શતપથબ્રાહ્મણમ્ · અધ્યાય 1.6

૧. પ્રયાજાનામિષ્ટૌ પ્રાથમ્યમ્
પ્રયાજાનામિષ્ટૌ પ્રાથમ્યં, વસન્તાદ્યૃતુરૂપપ્રયાજદેવેષ્વગ્નેઃ સમ્બન્ધોપપાદનાર્થાઽઽખ્યાયિકા, પ્રયાજદેવતાનાં પ્રાથમ્યપ્રશંસનાર્થાઽઽખ્યાયિકા ચ, આદિમધ્યાવસાનેષ્વનુષ્ઠેયાનામાજ્યભાગપ્રધાનસ્વિષ્ટકૃદ્યાગાનામગ્નિદેવતા- સમ્બન્ધાભિધાયક ઇતિહાસઃ, અગ્નેઃ પુરસ્તાન્મધ્યે પશ્ચાચ્ચ સ્થાપનપ્રકારઃ સપ્રયોજનમાજ્યભાગપ્રધાનસ્વિષ્ટકૃદ્યાગાનામાગ્નેયત્વકરણપ્રશંસનં, તેન
યજમાનસ્ય કિંચિદ્દૃષ્ટફલસિદ્ધિઃ, પ્રયાજસમ્બન્ધિવેદિતવ્યવિજ્ઞાનસ્ય ફલકથનમ્, આજ્યસ્ય પ્રજાપતિદેવતાકત્વરૂપેણ પ્રશંસનં, તથા યજમાનદેવતાકત્વરૂપેણ પ્રશંસનમ્, ઉક્તાર્થજ્ઞસ્ય પ્રશંસનં ચેત્યાદિ.
૨. આવાપ પ્રદેશઃ
આવાપપ્રદેશસ્તત્ર-આગ્નેયપુરોડાશવિધાનં તદાખ્યાધિકા ચ, પુરોડાશસ્ય કૂર્માકારતા, દૃષ્ટાંતમુખેન પુત્રસ્યોપનાયને પિતુરધિકારપ્રતિપાદને, પુરોડાશનામનિરુક્તિઃ, આગ્નેયપુરોડાશસ્ય દર્શપૂર્ણમાસોભયસાધારણ્યે, પૌર્ણમાસયાગોઽગ્નીષોમીયહવિષ્કો દાર્શઃ સાન્નાય્યહવિષ્કઃ, ઉભયત્રાગ્નેયયાગસ્ય પ્રાથમ્યં તત્કારણં ચ, આગ્નેયસ્ય હવિષઃ પ્રતિકામં પૃથક્ પ્રયોગાનુષ્ઠાનં તદર્થવાદશ્ચેત્યાદિ
૩. અગ્નીષોમીયે પૂર્ણમાસોપચારઃ
અગ્નીષોમીયૈકાદશકપાલપુરોડાશવિધિસ્તદાખ્યાધિકા ચ, તસ્યાં ચ ત્વાષ્ટ્રસ્ય વિશ્વરૂપસ્ય સ્વરૂપં, નામનિરુક્તિઃ, શક્રકૃતઃ શીર્ષત્રય્ચ્છેદઃ, તસ્માત્કપિઞ્જલ-કલવિઙ્ક-તિત્તિરિ-- પક્ષિણામુત્પત્તિઃ, તેષાં શારીરવર્ણશબ્દસ્વરૂપવર્ણનં ચ, વિશ્વરૂપવધાત્ક્રુદ્ધસ્ય ત્વષ્ટુરિન્દ્રં વિના સોમયાગકરણં તત્રેન્દ્રેણાનુપહૂતેન દ્રોણ- કલશસ્થસોમસ્ય બલાદ્ભક્ષણં, તન્નિમિત્તયાઽઽર્ત્યા મુખભિન્નનાસાદીન્દ્રિયેભ્યઃ સોમોદ્વમનં ચ, તદાર્ત્યુપશમાય દેવૈઃ કૃતા સૌત્રામણીષ્ટ્યા ચિકિત્સા ચ, તતસ્ત્વષ્ટુરિન્દ્રશાતનાર્થં વૃત્રાસુરોત્પાદનં, વૃત્રસ્ય સંભવત એવ જગત્કારણાગ્નીષોમીયા-
૪. દર્શોપચારઃ
૪ દર્શોપચારાસ્તત્ર આમાવાસ્યાનાં હવિષા વિધાનાખ્યાયિકા, ઐન્દ્રાગ્ન- દ્વાદશકપાલપુરોડાશવિધિઃ,સાન્નાય્ય- હવિર્વિધિઃ, અમાવાસ્યાનામનિરુક્તિઃ, સાન્નાય્યોત્પત્તિપ્રકારઃ, સાન્નાય્યસ્ય સોમતુલ્યતાભિધાનં, સોમયાજ્યસોમયાજિનોઃ સાન્નાય્યવિધિઃ, દર્શપૂર્ણમાસયાગયોઃ ક્રમાદ્વૃત્રહત્યા- વાર્ત્રઘ્નશબ્દવાચકત્વપ્રવૃત્તિનિમિત્તકથનં, વૃત્રશબ્દાર્થશ્ચન્દ્ર ઇતિ કથનં,ચન્દ્રદર્શનયુક્તચતુર્દશ્યુપવાસપક્ષં નિરસ્ય ચન્દ્રાદર્શનવત્યામમાયામુપવાસપક્ષસ્થિરીકરણં, દર્શયાગે સાન્નાય્યહવિષો દાનાવશ્યકતાનિરૂપણં, ચન્દ્રસ્ય ક્ષયોદયકારણાભિધાનપૂર્વકં ચન્દ્રવર્જિતાયા અમાયાઃ પ્રશંસનં, સાન્નાય્યહવિષો મહેન્દ્રદેવતાકત્વં નિરાકૃત્યેન્દ્રદેવતાકત્વસ્ય સ્થાપનમિત્યાદિ