશ્ચયગામિનીમ્
પ્રજાનમેવ વૃદ્ધ્યર્થં પ્રષ્ટવ્યઃ પરમેશ્વર

પ્રસાદેન વિના તસ્ય ન વર્ધેરન્નિમાઃ પ્રજાઃ
એવં સંચિન્ત્ય વિશ્વાત્મા તપઃ કર્તું પ્રચક્રમે

તદાદ્યા પરમા શક્તિરનંતા લોકભાવિની
આદ્યા સૂક્ષ્મતરા શુદ્ધા ભાવગમ્યા મનોહરા

નિર્ગુણા નિષ્પ્રપઞ્ચા ચ નિષ્કલા નિરુપપ્લવા
નિરંતરતરા નિત્યા નિત્યમીશ્વરપાર્શ્વગા

તયા પરમયા શક્ત્યા ભગવંતં ત્રિયમ્બકમ્
સંચિન્ત્ય હૃદયે બ્રહ્મા તતાપ પરમં તપઃ

તીવ્રેણ તપસા તસ્ય યુક્તસ્ય પરમેષ્ઠિનઃ
અચિરેણૈવ કાલેન પિતા સંપ્રતુતોષ હ

તતઃ કેનચિદંશેન મૂર્તિમાવિશ્ય કામપિ
અર્ધનારીશ્વરો ભૂત્વા યયૌ દેવસ્સ્વયં હરઃ

તં દૃષ્ટ્વા પરમં દેવં તમસઃ પરમવ્યયમ્
અદ્વિતીયમનિર્દેશ્યમદૃશ્યમકૃતાત્મભિઃ

સર્વલોકવિધાતારં સર્વલોકેશ્વરેશ્વરમ્
સર્વલોકવિધાયિન્યા શક્ત્યા પરમયા યુતમ્

અપ્રતર્ક્યમનાભાસમમેયમજરં ધ્રુવમ્
અચલં નિર્ગુણં શાંતમનંતમહિમાસ્પદમ્

સર્વગં સર્વદં સર્વસદસદ્વ્યક્તિવર્જિતમ્
સર્વોપમાનનિર્મુક્તં શરણ્યં શાશ્વતં શિવમ્

પ્રણમ્ય દંડવદ્બ્રહ્મા સમુત્થાય કૃતાંજલિઃ
શ્રદ્ધાવિનયસંપન્નૈઃ શ્રાવ્યૈઃ સંસ્કરસંયુતૈઃ

યથાર્થયુક્તસર્વાર્થૈર્વેદાર્થપરિબૃંહિતૈઃ
તુષ્ટાવ દેવં દેવીં ચ સૂક્તૈઃ સૂક્ષ્માર્થગોચરૈઃ

બ્રહ્મોવાચ
જય દેવ મહાદેવ જયેશ્વર મહેશ્વર
જય સર્વગુણ શ્રેષ્ઠ જય સર્વસુરાધિપ

જય પ્રકૃતિ કલ્યાણિ જય પ્રકૃતિનાયિકે
જય પ્રકૃતિદૂરે ત્વં જય પ્રકૃતિસુન્દરિ

જયામોઘમહામાય જયામોઘ મનોરથ
જયામોઘમહાલીલ જયામોઘમહાબલ

જય વિશ્વજગન્માતર્જય વિશ્વજગન્મયે
જય વિશ્વજગદ્ધાત્રિ જય વિશ્વજગત્સખિ

જય શાશ્વતિકૈશ્વર્યે જય શાશ્વતિકાલય
જય શાશ્વતિકાકાર જય શાશ્વતિકાનુગ

જયાત્મત્રયનિર્માત્રિ જયાત્મત્રયપાલિનિ
517બ્
જયાત્મત્રયસંહર્ત્રિ જયાત્મત્રયનાયિકે

જયાવલોકનાયત્તજગત્કારણબૃંહણ
જયોપેક્ષાકટાક્ષોત્થહુતભુગ્ભુક્તભૌતિક

જય દેવાદ્યવિજ્ઞેયે સ્વાત્મસૂક્ષ્મદૃશોજ્જ્વલે
જય સ્થૂલાત્મશક્ત્યેશેજય વ્યાપ્તચરાચરે

જય નામૈકવિન્યસ્તવિશ્વતત્ત્વસમુચ્ચય
જયાસુરશિરોનિષ્ઠશ્રેષ્ઠાનુગકદંબક

જયોપાશ્રિતસંરક્ષાસંવિધાનપટીયસિ
જયોન્મૂલિતસંસારવિષવૃક્ષાંકુરોદ્ગમે

જય પ્રાદેશિકૈશ્વર્યવીર્યશૌર્યવિજૃંભણ
જય વિશ્વબહિર્ભૂત નિરસ્તપરવૈભવ

જય પ્રણીતપઞ્ચાર્થપ્રયોગપરમામૃત
જય પઞ્ચાર્થવિજ્ઞાનસુધાસ્તોત્રસ્વરૂપિણિ

જયતિ ઘોરસંસારમહારોગભિષગ્વર
જયાનાદિમલાજ્ઞાનતમઃપટલચંદ્રિકે

જય ત્રિપુરકાલાગ્ને જય ત્રિપુરભૈરવિ
જય ત્રિગુણનિર્મુક્તે જય ત્રિગુણમર્દિનિ

જય પ્રથમસર્વજ્ઞ જય સર્વપ્રબોધિક
જય પ્રચુરદિવ્યાંગ જય પ્રાર્થિતદાયિનિ

ક્વ દેવ તે પરં ધામ ક્વ ચ તુચ્છં ચ નો વચઃ
તથાપિ ભગવન્ ભક્ત્યા પ્રલપંતં ક્ષમસ્વ મામ્

વિજ્ઞાપ્યૈવંવિધૈઃ સૂક્તૈર્વિશ્વકર્મા ચતુર્મુખઃ
નમશ્ચકાર રુદ્રાય રદ્રાણ્યૈ ચ મુહુર્મુહુઃ

ઇદં સ્તોત્રવરં પુણ્યં બ્રહ્મણા સમુદીરિતમ્
અર્ધનારીશ્વરં નામ શિવયોર્હર્ષવર્ધનમ્

ય ઇદં કીર્તયેદ્ભક્ત્યા યસ્ય કસ્યાપિ શિક્ષયા
સ તત્ફલમવાપ્નોતિ શિવયોઃ પ્રીતિકારણાત્

સકલભુવનભૂતભાવનાભ્યાં જનનવિનાશવિહીનવિગ્રહાભ્યામ્
નરવરયુવતીવપુર્ધરાભ્યાં સતતમહં પ્રણતોસ્મિ શંકરાભ્યામ્