શિવ પુરાણ · અધ્યાય 2.3.11

બ્રહ્મોવાચ ॥
વર્દ્ધમાના ગિરેઃ પુત્રી સા શક્તિ લોકપૂજિતા ॥
અષ્ટવર્ષા યદા જાતા હિમાલયગૃહે સતી

તજ્જન્મ ગિરિશો જ્ઞાત્વા સતીવિરહકાતરઃ ॥
કૃત્વા તામદ્ભુતામન્તર્મુમોદાતીવ નારદ

તસ્મિન્નેવાન્તરે શમ્ભુર્લૌકિકીં ગતિમાશ્રિતઃ॥
સમાધાતું મનસ્સમ્યક્તપઃ કર્ત્તું સમૈચ્છત।૩॥
કાંશ્ચિદ્ગણવરાઞ્છાન્તાન્નંદ્યાદીનવગૃહ્ય ચ ॥
ગઙ્ગાવતારમગમદ્ધિમવત્પ્રસ્થમુત્તમમ્

યત્ર ગંગા નિપતિતા પુરા બ્રહ્મપુરાત્સ્રુતા ॥
સર્વાઘૌઘવિનાશાય પાવની પરમા મુને

તપઃપ્રારમ્ભમકરોત્સ્થિત્વા તત્ર વશી હરઃ ॥
એકાગ્રં ચિંતયામાસ સ્વમાત્માનમતન્દ્રિતઃ

ચેતો જ્ઞાનભવં નિત્યં જ્યોતીરૂપં નિરામયમ્ ॥
જગન્મયં ચિદાનન્દં દ્વૈતહીનં નિરાશ્રયમ્

હરે ધ્યાનપરે તિસ્મિન્પ્રમથા ધ્યાનતત્પરાઃ॥
અભવન્કેચિદપરે નન્દિભૃંગ્યાદયો ગણાઃ

સેવાં ચક્રુસ્તદા કેચિદ્ગણાઃ શમ્ભોઃ પરાત્મનઃ॥
નૈવાકૂજંસ્તુ મૌના હિ દ્વરપાઃ કેચનાભવન્

એતસ્મિન્નન્તરે તત્ર જગામ હિમભૂધરઃ॥
શઙ્કરસ્યૌષધિપ્રસ્થં શ્રુત્વાગમનમાદરાત્॥2.3.11.૧ ૦॥
પ્રણનામ પ્રભું રુદ્રં સગણો ભૂધરેશ્વરઃ ॥
સમાનર્ચ ચ સુપ્રીતસ્તુષ્ટાવ સ કૃતાઞ્જલિઃ ॥ ૧ ૧॥
હિમાલય ઉવાચ ॥
દેવદેવ મહાદેવ કપર્દિચ્છંકર પ્રભો ॥
ત્વયૈવ લોકનાથેન પાલિતં ભુવનત્રયમ્

નમસ્તે દેવદેવેશ યોગિરૂપધરાય ચ ॥
નિર્ગુણાય નમસ્તુભ્યં સગુણાય વિહારિણે

કૈલાસવાસિને શમ્ભો સર્વલોકાટનાય ચ ॥
નમસ્તે પરમેશાય લીલાકારાય શૂલિને

પરિપૂર્ણગુણાધાનવિકારરહિતાયતે ॥
નમોઽનીહાય વીહાય ધીરાય પરમાત્મને

અબહિર્ભોગકારાય જનવત્સલતે નમઃ॥
ત્રિગુણાધીશ માયેશ બ્રહ્મણે પરમાત્મને

વિષ્ણુબ્રહ્માદિસેવ્યાય વિષ્ણુબ્રહ્મસ્વરૂપિણે॥
વિષ્ણુબ્રહ્મકદાત્રે તે ભક્તપ્રિય નમોઽસ્તુ તે

તપોરત તપસ્થાનસુતપઃ ફલદાયિને ॥
તપઃપ્રિયાય શાન્તાય નમસ્તે બ્રહ્મરૂપિણે

વ્યવહારકરાયૈવ લોકાચારકરાય તે ॥
સગુણાય પરેશાય નમોસ્તુ પરમાત્મને ॥

લીલા તવ મહેશાનાવેદ્યા સાધુસુખપ્રદા ॥
ભક્તાધીનસ્વરૂપોઽસિ ભક્તવશ્યો હિ કર્મકૃત્

મમ ભાગ્યોદયાદત્ર ત્વમાગત ઇહ પ્રભો॥
સનાથ કૃતવાન્માં ત્વં વર્ણિતો દાનવત્સલઃ

અદ્ય મે સફલં જન્મ સફલં જીવનં મમ॥
અદ્ય મે સફલં સર્વં યદત્ર ત્વં સમાગતઃ

જ્ઞાત્વા માં દાસમવ્યગ્રમાજ્ઞાન્દેહિ મહેશ્વર ॥
ત્વત્સેવાં ચ મહાપ્રીત્યા કુર્યામહમનન્યધીઃ

બ્રહ્મોવાચ ॥
ઇત્યાકર્ણ્ય વચસ્તસ્ય ગિરીશસ્ય મહેશ્વરઃ ॥
કિંચિદુન્મીલ્ય નેત્રે ચ દદર્શ સગણં ગિરિમ્

સગણં તન્તથા દૃષ્ટ્વા ગિરિરાજં વૃષધ્વજઃ ॥
ઉવાચ ધ્યાનયોગસ્થઃ સ્મયન્નિવ જગત્પતિઃ

મહેશ્વર ઉવાચ ॥
તવ પૃષ્ઠે તપસ્તપ્તું રહસ્યમહમાગતઃ ॥
યથા ન કોપિ નિકટં સમાયાતુ તથા કુરુ

ત્વં મહાત્મા તપોધામા મુનીનાં ચ સદાશ્રયઃ ॥
દેવાનાં રાક્ષસાનાં ચ પરેષાં ચ મહાત્મનામ્

સદા વાસો દ્વિજાદીનાં ગંગાપૂતશ્ચ નિત્યદા ॥
પરોપકારી સર્વેષાં ગિરીણામધિપઃ પ્રભુઃ

અહં તપશ્ચરામ્યત્ર ગંગાવતરણે સ્થલે ॥
આશ્રિતસ્તવ સુપ્રીતો ગિરિરાજ યતાત્મવાન્

નિર્વિઘ્નં મે તપશ્ચાત્ર હેતુના યેન શૈલપ ॥
સર્વથા હિ ગિરિશ્રેષ્ઠ સુયત્નં કુરુ સામ્પ્રતમ્

મમેદમેવ પરમં સેવનં પર્વતોત્તમ ॥
સ્વગૃહં ગચ્છ સત્પ્રીત્યા તત્સંપાદય યત્નતઃ

॥ બ્રહ્મોવાચ ॥
ઇત્યુક્ત્વા જગતાં નાથસ્તૂષ્ણીમાસ સ સૂતિકૃત્ ॥
ગિરિરાજસ્તદા શમ્ભું પ્રણયાદિદમબ્રવીત્

॥ હિમાલય ઉવાચ॥
પૂજિતોઽસિ જગન્નાથ મયા ત્વમ્પરમેશ્વર ॥
સ્વાગતેનાદ્ય વિષયે સ્થિતં ત્વામ્પ્રાર્થયામિ કિમ્

મહતા તપસા ત્વં હિ દેવૈર્યત્નપરાશ્રિતૈઃ ॥
ન પ્રાપ્યસે મહેશાન સ ત્વં સ્વયમુપસ્થિતઃ

મત્તોપ્યન્યતમો નાસ્તિ ન મત્તોઽન્યોઽસ્તિ પુણ્યવાન્॥
ભવાનિતિ ચ મત્પૃષ્ઠે તપસે સમુપસ્થિતઃ

દેવેન્દ્રાદધિકમ્મન્યે સ્વાત્માનમ્પરમેશ્વર॥
સગણેન ત્વયાગત્ય કૃતોઽનુગ્રહભાગહમ્

નિર્વિઘ્નં કુરુ દેવેશ સ્વતન્ત્રઃ પરમન્તપઃ॥
કરિષ્યેઽહન્તથા સેવાં દાસોઽહન્તે સદા પ્રભો।૩૭॥
બ્રહ્મોવાચ॥
ઇત્યુક્ત્વા ગિરિરાજોઽસૌ સ્વં વેશ્મ દ્રુતમાગતઃ॥
વૃત્તાંત્તં તં સમાચખ્યૌ પ્રિયાયૈ ચ સમાદરાત્

નીયમાનાન્પરીવારાન્સ્વગણાનપિ નારદ॥
સમાહૂયાખિલાઞ્છૈલપતિઃ પ્રોવાચ તત્ત્વતઃ

હિમાલય ઉવાચ ॥
અદ્ય પ્રભૃતિ નો યાતુ કોપિ ગંગાવતારણમ્॥
મચ્છાસનેન મત્પ્રસ્થં સત્યમેતદ્બ્રવીમ્યહમ્ ॥2.3.11.૪ ૦ ॥
ગમિષ્યતિ જનઃ કશ્ચિત્તત્ર ચેત્તં મહાખલમ્ ॥
દણ્ડયિષ્યે વિશેષેણ સત્યમેતન્મયોદિતમ્

ઇતિ તાન્સ નિયમ્યાશુ સ્વગણાન્નિખિલાન્મુને ॥
સુયત્નં કૃતવાઞ્છૈલસ્તં શૃણુ ત્વં વદામિ તે

ઇતિ શ્રીશિવમહાપુરાણે દ્વિતીયાયાં રુદ્રસંહિતાયાન્તૃતીયે પાર્વતીખણ્ડે શિવશૈલસમાગમવર્ણનં નામૈકાદશોઽધ્યાયઃ