શતપથબ્રાહ્મણમ્ · અધ્યાય 11.8.1

૧૧.૮.૧ અગ્નિહોત્રે મહૌપસ્થાનમ્
તદ્યથા હ વૈ। ઇદં રથચક્રં વા કૌલાલચક્રં વા પ્રતિષ્ઠિતં ક્રન્દેદેવં હૈવેમે લોકા અધ્રુવા અપ્રતિષ્ઠિતા આસુઃ -

સ હ પ્રજાપતિરીક્ષાં ચક્રે। કથં ન્વિમે લોકા ધ્રુવાઃ પ્રતિષ્ઠિતાઃ સ્યુરિતિ સ એભિશ્ચૈવ પર્વતૈર્નદીભિશ્ચેમામદૃંહદ્વયોભિશ્ચ મરીચિભિશ્ચાન્તરિક્ષં જીમૂતૈશ્ચ નક્ષત્રૈશ્ચ દિવમ્ -

સ મહ ઇતિ વ્યાહરત્। પશવો વૈ મહસ્તસ્માદ્યસ્યૈતે બહવો ભવન્તિ ભૂયિષ્ઠમસ્ય કુલે મહીયન્તે બહવો હ વા અસ્યૈતે ભવન્તિ ભૂયિષ્ઠં હાસ્ય કુલે મહીયન્તે તસ્માદ્યદ્યેનમાયતનાદ્બાધેરન્વા પ્ર વા યાપયેયુરગ્નિહોત્રં હુત્વા મહ ઇત્યુપતિષ્ઠેત પ્રતિ પ્રજયા પશુભિસ્તિષ્ઠતિ નાયતનાચ્ચ્યવતે -