શતપથબ્રાહ્મણમ્ · અધ્યાય 10.5.1

તસ્ય વા એતસ્યાગ્નેઃ વાગેવોપનિષદ્વાચા હિ ચીયત ઋચા યજુષા સામ્નેતિ નુ દૈવ્યાથ
યન્માનુષ્યા વાચા હેતીદં કુરુતેતીદં કુરુતેતિ તદુ હ તયા ચીયતે -

ત્રયીમયાદિત્યાગ્ન્યુપાસનબ્રાહ્મણમ્
સા વા એષા વાક્ત્રેધાવિહિતા ઋચો યજૂંષિ સામાનિ તેનાગ્નિસ્ત્રેધા વિહિત એતેન હિ ત્રયેણ ચીયતેઽથ હૈવં ત્રેધા વિહિત ઇત્થં હ ત્વેવાપિ ત્રેધા વિહિતો યદસ્મિંસ્ત્રેધાવિહિતા ઇષ્ટકા ઉપધીયન્તે પુંનામ્ન્ય સ્ત્રીનામ્ન્યો નપુંસકનામ્ન્યસ્ત્રેધાવિહિતાન્યુ એવેમાનિ પુરુષસ્યાઙ્ગાનિ પુંનામાનિ સ્ત્રીનામાનિ નપુંસકનામાનિ -

સોઽયમાત્મા ત્રેધાવિહિત એવ સોઽનેન ત્રેધાવિહિતેનાત્મનૈતં ત્રેધાવિહિતં દૈવમમૃતમાપ્નોતિ તા ઉ સર્વા ઇષ્ટકા ઇત્યેવાચક્ષતે નેષ્ટક ઇતિ નેષ્ટકમિતિ વાચોરૂપેણ વાગ્ઘ્યેવૈતત્સર્વં યત્સ્ત્રી પુમાન્નપુંસકં વાચા હ્યેવૈતત્સર્વમાપ્તં તસ્માદેના અઙ્ગિરસ્વદ્ધ્રુવા સીદેત્યેવ સર્વાઃ સાદયતિ નાઙ્ગિરસ્વદ્ધ્રુવઃ સીદેતિ નાઙ્ગિરસ્વદ્ધ્રુવં સીદેતિ વાચં હ્યેવૈતાં સંસ્કુરુતે -

સા યા સા વાગસૌ સ આદિત્યઃ સ એષ મૃત્યુસ્તદ્યકિં ચાર્વાચીનમાદિત્યાત્સર્વં તન્મૃત્યુનાપ્તં સ યો હૈનમતોઽર્વાચીનં ચિનુતે મૃત્યુના હૈનં સ આપ્તં ચિનુતે મૃત્યવે હ સ આત્માનમપિદધાત્યથ ય એનમત ઊર્ધ્વં ચિનુતે સ પુનર્મૃત્યુમપજયતિ વિદ્યયા હ વા અસ્યૈષોઽત ઊર્ધ્વં ચિતો ભવતિ -

સા વા એષા વાક્ત્રેધાવિહિતા ઋચો યજૂંષિ સામાનિ મણ્ડલમેવઽર્ચોઽર્ચિઃ સામાનિ પુરુષો
યજૂંષ્યથૈતદમૃતં યદેતદર્ચિર્દીપ્યત ઇદં તત્પુષ્કરપર્ણં તદ્યત્પુષ્કરપર્ણમુપધાયાગ્નિં ચિનોત્યેતસ્મિન્નેવૈતદમૃત ઋઙ્મયં યજુર્મયં સામમયમાત્માનં સંસ્કુરુતે સોઽમૃતો ભવતિ -