શુક્લયજુર્વેદઃ · અધ્યાય 37

મહાવીર સંભરણાભ્યાદાન મન્ત્રાઃ। અભ્ર્યાદિ રૌહિણાન્તો અધ્યાયઃ

દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યામ્ ।
આ દદે નારિર્ અસિ

યુઞ્જતે મન ઽ ઉત યુઞ્જતે ધિયો વિપ્રા વિપ્રસ્ય બૃહતો વિપશ્ચિતઃ ।
વિ હોત્રા દધે વયુનાવિદ્ એક ઽ ઇન્ મહી દેવસ્ય સવિતુઃ પરિષ્ટુતિઃ સ્વાહા

દેવી દ્યાવાપૃથિવી મખસ્ય વામ્ અદ્ય શિરો રાધ્યાસં દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે

દેવ્યો વમ્ર્યો ભૂતસ્ય પ્રથમજા મખસ્ય વો ઽદ્ય શિરો રાધ્યાસં દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે

ઇયત્ય્ અગ્રે ઽ આસીન્ મખસ્ય તે ઽદ્ય શિરો રાધ્યાસં દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે

ઇન્દ્રસ્યૌજ સ્થ મખસ્ય વો ઽદ્ય શિરો રાધ્યાસં દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે

પ્રૈતુ બ્રહ્મણસ્ પતિઃ પ્ર દેવ્ય્ એતુ સૂનૃતા ।
અચ્છા વીરં નર્યં પઙ્ક્તિરાધસં દેવા યજ્ઞં નયન્તુ નઃ ।
મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે

મખસ્ય શિરો ઽસિ ।
મખાય ત્વા મખસ્ય ત્વા શીર્ષ્ણે ।
મખસ્ય શિરો ઽસિ ।
મખાય ત્વા મખસ્ય ત્વા શીર્ષ્ણે ।
મખસ્ય શિરો ઽસિ ।
મખાય ત્વા મખસ્ય ત્વા શીર્ષ્ણે ।
મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે

અશ્વસ્ય ત્વા વૃષ્ણઃ શક્ના ધૂપયામિ દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે ।
અશ્વસ્ય ત્વા વૃષ્ણઃ શક્ના ધૂપયામિ દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે ।
અશ્વસ્ય ત્વા વૃષ્ણઃ શક્ના ધૂપયામિ દેવયજને પૃથિવ્યાઃ ।
મખાય ત્વા મખસ્ય ત્વા શીર્ષ્ણે ।
મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે

ઋજવે ત્વા ।
સાધવે ત્વા ।
સુક્ષિત્યૈ ત્વા ।
મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે મખાય ત્વા મખસ્ય ત્વા શીર્ષ્ણે

યમાય ત્વા ।
મખાય ત્વા ।
સૂર્યસ્ય ત્વા તપસે ।
દેવસ્ ત્વા સવિતા મધ્વાનક્તુ ।
પૃથિવ્યાઃ સꣳસ્પૃશસ્ પાહિ ।
અર્ચિર્ અસિ શોચિર્ અસિ તપો ઽસિ

અનાધૃષ્ટા પુરસ્તાદ્ અગ્નેર્ આધિપત્ય ઽ આયુર્ મે દાઃ ।
પુત્રવતી દક્ષિણત ઽ ઇન્દ્રસ્યાધિપત્યે પ્રજાં મે દાઃ ।
સુષદા પશ્ચાદ્ દેવસ્ય સવિતુર્ આધિપત્યે ચક્ષુર્ મે દાઃ ।
આસ્રુતિર્ ઉત્તરતો ધાતુર્ આધિપત્યે રાયસ્પોષં મે દાઃ ।
વિધૃતિર્ ઉપરિષ્ટાદ્ બૃહસ્પતેર્ આધિપત્યે ઽ ઓજો મે દાઃ ।
વિશ્વાભ્યો મા નાષ્ટ્રાભ્યસ્ પાહિ ।
મનોર્ અશ્વાસિ

સ્વાહા મરુદ્ભિઃ પરિ શ્રીયસ્વ ।
દિવઃ સꣳસ્પૃશસ્ પાહિ ।
મધુ મધુ મધુ

ગર્ભો દેવાનાં પિતા મતીનાં પતિઃ પ્રજાનામ્ ।
સં દેવો દેવેન સવિત્રા ગત સꣳ સૂર્યેણ રોચતે

સમ્ અગ્નિર્ અગ્નિના ગત સં દૈવેન સવિત્રા સꣳ સૂર્યેણારોચિષ્ટ ।
સ્વાહા સમ્ અગ્નિસ્ તપસા ગત સં દૈવ્યેન સવિત્રા સꣳ સૂર્યેણારૂરુચત

ધર્તા દિવો વિ ભાતિ તપસસ્ પૃથિવ્યાં ધર્તા દેવો દેવાનામ્ અમર્ત્યસ્ તપોજાઃ ।
વાચમ્ અસ્મે નિ યચ્છ દેવાયુવમ્

અપશ્યં ગોપામ્ અનિપદ્યમાનમ્ આ ચ પરા ચ પથિભિશ્ ચરન્તમ્ ।
સ સધ્રીચીઃ સ વિષૂચીર્ વસાન ઽ આ વરીવર્ત્તિ ભુવનેષ્વ્ અન્તઃ

વિશ્વાસાં ભુવાં પતે વિશ્વસ્ય મનસસ્ પતે વિશ્વસ્ય વચસસ્ પતે સર્વસ્ય વચસસ્ પતે ।
દેવશ્રુત્ ત્વં દેવ ઘર્મ દેવો દેવાન્ પાહિ ।
અત્ર પ્રાવીર્ અનુ વાં દેવવીતયે ।
મધુ માધ્વીભ્યાં મધુ માધૂચીભ્યામ્

હૃદે ત્વા મનસે ત્વા દિવે ત્વા સૂર્યાય ત્વા ।
ઊર્ધ્વો ઽ અધ્વરં દિવિ દેવેષુ ધેહિ

પિતા નો ઽસિ પિતા નો બોધિ નમસ્ તે ઽ અસ્તુ મા મા હિꣳસીઃ ।
ત્વષ્ટૃમન્તસ્ ત્વા સપેમ પુત્રાન્ પશૂન્ મયિ ધેહિ પ્રજામ્ અસ્માસુ ધેહ્ય્ અરિષ્ટાહꣳ સહપત્યા ભૂયાસમ્

અહઃ કેતુના જુષતાꣳ સુજ્યોતિર્ જ્યોતિષા સ્વાહા ।
રાત્રિઃ કેતુના જુષતાꣳ સુજ્યોતિર્ જ્યોતિષા સ્વાહા ॥