શતપથબ્રાહ્મણમ્ · અધ્યાય 11.1.7

તદ્વા અદો વ્રતોપાયન ઉદ્યતે। યદિ નાશ્નાતિ પિતૃદેવત્યો ભવતિ યદ્યુ અશ્નાતિ દેવાનત્યશ્નાતીતિ તદારણ્યમશ્નીયાદિતિ તત્ર સ્થાપયન્તિ -

સ યદિ ગ્રામ્યા ઓષધીરશ્નાતિ। પુરોડાશસ્ય મેધમશ્નાતિ યદ્યારણ્યા ઓષધીરશ્નાતિ બર્હિષો મેધમશ્નાતિ યદિ વાનસ્પત્યમશ્નાતીધ્મસ્ય મેધમશ્નાતિ યદિ પયઃ પિબતિ સાંનાય્યસ્ય ચાજ્યસ્ય ચ મેધમશ્નાતિ યદ્યપઃ પિબતિ પ્રણીતાનાં મેધમશ્નાતિ યદિ નાશ્નાતિ પિતૃદેવત્યો ભવતિ -

તદાહુઃ। કિમયનમિતિ સ્વયં હૈવૈતે રાત્રી અગ્નિહોત્રં જુહુયાત્સ યદ્ધુત્વા પ્રાશ્નાતિ તેનાપિતૃદેવત્યો ભવત્યાહુતિર્વા એષા સ યદેવૈતામાત્મન્નાહુતિં જુહોતિ તેનો એતેષાં મેધાનાં નાશ્નાતિ -

એતે હ વૈ રાત્રી। સર્વા રાત્રયઃ સમવયન્તિ યા આપૂર્યમાણપક્ષસ્ય રાત્રયસ્તાઃ સર્વાઃ પૌર્ણમાસીં સમવયન્તિ યા અપક્ષીયમાણપક્ષસ્ય રાત્રયસ્તાઃ સર્વા અમાવાસ્યાં સમવયન્તિ સ યો હૈવં વિદ્વાન્ત્સ્વયમુપવસથે જુહોતિ સર્વદા હૈવાસ્ય સ્વયં હુતં ભવતિ -