શતપથબ્રાહ્મણમ્ · અધ્યાય 13.8.2

અન્તર્દ્ધાયો હૈકે નિવપન્તિ દેવાશ્ચાસુરાશ્ચોભયે પ્રાજાપત્યા અસ્મિંલોકેઽસ્પર્ધન્ત તે
દેવા અસુરાન્ત્સપત્નાન્ભ્રાતૃવ્યાનસ્માલ્લોકાદનુદન્ત તસ્માદ્યા દૈવ્યઃ પ્રજા અનન્તર્હિતાનિ તાઃ શ્મશાનાનિ કુર્વતેઽથ યા આસુર્યઃ પ્રાચ્યાસ્ત્વદ્યે ત્વદન્તર્હિતાનિ તે
ચમ્વાં ત્વદ્યસ્મિંસ્ત્વત્ -

અથૈનત્પરિશ્રિદ્ભિઃ પરિશ્રયતિ। યા એવામૂઃ પરિશ્રિતસ્તા એતાઃ। યજુષા તાઃ પરિશ્રયતિ।
તૂષ્ણીમિમાઃ। દૈવં તત્પિત્ર્યં ચ વ્યાકરોત્યપરિમિતાભિરપરિમિતો હ્યસૌ લોકઃ -

અથૈનત્પલાશશાખયા વ્યુદૂહતિ યદેવાદો વ્યુદૂહનં તદેતદપેતો યન્તુ પણયોઽસુમ્ના દેવપીયવ ઇતિ પણીનેવૈતદસુમ્નાન્દેવપીયૂનસુરરક્ષસાન્યસ્માલ્લોકાદપહન્ત્યસ્ય લોકઃ
સુતાવત ઇતિ સુતવાન્હિ ય ઈજાનો દ્યુભિરહોભિરક્તુભિર્વ્યક્તમિતિ તદેનમૃતુભિશ્ચાહોરાત્રૈશ્ચ સલોકં કરોતિ -

યમો દદાત્વવસાનમસ્મા ઇતિ યમો હ વા અસ્યામવસાનસ્યેષ્ટે તમેવાસ્મા અસ્યામવસાનં યાચતિ તાં દક્ષિણોદસ્યત્યુદગિતરાં દૈવં ચૈવ તત્પિત્ર્યં ચ વ્યાકરોતિ -

અથ દક્ષિણતઃ સીરં યુનક્તિ ઉત્તરત ઇત્યુ હૈક આહુઃ સ યથા કામયેત તથા કુર્યાદ્યુઙ્ક્તેતિ સમ્પ્રેષ્યાભિમન્ત્રયતે સવિતા તે શરીરેભ્યઃ પૃથિવ્યાં લોકમિચ્છત્વિતિ સવિતૈવાસ્યૈતચ્છરીરેભ્યઃ પૃથિવ્યાં લોકમિચ્છતિ તસ્મૈ યુજ્યન્તામુસ્રિયા ઇત્યેતસ્મા ઉ હિ કર્મણ ઉસ્રિયા યુજ્યન્તે -

ષઙ્ગવં ભવતિ ષડૃતવઃ સમ્વત્સર ઋતુષ્વેવૈનમેતત્સમ્વત્વરે પ્રતિષ્ઠાયાં પ્રતિષ્ઠાપયતિ તદપસલવિ પર્યાહૃત્યોત્તરતઃ પ્રતીચીં પ્રથમાં સીતાં કૃષતિ વાયુઃ પુનાત્વિતિ જઘનાર્ધેન દક્ષિણાગ્નેર્ભ્રાજસેતિ દક્ષિણાર્ધેન પ્રાચીં સૂર્યસ્ય વર્ચસેત્યગ્રેણોદીચીમ્ -

ચતસ્રઃ સીતા યજુષા કૃષતિ તદ્યચ્ચતસૃષુ દિક્ષ્વન્નં તસ્મિન્નેવૈનમેતત્પ્રતિષ્ઠાપયતિ તદ્વૈ યજુષાઽદ્ધા વૈ તદ્યદ્યજુરદ્ધો તદ્યદિમા દિશઃ -

અથાત્માનં વિકૃષતિ તદ્યદેવ સમ્વત્સરેઽન્નં તસ્મિન્નેવૈનમેતત્પ્રતિષ્ઠાપયતિ તૂષ્ણીમપરિમિતાભિરપરિમિતો હ્યસૌ લોકઃ -

અથૈનદ્વિમુઞ્ચતિ કૃત્વા તત્કર્મ યસ્મૈ કર્મણ એનદ્યુઙ્ક્તે વિમુચ્યન્તામુસ્રિયા ઇત્યેતસ્મા ઉ હિ કર્મણ ઉસ્રિયા યુજ્યન્તે તદ્દક્ષિણોદસ્યત્યુદગિતરદ્દૈવં ચૈવ તત્પિત્ર્યં ચ વ્યાકરોતિ -