શતપથબ્રાહ્મણમ્ · અધ્યાય 13.1.5

અપ વા એતસ્માત્ શ્રી રાષ્ટ્રં ક્રામતિ યોઽશ્વમેધેન યજતે યદા વૈ પુરુષઃ શ્રિયં ગચ્છતિ વીણાસ્મૈ વાદ્યતે બ્રાહ્મણૌ વીણાગાથિનૌ સંવત્સરં ગાયતઃ શ્રિયૈ વા એતદ્રૂપં યદ્વીણા શ્રિયમેવાસ્મિંસ્તદ્ધત્તઃ -

તદાહુઃ યદુભૌ બ્રાહ્મણૌ ગાયેતામપાસ્માત્ક્ષત્રં ક્રામેદ્બ્રહ્મણો વા એતદ્રૂપં યદ્બ્રાહ્મણો ન વૈ બ્રહ્મણિ ક્ષત્રં રમત ઇતિ -

યદુભૌ રાજન્યૌ અપાસ્માદ્બ્રહ્મવર્ચસં ક્રામેત્ક્ષત્રસ્ય વા એતદ્રૂપં યદ્રાજન્યો ન વૈ ક્ષત્રે બ્રહ્મવર્ચસં રમત ઇતિ બ્રાહ્મણોઽન્યો ગાયતિ રાજન્યોઽન્યો બ્રહ્મ વૈ બ્રાહ્મણઃ ક્ષત્રં રાજન્યસ્તદસ્ય બ્રહ્મણા ચ ક્ષત્રેણ ચોભયતઃ શ્રીઃ પરિગૃહીતા ભવતિ -

તદાહુઃ યદુભૌ દિવા ગાયેતાં પ્રભ્રંશુકાસ્માચ્છ્રીઃ સ્યાદ્બ્રહ્મણો વા એતદ્રૂપં યદહર્યદા વૈ રાજા કામયતેઽથ બ્રાહ્મણં જિનાતિ પાપીયાંસ્તુ ભવતિ -

યદુભૌ નક્તમ્ અપાસ્માદ્બ્રહ્મવર્ચસં ક્રામેત્ક્ષત્રસ્ય વા એતદ્રૂપં યદ્રાત્રિર્ન વૈ ક્ષત્રે બ્રહ્મવર્ચસં રમત ઇતિ દિવા બ્રાહ્મણો ગાયતિ નક્તં રાજન્યસ્તથો હાસ્ય બ્રહ્મણા ચ ક્ષત્રેણ ચોભયતઃ શ્રીઃ પરિગૃહીતા ભવતીતિ -

અયજતેત્યદદાદિતિ બ્રાહ્મણો ગાયતીષ્ટાપૂર્તં વૈ બ્રાહ્મણસ્યેષ્ટાપૂર્તેનૈવૈનં સમર્ધયતીત્યયુધ્યતેત્યમું સંગ્રામમજયદિતિ રાજન્યો યુદ્ધં વૈ રાજન્યસ્ય વીર્યં વીર્યેણૈવૈનં સમર્ધયતિ તિસ્રોઽન્યો ગાથા ગાયતિ તિસ્રોઽન્યઃ ષટ્સમ્પદ્યન્તે ષડૃતવઃ સંવત્સર ઋતુષ્વેવ સંવત્સરે પ્રતિતિષ્ઠતિ તાભ્યાં શતં દદાતિ શતાયુર્વૈ પુરુષઃ શતેન્દ્રિય આયુરેવેન્દ્રિયં વીર્યમાત્મન્ધત્તે -