શતપથબ્રાહ્મણમ્ · અધ્યાય 11.8.4

૧૧.૮.૪ પશુપ્રાયશ્ચિત્તીયાઃ સ્પૃતિહોમાઃ
કેશિગૃહપતીનામુ હ। સમ્રાડ્દુઘાં શાર્દૂલો જઘાન સહ સ સત્ત્રિણ આમન્ત્રયાંચક્રે કેહ પ્રાયશ્ચિત્તિરિતિ તે હોચુર્નેહ પ્રાયશ્ચિત્તિરસ્તિ ખણ્ડિક એવૌદ્ભારિરસ્ય પ્રાયશ્ચિત્તિં વેદ સ ઉ ત એતાદૃક્ચૈવ કામયતેઽતશ્ચ પાપીય ઇતિ -

સ હોવાચ। સંગ્રહીતર્યુઙ્ગ્ધિ મે સ્યન્ત્સ્યામિ સ યદ્યહ મે વક્ષ્યતિ સમાપ્સ્યામિ યદ્યુ મા મારયિષ્યતિ યજ્ઞં વિકૃષ્ટમનુ વિક્રક્ષ્ય ઇતિ -

સ હ યુક્ત્વા યયાવાજગામ। તં હ પ્રતિખ્યાયોવાચ યન્ન્વેતાન્યેવાજિનાનિ મૃગેષુ ભવન્ત્યથૈષાં પૃષ્ટીરપિ શીર્ય પચામહે કૃષ્ણાજિનં મે ગ્રીવાસ્વાબદ્ધમિત્યેવ મેદમધૃષોઽભ્યવસ્યન્ત્તૂ૩મિતિ -

નેતિ હોવાચ। સમ્રાડ્દુઘાં વૈ મે ભગવઃ શાર્દૂલોઽવધીત્સ યદ્યહ મે વક્ષ્યસિ સમાપ્સ્યામિ યદ્યુ મા મારયિષ્યસિ યજ્ઞં વિકૃષ્ટમનુ વિક્રક્ષ્ય ઇતિ -

સ હોવાચ। આમન્ત્રણીયાન્ન્વામન્ત્રયા ઇતિ તાન્હામન્ત્ર્યોવાચ યદ્યસ્મૈ વક્ષ્યામ્યમુષ્યૈવેદં પ્રજા ભવિષ્યતિ ન મમ લોકી ત્વહં ભવિષ્યામિ યદ્યુ વા અસ્મૈ ન વક્ષ્યામિ મમૈવેદં પ્રજા ભવિષ્યતિ નામુષ્ય લોકી ત્વસૌ ભવિષ્યતીતિ તે હોચુર્મા ભગવો વોચોઽયં વાવ ક્ષત્રિયસ્ય લોક ઇતિ સ હોવાચ વક્ષ્યામ્યેવામૂર્વૈ રાત્રયો ભૂયસ્ય ઇતિ -

તસ્મા ઉ હૈતદુવાચ। સ્પૃતીર્હુત્વાન્યામાજતેતિ બ્રૂતાત્સા તે સમ્રાડ્દુઘા સ્યાદિતિ ચન્દ્રાન્ત્તે મનઃ સ્પૃણોમિ સ્વાહા સૂર્યાત્તે ચક્ષુ સ્પૃણોમિ સ્વાહા વાતાત્તે પ્રાણાન્ત્સ્પૃણોમિ સ્વાહા દિગ્ભ્યસ્તે શ્રોત્રં સ્પૃણોમિ સ્વાહાઽદ્ભ્યસ્તે લોહિતં સ્પૃણોમિ સ્વાહા પૃથિવ્યૈ તે શરીરં સ્પૃણોમિ સ્વાહેત્યથાન્યામાજતેતિ બ્રૂતાત્સા તે સમ્રાડ્દુઘા સ્યાદિતિ તતો હૈવ સ ઉત્સસાદ કૈશિનીરેવેમા અપ્યેતર્હિ પ્રજા જાયન્તે -