શતપથબ્રાહ્મણમ્ · અધ્યાય 10.4.5

અથાદેશા ઉપનિષદામ્ વાયુરગ્નિરિતિ હ શાકાયનિન ઉપાસત આદિત્યોઽગ્નિરિત્યુ હૈક
આહુરથ હ સ્માહ શ્રૌમત્યો વા હાલિઙ્ગવો વા વાયુરેવાગ્નિસ્તસ્માદ્યદૈવાધ્વર્યુરુત્તમં કર્મ કરોત્યથૈતમેવાપ્યેતીતિ -

શાટ્યાયનિરુ હ સ્માહ સંવત્સર એવાગ્નિસ્તસ્ય વસન્તઃ શિરો ગ્રીષ્મો દક્ષિણઃ પક્ષો
વર્ષા ઉત્તરઃ શરદૃતુર્મધ્યમાત્મા હેમન્તશિશિરાવૃતૂ પુચ્છં પ્રતિષ્ઠા વાગગ્નિઃ પ્રાણો વાયુશ્ચક્ષુરાદિત્યો મનશ્ચન્દ્રમાઃ શ્રોત્રં દિશ આપો મિથુનં તપઃ પ્રતિષ્ઠા માસાઃ પર્વાણ્યર્ધમાસા નાડ્યોઽહોરાત્રાણિ રજતસુવર્ણાનિ પત્રાણિ સ એવં દેવાનપ્યેતીતિ સંવત્સરોઽગ્નિરિત્યુ હૈવ વિદ્યાદેતન્મયો ભવતીતિ ત્વેવ વિદ્યાત્ -

ચેલક ઉ હ સ્માહ શાણ્ડિલ્યાયનઃ ઇમ એવ લોકાસ્તિસ્રઃ સ્વયમાતૃણ્ણાવત્યશ્ચિતયો યજમાનશ્ચતુર્થી સર્વે કામાઃ પઞ્ચમીમાંશ્ચ લોકાન્ત્સંસ્કુર્વ આત્માનં ચ સર્વાંશ્ચ કામાનિત્યેવ વિદ્યાદિતિ -