શુક્લયજુર્વેદઃ · અધ્યાય 38

મહાવીરોપક્રમે ઘર્મધુગ્દોહાદયઃ મન્ત્રાઃ

દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યામ્ ।
આ દદે ઽદિત્યૈ રાસ્નાસિ

ઇડ ઽ એહિ ।
અદિત ઽ એહિ ।
સરસ્વત્ત્ય્ એહિ ।
અસાવ્ એહિ ।
અસાવ્ એહિ ।
અસાવ્ એહિ

અદિત્યૈ રાસ્નાસીન્દ્રાણ્યા ઽ ઉષ્ણીષઃ ।
પૂષાસિ ।
ઘર્માય દીષ્વ

અશ્વિભ્યાં પિન્વસ્વ ।
સરસ્વત્યૈ પિન્વસ્વ ।
ઇન્દ્રાય પિન્વસ્વ ।
સ્વાહેન્દ્રવત્ ।
સ્વાહેન્દ્રવત્ ।
સ્વાહેન્દ્રવત્

યસ્ તે સ્તનઃ શશયો યો મયોભૂર્ યો રત્નધા વસુવિદ્ યઃ સુદત્રઃ ।
યેન વિશ્વા પુષ્યસિ વાર્યાણિ સરસ્વતિ તમ્ ઇહ ધાતવે ઽકઃ ।
ઉર્વ્ અન્તરિક્ષમ્ અન્વ્ એમિ

ગાયત્રં છન્દો ઽસિ ।
ત્રૈષ્ટુભં છન્દો ઽસિ ।
દ્યાવાપૃથિવીભ્યાં ત્વા પરિ ગૃહ્ણામિ ।
અન્તરિક્ષેણોપ યચ્છામિ ।
ઇન્દ્રાશ્વિના ।
મધુનઃ સારઘસ્ય ઘર્મં પાત વસવો યજત વાટ્ ।
સ્વાહા સૂર્યસ્ય રશ્મયે વૃષ્ટિવનયે

સમુદ્રાય ત્વા વાતાય સ્વાહા ।
સરિરાય ત્વા વાતાય સ્વાહા ।
અનાધૃષ્યાય ત્વા વાતાય સ્વાહા ।
અપ્રતિધૃષ્યાય ત્વા વાતાય સ્વાહા ।
અવસ્યવે ત્વા વાતાય સ્વાહા ।
અશિમિદાય ત્વા વાતાય સ્વાહા

ઇન્દ્રાય ત્વા વસુમતે રુદ્રવતે સ્વાહા ।
ઇન્દ્રાય ત્વાદિત્યવતે સ્વાહા ।
ઇન્દ્રાય ત્વાભિમાતિઘ્ને સ્વાહા ।
સવિત્રે ત્વ ઽ ઋભુમતે વિભુમતે વાજવતે સ્વાહા ।
બૃહસ્પતયે ત્વા વિશ્વદેવ્યાવતે સ્વાહા

યમાય ત્વાઙ્ગિરસ્વતે પિતૃમતે સ્વાહા ।
સ્વાહા ઘર્માય ।
સ્વાહા ઘર્મઃ પિત્રે

વિશ્વા ઽ આશા દક્ષિણસદ્ વિશ્વાન્ દેવાન્ અયાડ્ ઇહ ।
સ્વાહાકૃતસ્ય ઘર્મસ્ય મધોઃ પિબતમ્ અશ્વિના

દિવિ ધા ઽ ઇમં યજ્ઞમ્ ઇમમ્ યજ્ઞં દિવિ ધાઃ ।
સ્વાહાગ્નયે યજ્ઞિયાય શં યજુર્ભ્યઃ

અશ્વિના ઘર્મં પાતꣳ હાર્દ્વાનમ્ અહર્ દિવાભિર્ ઊતિભિઃ ।
તન્ત્રાયિણો નમો દ્યાવાપૃથિવીભ્યામ્

અપાતામ્ અશ્વિના ઘર્મમ્ અનુ દ્યાવાપૃથિવી ઽ અમꣳસાતામ્ ।
ઇહૈવ રાતયઃ સન્તુ

ઇષે પિન્વસ્વ ।
ઊર્જે પિન્વસ્વ ।
બ્રહ્મણે પિન્વસ્વ ।
ક્ષત્રાય પિન્વસ્વ ।
દ્યાવાપૃથિવીભ્યાં પિન્વસ્વ ।
ધર્માસિ સુધર્મ ।
અમેન્ય્ અસ્મે નૃમ્ણાનિ ધારય બ્રહ્મ ધારય ક્ષત્રમ્ ધારય વિષં ધારય

સ્વાહા પૂષ્ણે શરસે ।
સ્વાહા ગ્રાવભ્યઃ ।
સ્વાહા પ્રતિરવેભ્યઃ ।
સ્વાહા પિતૃભ્ય ઽ ઊર્ધ્વબર્હિર્ભ્યો ઘર્મપાવભ્યઃ ।
સ્વાહા દ્યાવાપૃથિવીભ્યામ્ ।
સ્વાહા વિશ્વેભ્યઃ દેવેભ્યઃ

સ્વાહા રુદ્રાય રુદ્રહૂતયે ।
સ્વાહા સં જ્યોતિષા જ્યોતિઃ ।
અહઃ કેતુના જુષતાꣳ સુજ્યોતિર્ જ્યોતિષા સ્વાહા ।
રાત્રિઃ કેતુના જુષતાꣳ સુજ્યોતિર્ જ્યોતિષા સ્વાહા ।
મધુ હુતમ્ ઇન્દ્રતમે ઽ અગ્નાવ્ અશ્યામ તે દેવ ઘર્મ નમસ્ તે ઽ અસ્તુ મા મા હિꣳસીઃ

અભીમં મહિમા દિવં વિપ્રો બભૂવ સપ્રથાઃ ।
ઉત શ્રવસા પૃથિવીꣳ સꣳ સીદસ્વ મહાꣳ૨ઽ અસિ રોચસ્વ દેવવીતમઃ ॥
[વિ ધૂમમ્ અગ્ને ઽ અરુષં મિયેધ્ય સૃજ પ્રશસ્ત દર્શતમ્]

યા તે ઘર્મ દિવ્યા શુગ્ યા ગાયત્ર્યાꣳ હવિર્ધાને ।
સા ત આ પ્યાયતાં નિષ્ટ્યાયતાં તસ્યૈ તે સ્વાહા ।
યા તે ઘર્માન્તરિક્ષે શુગ્ યા ત્રિષ્ટુભ્ય્ આગ્નીધ્રે ।
સા ત ઽ આ પ્યાયતાં નિષ્ટ્યાયતાં તસ્યૈ તે સ્વાહા ।
યા તે ઘર્મ પૃથિવ્યાꣳ શુગ્ યા જગત્યાꣳ સદસ્યા ।
સા ત ઽ આ પ્યાયતાં નિષ્ટ્યાયતાં તસ્યૈ તે સ્વાહા

ક્ષત્રસ્ય ત્વા પરસ્પાય બ્રહ્મણસ્ તન્વં પાહિ ।
વિશસ્ ત્વા ધર્મણા વયમ્ અનુ ક્રામામ સુવિતાય નવ્યસે

ચતુઃસ્રક્તિર્ નાભિર્ ઋતસ્ય સપ્રથાઃ સ નો વિશ્વાયુઃ સપ્રથાઃ સ નઃ સર્વાયુઃ સપ્રથાઃ ।
અપ દ્વેષો ઽ અપ હ્વરો ઽન્યવ્રતસ્ય સશ્ચિમ

ઘર્મૈતત્ તે પુરીષં તેન વર્ધસ્વ ચા ચ પ્યાયસ્વ ।
વર્ધિષીમહિ ચ વયમ્ આ ચ પ્યાસિષીમહિ

અચિક્રદદ્ વૃષા હરિર્ મહાન્ મિત્રો ન દર્શતઃ ।
સꣳ સૂર્યેણ દિદ્યુતદ્ ઉદધિર્ નિધિઃ

સુમિત્રિયા ન ઽ આપ ઽ ઓષધયઃ સન્તુ દુર્મિત્રિયાસ્ તસ્મૈ સન્તુ યો ઽસ્માન્ દ્વેષ્ટિ યં ચ વયં દ્વિષ્મઃ

ઉદ્ વયં તમસસ્ પરિ સ્વઃ પશ્યન્ત ઽ ઉત્તરમ્ ।
દેવં દેવત્રા સૂર્યમ્ અગન્મ જ્યોતિર્ ઉત્તમમ્

એધો ઽસ્ય્ એધિષીમહિ ।
સમિદ્ અસિ તેજો ઽસિ તેજો મયિ ધેહિ

યાવતી દ્યાવાપૃથિવી યાવચ્ ચ સપ્ત સિન્ધવો વિતસ્થિરે ।
તાવન્તમ્ ઇન્દ્ર તે ગ્રહમૂર્જા ગૃહ્ણામ્ય્ અક્ષિતં મયિ ગૃહ્ણામ્ય્ અક્ષિતમ્

મયિ ત્યદ્ ઇન્દ્રિયં બૃહન્ મયિ દક્ષો મયિ ક્રતુઃ ।
ઘર્મસ્ ત્રિશુગ્ વિ રાજતિ વિરાજા જ્યોતિષા સહ બ્રહ્મણા તેજસા સહ

પયસો રેત ઽ આભૃતં તસ્ય દોહમ્ અશીમહ્ય્ ઉત્તરામ્-ઉત્તરાꣳ સમામ્ ।
ત્વિષઃ સંવૃક્ ક્રત્વે દક્ષસ્ય તે સુષુમ્ણસ્ય તે સુષુમ્ણાગ્નિહુતઃ ।
ઇન્દ્રપીતસ્ય પ્રજાપતિભક્ષિતસ્ય મધુમત ઽ ઉપહૂત ઽ ઉપહૂતસ્ય ભક્ષયામિ ॥