શુક્લયજુર્વેદઃ · અધ્યાય 21

સૌત્રામણી યાગે આજ્યાદિપ્રેષણ મન્ત્રાઃ

ઇમં મે વરુણ શ્રુધી હવમ્ અદ્યા ચ મૃડય ।
ત્વામ્ અસ્વસ્યુર્ આ ચકે

તત્ ત્વા યામિ બ્રહ્મણા વન્દમાનસ્ તદ્ આ શાસ્તે યજમાનો હવિર્ભિઃ ।
અહેડમાનો વરુણેહ બોધ્ય્ ઉરુશꣳસ મા ન ઽ આયુઃ પ્ર મોષીઃ

ત્વં નો અગ્ને વરુણસ્ય વિદ્વાન્ દેવસ્ય હેડો ઽ અવ યાસિસીષ્ઠાઃ ।
યજિષ્ઠો વહ્નિતમઃ શોશુચાનો વિશ્વા દ્વેષાꣳસિ પ્ર મુમુગ્ધ્ય્ અસ્મત્

સ ત્વં નો ઽ અગ્ને ઽવમો ભવોતી નેદિષ્ઠો ઽ અસ્યા ઉષસો વ્યુષ્ટૌ ।
અવ યક્ષ્વ નો વરુણꣳ રરાણો વીહિ મૃડીકꣳ સુહવો ન ઽ એધિ

મહીમૂ ષુ માતરꣳ સુવ્રતાનામ્ ઋતસ્ય પત્નીમ્ અવસે હુવેમ ।
તુવિક્ષત્રામ્ અજરન્તીમ્ ઉરૂચીꣳ સુશર્માણમ્ અદિતિꣳ સુપ્રણીતિમ્

સુત્રામાણં પૃથિવીં દ્યામ્ અનેહસꣳ સુશર્માણમ્ અદિતિꣳ સુપ્રણીતિમ્ ।
દૈવીં નાવꣳ સ્વરિત્રામ્ અનાગસમ્ અસ્રવન્તીમ્ આ રુહેમા સ્વસ્તયે

સુનાવમ્ આ રુહેયમ્ અસ્રવન્તીમ્ અનાગસમ્ ।
શતારિત્રાꣳ સ્વસ્તયે

આ નો મિત્રાવરુણા ઘૃતૈર્ ગવ્યૂતિમ્ ઉક્ષતમ્ ।
મધ્વા રજાꣳસિ સુક્રતૂ

પ્ર બાહવા સિસૃતં જીવસે ન ઽ આ નો ગવ્યૂતિમ્ ઉક્ષતં ઘૃતેન ।
આ નો જને શ્રવયતં યુવાના શ્રુતં મે મિત્રાવરુણા હવેમા

શં નો ભવન્તુ વાજિનો હવેષુ દેવતાતા મિતદ્રવઃ સ્વર્કાઃ ।
જમ્ભયન્તો ઽહિં વૃકꣳ રક્ષાꣳસિ સનેમ્ય્ અસ્મદ્ યુયવન્ન્ અમીવાઃ

વાજે-વાજે ઽવત વાજિનો નો ધનેષુ વિપ્રા ઽ અમૃતા ઽ ઋતજ્ઞાઃ ।
અસ્ય મધ્વઃ પિબત માદયધ્વં તૃપ્તા યાત પથિભિર્ દેવયાનૈઃ

સમિદ્ધો ઽ અગ્નિઃ સમિધા સુસમિદ્ધો વરેણ્યઃ ।
ગાયત્રી છન્દ ઽ ઇન્દ્રિયં ત્ર્યવિર્ ગૌર્ વયો દધુઃ

તનૂનપાચ્છુચિવ્રતસ્ તનૂપાશ્ ચ સરસ્વતી ।
ઉષ્ણિહા છન્દ ઽ ઇન્દ્રિયં દિત્યવાડ્ ગૌર્ વયો દધુઃ

ઇડાભિર્ અગ્નિર્ ઈડ્યઃ સોમો દેવો ઽ અમર્ત્યઃ ।
અનુષ્ટુપ્ છન્દ ઽઇન્દ્રિયં પઞ્ચાવિર્ ગૌર્ વયો દધુઃ

સુબર્હિર્ અગ્નિઃ પૂષણ્વાન્ત્ સ્તીર્ણબર્હિર્ અમર્ત્યઃ ।
બૃહતી છન્દ ઽ ઇન્દ્રિયં ત્રિવત્સો ગૌર્ વયો દધુઃ

દુરો દેવીર્ દિશો મહીર્ બ્રહ્મા દેવો બૃહસ્પતિઃ ।
પઙ્ક્તિશ્ છન્દ ઽ ઇહેન્દ્રિયં તુર્યવાડ્ ગૌર્ વયો દધુઃ

ઉષે યહ્વી સુપેશસા વિશ્વે દેવા ઽ અમર્ત્યાઃ ।
ત્રિષ્ટુપ્ છન્દ ઽ ઇહેન્દ્રિયં પષ્ઠવાડ્ ગૌર્ વયો દધુઃ

દૈવ્યા હોતારા ભિષજેન્દ્રેણ સયુજા યુજા ।
જગતી છન્દ ઽ ઇન્દ્રિયમ્ અનડ્વાન્ ગૌર્ વયો દધુઃ

તિસ્ર ઽ ઇડા સરસ્વતી ભારતી મરુતો વિશઃ ।
વિરાટ્ છન્દ ઽ ઇહેન્દ્રિયં ધેનુર્ ગૌર્ ન વયો દધુઃ

ત્વષ્ટા તુરીપો ઽ અદ્ભુત ઽ ઇન્દ્રાગ્ની પુષ્ટિવર્ધના ।
દ્વિપદા છન્દ ઽ ઇન્દ્રિયમ્ ઉક્ષા ગૌર્ ન વયો દધુઃ

શમિતા નો વનસ્પતિઃ સવિતા પ્રસુવન્ ભગમ્ ।
કકુપ્ છન્દ ઽ ઇહેન્દ્રિયં વશા વેહદ્ વયો દધુઃ

સ્વાહા યજ્ઞં વરુણઃ સુક્ષત્રો ભેષજં કરત્ ।
અતિચ્છન્દા ઽઇન્દ્રિયં બૃહદ્ ઋષભો ગૌર્ વયો દધુઃ

વસન્તેન ઽ ઋતુના દેવા વસવસ્ ત્રિવૃતા સ્તુતાઃ ।
રથન્તરેણ તેજસા હવિર્ ઇન્દ્રે વયો દધુઃ

ગ્રીષ્મેણ ઽ ઋતુના દેવા રુદ્રાઃ પઞ્ચદશે સ્તુતાઃ ।
બૃહતા યશસા બલꣳ હવિર્ ઇન્દ્રે વયો દધુઃ

વર્ષાભિર્ ઋતુનાદિત્યા સ્તોમે સપ્તદશે સ્તુતાઃ ।
વૈરૂપેણ વિશૌજસા હવિર્ ઇન્દ્રે વયો દધુઃ

શારદેન ઽ ઋતુના દેવા ઽ એકવિꣳશ ઽ ઋભવ સ્તુતાઃ ।
વૈરાજેન શ્રિયા શ્રિયꣳ હવિર્ ઇન્દ્રે વયો દધુઃ

હેમન્તેન ઽ ઋતુના દેવાસ્ ત્રિણવે મરુત સ્તુતાઃ ।
બલેન શક્વરીઃ સહો હવિર્ ઇન્દ્રે વયો દધુઃ

શૈશિરેણ ઽ ઋતુના દેવાસ્ ત્રયસ્ત્રિꣳશે ઽમૃતા સ્તુતાઃ ।
સત્યેન રેવતીઃ ક્ષત્રꣳ હવિર્ ઇન્દ્રે વયો દધુઃ

હોતા યક્ષત્ સમિધાગ્નિમ્ ઇડસ્ પદે ઽશ્વિનેન્દ્રꣳ સરસ્વતીમ્ અજો ધૂમ્રો ન ગોધૂમૈઃ કુવલૈર્ ભેષજં મધુ શષ્પૈર્ ન તેજ ઽ ઇન્દ્રિયં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષત્ તનૂનપાત્ સરસ્વતી અવિર્ મેષો ન ભેષજં પથા મધુમતા ભરન્ન્ અશ્વિનેન્દ્રાય વીર્યં બદરૈર્ ઉપવાકાભિર્ ભેષજં તોક્મભિઃ પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષન્નરાશꣳસં ન નગ્નહું પતિꣳ સુરયા ભેષજં મેષઃ સરસ્વતી ભિષગ્ રથો ન ચન્દ્ર્ય્ અશ્વિનોર્ વપા ઽ ઇન્દ્રસ્ય વીર્યં બદરૈર્ ઉપવાકાભિર્ ભેષજં તોક્મભિઃ પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ ઇડેડિત ઽ આજુહ્વાનઃ સરસ્વતીમ્ ઇન્દ્રં બલેન વર્ધયન્ન્ ઋષભેણ ગવેન્દ્રિયમ્ અશ્વિનેન્દ્રાય ભેષજં યવૈર્ કર્કન્ધુભિર્ મધુ લાજૈર્ ન માસરં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ બર્હિર્ ઊર્ણમ્રદા ભિષઙ્ નાસત્યા ભિષજાશ્વિનાશ્વા શિશુમતી ભિષગ્ ધેનુઃ સરસ્વતી ભિષગ્ દુહ ઽ ઇન્દ્રાય ભેષજં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ દુરો દિશઃ કવષ્યો ન વ્યચસ્વતીર્ અશ્વિભ્યાં ન દુરો દિશ ઽ ઇન્દ્રો ન રોદસી દુઘે દુહે ધેનુઃ સરસ્વત્ય્ અશ્વિનેન્દ્રાય ભેષજꣳ શુક્રં ન જ્યોતિર્ ઇન્દ્રિયં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષત્ સુપેશસોષે નક્તં દિવાશ્વિના સમઞ્જતિ સરસ્વત્યા ત્વિષિમ્ ઇન્દ્રે ન ભેષજꣳ શ્યેનો ન રજસા હૃદા શ્રિયા ન માસરં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ દૈવ્યા હોતારા ભિષજાશ્વિનેન્દ્રં ન જાગૃવિ દિવા નક્તં ન ભેષજૈઃ શૂષꣳ સરસ્વતી ભિષક્ સીસેન દુહ ઽ ઇન્દ્રિયં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષત્ તિસ્રો દેવીર્ ન ભેષજં ત્રયસ્ત્રિધાતવો પસો રૂપમ્ ઇન્દ્રે હિરણ્યયમ્ અશ્વિનેડા ન ભારતી વાચા સરસ્વતી મહ ઽ ઇન્દ્રાય દુહ ઽ ઇન્દ્રિયં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષત્ સુરેરસમ્ ઋષભં નર્યાપસં ત્વષ્ટારમ્ ઇન્દ્રમ્ અશ્વિના ભેષજં ન સરસ્વતીમ્ ઓજો ન હૂતિર્ ઇન્દ્રિયં વૃકો ન રભસો ભિષગ્ યશઃ સુરયા ભેષજꣳ શ્રિયા ન માસરં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ વનસ્પતિꣳ શમિતારꣳ શતક્રતું ભીમં ન મન્યુꣳ રાજાનં વ્યાઘ્રં નમસાશ્વિના ભામꣳ સરસ્વતી ભિષગ્ ઇન્દ્રાય દુહ ઽ ઇન્દ્રિયં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ અગ્નિꣳ સ્વાહાજ્યસ્ય સ્તોકાનાꣳ સ્વાહા મેદસાં પૃથક્ સ્વાહા છાગમ્ અશ્વિભ્યાꣳ સ્વાહા મેષꣳ સરસ્વત્યૈ સ્વાહ ઽ ઋષભમ્ ઇન્દ્રાય સિꣳહાય સહસ ઽ ઇન્દ્રિયꣳ સ્વાહાગ્નિં ન ભેષજꣳ સ્વાહા સોમમ્ ઇન્દ્રિયꣳ સ્વાહેન્દ્રꣳ સુત્રામાણꣳ સવિતારં વરુણં ભિષજાં પતિꣳ સ્વાહા વનસ્પતિં પ્રિયં પાથો ન ભેષજꣳ સ્વાહા દેવા ઽ આજ્યપા જુષાણો ઽ અગ્નિર્ ભેષજં પયઃ સોમઃ પરિસ્રુતા ઘૃતં મધુ વ્યન્ત્વ્ આજ્યસ્ય હોતર્ યજ

હોતા યક્ષદ્ અશ્વિનૌ છાગસ્ય વપાયા મેદસો જુષેતાꣳ હવિર્ હોતર્ યજ ।
હોતા યક્ષત્ સરસ્વતીં મેષસ્ય વપાયા મેદસો જુષતાꣳ હવિર્ હોતર્ યજ ।
હોતા યક્ષદ્ ઇન્દ્રમ્ ઋષભસ્ય વપાયા મેદસો જુષતાꣳ હવિર્ હોતર્ યજ

હોતા યક્ષદ્ અશ્વિનૌ સરસ્વતીમ્ ઇન્દ્રꣳ સુત્રામાણમ્ ઇમે સોમાઃ સુરામાણશ્ છાગૈર્ ન મેષૈર્ ઋષભૈઃ સુતાઃ શષ્પૈર્ ન તોક્મભિર્ લાજૈર્ મહસ્વન્તો મદા માસરેણ પરિષ્કૃતાઃ શુક્રાઃ પયસ્વન્તો ઽમૃતાઃ પ્રસ્થિતા વો મધુશ્ચુતસ્ તાન્ અશ્વિના સરસ્વતીન્દ્રઃ સુત્રામા વૃત્રહા જુષન્તાꣳ સોમ્યં મધુ પિબન્તુ વ્યન્તુ હોતર્ યજ

હોતા યક્ષદ્ અશ્વિનૌ છાગસ્ય હવિષ ઽ આત્તામ્ અદ્ય મધ્યતો મેદ ઽ ઉદ્ભૃતં પુરા દ્વેષોભ્યઃ પુરા પૌરુષેય્યા ગૃભો ઘસ્તાં નૂનં ઘાસે ઽ અજ્રાણાં યવસપ્રથમાનાꣳ સુમત્ક્ષરાણાꣳ શતરુદ્રિયાણામ્ અગ્નિષ્વાત્તાનાં પીવોપવસાનાં પાર્શ્વતઃ શ્રોણિતઃ શિતામત ઽ ઉત્સાદતો ઙ્ગાદ્-અઙ્ગાદ્ અવત્તાનાં કરત એવાશ્વિના જુષેતાꣳ હવિર્ હોતર્ યજ

હોતા યક્ષત્ સરસ્વતીં મેષસ્ય હવિષ ઽ આવયદ્ અદ્ય મધ્યતો મેદ ઽ ઉદ્ભૃતં પુરા દ્વેષોભ્યઃ પુરા પૌરુષેય્યા ગૃભો ઘસન્ નૂનં ઘાસે ઽ અજ્રાણાં યવસપ્રથમાનાꣳ સુમત્ક્ષરાણાꣳ શતરુદ્રિયાણામ્ અગ્નિષ્વાત્તાનાં પીવોપવસાનાં પાર્શ્વતઃ શ્રોણિતઃ શિતામત ઽ ઉત્સાદતો ઽઙ્ગાદ્-અઙ્ગાદ્ અવત્તાનાં કરદ્ એવꣳ સરસ્વતી જુષતાꣳ હવિર્ હોતર્ યજ

હોતા યક્ષદ્ ઇન્દ્રમ્ ઋષભસ્ય હવિષ ઽ આવયદ્ અદ્ય મધ્યતો મેદ ઽ ઉદ્ભૃતં પુરા દ્વેષોભ્યઃ પુરા પૌરુષેય્યા ગૃભો ઘસન્ નૂનં ઘાસે ઽ અજ્રાણાં યવસપ્રથમાનાꣳ સુમત્ક્ષરાણાꣳ શતરુદ્રિયાણામ્ અગ્નિષ્વાત્તાનાં પીવોપવસાનાં પાર્શ્વતઃ શ્રોણિતઃ શિતામત ઽ ઉત્સાદતો ઽઙ્ગાદ્-અઙ્ગાદ્ અવત્તાનાં કરદ્ એવમ્ ઇન્દ્રો જુષતાꣳ હવિર્ હોતર્ યજ

હોતા યક્ષદ્ વનસ્પતિમ્ અભિ હિ પિષ્ટતમયા રભિષ્ઠયા રશનયાધિત ।
યત્રાશ્વિનોશ્ છાગસ્ય હવિષઃ પ્રિયા ધામાનિ યત્ર સરસ્વત્યા મેષસ્ય હવિષઃ પ્રિયા ધામાનિ યત્રેન્દ્રસ્ય ઽઋષભસ્ય હવિષઃ પ્રિયા ધામાનિ યત્રાગ્નેઃ પ્રિયા ધામાનિ યત્ર સોમસ્ય પ્રિયા ધામાનિ યત્રેન્દ્રસ્ય સુત્રામ્ણઃ પ્રિયા ધામાનિ યત્ર સવિતુઃ પ્રિયા ધામાનિ યત્ર વરુણસ્ય પ્રિયા ધામાનિ યત્ર વનસ્પતેઃ પ્રિયા પાથાꣳસિ યત્ર દેવાનામ્ આજ્યપાનાં પ્રિયા ધામાનિ યત્રાગ્નેર્ હોતુઃ પ્રિયા ધામાનિ તત્રૈતાન્ પ્રસ્તુત્યેવોપસ્તુત્યેવોપાવ સ્રક્ષદ્ રભીયસ ઽઇવ કૃત્વી કરદ્ એવં દેવો વનસ્પતિર્ જુષતાꣳ હવિર્ હોતર્ યજ

હોતા યક્ષદ્ અગ્નિꣳ સ્વિષ્ટકૃતમ્ અયાડ્ અગ્નિર્ અશ્વિનોશ્ છાગસ્ય હવિષઃ પ્રિયા ધામાન્ય્ અયાટ્ સરસ્વત્યા મેષસ્ય હવિષઃ પ્રિયા ધામાન્ય્ અયાડ્ ઇન્દ્રસ્ય ઽ ઋષભસ્ય હવિષઃ પ્રિયા ધામાન્ય્ અયાડ્ અગ્નેઃ પ્રિયા ધામાન્ય્ અયાટ્ સોમસ્ય પ્રિયા ધામાન્ય્ અયાડ્ ઇન્દ્રસ્ય સુત્રામ્ણઃ પ્રિયા ધામાન્ય્ અયાટ્ સવિતુઃ પ્રિયા ધામાન્ય્ અયાડ્ વરુણસ્ય પ્રિયા ધામાન્ય્ અયાડ્ વનસ્પતેઃ પ્રિયા પાથાꣳસ્ય્ અયાડ્ દેવાનામ્ આજ્યપાનાં પ્રિયા ધામાનિ યક્ષદ્ અગ્નેર્ હોતુઃ પ્રિયા ધામાનિ યક્ષત્ સ્વં મહિમાનમ્ આ યજતામ્ એજ્યા ઽ ઇષઃ કૃણોતુ સો ઽ અધ્વરા જાતવેદા જુષતાꣳ હવિર્ હોતર્ યજ

દેવં બર્હિઃ સરસ્વતી સુદેવમ્ ઇન્દ્રે ઽ અશ્વિના ।
તેજો ન ચક્ષુર્ અક્ષ્યોર્ બર્હિષા દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવીર્ દ્વારો ઽ અશ્વિના ભિષજેન્દ્રે સરસ્વતી ।
પ્રાણં ન વીર્યં નસિ દ્વારો દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવી ઽ ઉષાસાવ્ અશ્વિના સુત્રામેન્દ્રે સરસ્વતી ।
બલં ન વાચમ્ આસ્ય ઽ ઉષાભ્યાં દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવી જોષ્ટ્રી સરસ્વત્ય્ અશ્વિનેન્દ્રમ્ અવર્ધયન્ ।
શ્રોત્રં ન કર્ણયોર્ યશો જોષ્ટ્રીભ્યાં દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવી ઽ ઊર્જાહુતી દુઘે સુદુઘેન્દ્રે સરસ્વત્ય્ અશ્વિના ભિષજાવતઃ ।
શુક્રં ન જ્યોતિ સ્તનયોર્ આહુતી ધત્ત ઽ ઇન્દ્રિયં વસુવને વસુધેયસ્ય વ્યન્તુ યજ

દેવા દેવાનાં ભિષજા હોતારાવ્ ઇન્દ્રમ્ અશ્વિના ।
વષટ્કારૈઃ સરસ્વતી ત્વિષિં ન હૃદયે મતિꣳ હોતૃભ્યાં દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવીસ્ તિસ્રસ્ તિસ્રો દેવીર્ અશ્વિનેડા સરસ્વતી ।
શૂષં ન મધ્યે નાભ્યામ્ ઇન્દ્રાય દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવ ઽ ઇન્દ્રો નરાશꣳસસ્ ત્રિવરૂથઃ સરસ્વત્યાશ્વિભ્યામ્ ઈયતે રથઃ ।
રેતો ન રૂપમ્ અમૃતં જનિત્રમ્ ઇન્દ્રાય ત્વષ્ટા દધદ્ ઇન્દ્રિયાણિ વસુવને વસુધેયસ્ય વ્યન્તુ યજ

દેવો દેવૈર્ વનસ્પતિર્ હિરણ્યપર્ણો ઽ અશ્વિભ્યાꣳ સરસ્વત્યા સુપિપ્પલ ઽ ઇન્દ્રાય પચ્યતે મધુ ।
ઓજો ન જૂતિર્ ઋષભો ન ભામં વનસ્પતિર્ નો દધદ્ ઇન્દ્રિયાણિ વસુવને વસુધેયસ્ય વ્યન્તુ યજ

દેવં બર્હિર્ વારિતીનામ્ અધ્વરે સ્તીર્ણમ્ અશ્વિભ્યામૂર્ણમ્રદાઃ સરસ્વત્યા સ્યોનમ્ ઇન્દ્ર તે સદઃ ।
ઈશાયૈ મન્યુꣳ રાજાનં બર્હિષા દધુર્ ઇન્દ્રિયં વસુવને વસુધેયસ્ય વ્યન્તુ યજ

દેવો ઽ અગ્નિઃ સ્વિષ્ટકૃદ્ દેવાન્ યક્ષદ્ યથાયથꣳ હોતારાવ્ ઇન્દ્રમ્ અશ્વિના વાચા વાચꣳ સરસ્વતીમ્ અગ્નિꣳ સોમꣳ સ્વિષ્ટકૃત્ સ્વિષ્ટ ઇન્દ્રઃ સુત્રામા સવિતા વરુણો ભિષગ્ ઇષ્ટો દેવોવનસ્પતિઃ સ્વિષ્ટા દેવા ઽ આજ્યપાઃ સ્વિષ્ટો ઽ અગ્નિર્ અગ્નિના હોતા હોત્રે સ્વિષ્ટકૃદ્ યશો ન દધદ્ ઇન્દ્રિયમૂર્જમ્ અપચિતિꣳ સ્વધાં વસુવને વસુધેયસ્ય વ્યન્તુ યજ

અગ્નિમ્ અદ્ય હોતારમ્ અવૃણીતાયં યજમાનઃ પચન્ પક્તીઃ પચન્ પુરોડાશાન્ બધ્નન્ન્ અશ્વિભ્યાં છાગꣳ સરસ્વત્યૈ મેષમ્ ઇન્દ્રાય ઽ ઋષભꣳ સુન્વન્ન્ અશ્વિભ્યાꣳ સરસ્વત્યા ઽઇન્દ્રાય સુત્રામ્ણે સુરાસોમાન્

સૂપસ્થા ઽ અદ્ય દેવો વનસ્પતિર્ અભવદ્ અશ્વિભ્યાં છાગેન સરસ્વત્યૈ મેષેણેન્દ્રાય ઽઋષભેણાક્ષꣳસ્ તાન્ મેદસ્તઃ પ્રતિ પચતાગૃભીષતાવીવૃધન્ત પુરોડાશૈર્ અપુર્ અશ્વિના સરસ્વતીન્દ્રઃ સુત્રામા સુરાસોમાન્

ત્વામ્ અદ્ય ઽ ઋષ ઽ આર્ષેય ઽ ઋષીણાં નપાદ્ અવૃણીતાયં યજમાનો બહુભ્ય ઽ આ સંગતેભ્ય ઽ એષ મે દેવેષુ વસુ વાર્યાયક્ષ્યત ઽ ઇતિ તા યા દેવા દેવ દાનાન્ય્ અદુસ્ તાન્ય્ અસ્મા ઽ આ ચ શાસ્સ્વા ચ ગુરસ્વેષિતશ્ ચ હોતર્ અસિ ભદ્રવાચ્યાય પ્રેષિતો માનુષઃ સૂક્તવાકાય સૂક્તા બ્રૂહિ ॥