શતપથબ્રાહ્મણમ્ · અધ્યાય 14.6.4

કહોડબ્રાહ્મણં વા નિર્ગુણબ્રહ્મવિદ્યાબ્રાહ્મણમ્
અથ હૈનં કહોડઃ કૌષીતકેયઃ પપ્રચ્છ। યાજ્ઞવલ્ક્યેતિ હોવાચ યત્સાક્ષાદપરોક્ષાદ્બ્રહ્મ ય આત્મા સર્વાન્તરસ્તં મે વ્યાચક્ષ્વેત્યેષ ત આત્મા સર્વાન્તરઃ કતમો યાજ્ઞવલ્ક્ય સર્વાન્તરો યોઽશનાયાપિપાસે શોકં મોહં જરામ્મૃત્યુમત્યેત્યેતં વૈ તમાત્માનં વિદિત્વા બ્રાહ્મણાઃ પુત્રૈષણાયાશ્ચ વિત્તૈષણાયાશ્ચ લોકૈષણાયાશ્ચ વ્યુત્થાયાથ ભિક્ષાચર્યં ચરન્તિ યા હ્યેવ પુત્રૈષણા સા વિત્તૈષણા યા વિત્તૈષણા સા લોકૈષણોભે હ્યેતે એષણે એવ ભવતસ્તસ્માત્પણ્ડિતઃ પાણ્ડિત્યં નિર્વિદ્ય બાલ્યેન તિષ્ઠાસેદ્બાલ્યં ચ પાણ્ડિત્યં ચ નિર્વિદ્યાથ મુનિરમૌનં ચ મૌનં ચ નિર્વિદ્યાથ બ્રાહ્મણઃ સ બ્રાહ્મણઃ કેન સ્યાદ્યેન સ્યાત્તેનેદૃશ એવ ભવતિ ય એવં વેદ તતો હ કહોડઃ કૌષીતકેય ઉપરરામ - ૧૪.૬.૪