શતપથબ્રાહ્મણમ્ · અધ્યાય 13.3.5

સર્વેષુ વૈ લોકેષુ મૃત્યવોઽન્વાયત્તાસ્તેભ્યો યદાહુતીર્ન જુહુયાલ્લોકે લોક એનમ્મૃત્યુર્વિન્દેદ્યન્મૃત્યુભ્ય આહુતીર્જુહોતિ લોકે લોક એવ મૃત્યુમપજયતિ -

તદાહુઃ યદમુષ્મૈ સ્વાહામુષ્મૈ સ્વાહેતિ જુહ્વત્સંચક્ષીત બહુમ્મૃત્યુમમિત્રં કુર્વીત મૃત્યવ આત્માનમપિદધ્યાદિતિ મૃત્યવે સ્વાહેત્યેકસ્મા એવૈકામાહુતિં જુહોત્યેકો હ વા અમુષ્મિંલોકે મૃત્યુરશનાયૈવ તમેવામુષ્મિંલોકેઽપજયતિ -

બ્રહ્મહત્યાયૈ સ્વાહેતિ દ્વિતીયામાહુતિં જુહોતિ અમૃત્યુર્હ વા અન્યો બ્રહ્મહત્યાયૈ મૃત્યુરેષ હ વૈ સાક્ષાન્મૃત્યુર્યદ્બ્રહ્મહત્યા સાક્ષાદેવ મૃત્યુમપજયતિ -

એતાં હ વૈ મુણ્ડિભ ઔદન્યઃ બ્રહ્મહત્યાયૈ પ્રાયશ્ચિત્તિં વિદાંચકાર યદ્બ્રહ્મહત્યાયા આહુતિં જુહોતિ મૃત્યુમેવાહુત્યા તર્પયિત્વા પરિપાણં કૃત્વા બ્રહ્મઘ્ને ભેષજં કરોતિ તસ્માદ્યસ્યૈષાશ્વમેધ આહુતિર્હૂયતેઽપિ યોઽસ્યાપરીષુ પ્રજાયાં બ્રાહ્મણં હન્તિ તસ્મૈ ભેષજં કરોતિ -