સત્યદ્વયાવતારનામ · શ્લોક 21-30

દ્વયોર્વિભેદં ન હિ વેદ યો સ વ્રજેદપાયં વિપરીતબોધાત્ ।
વ્યવહારમનાગમ્ય પરમાર્થો ન દેશ્યતે

તથ્યસંવૃતિસોપાનમન્તરેણ વિપશ્ચિતઃ ।
તત્ત્વપ્રાસાદશિખરારોહણં ન હિ યુજ્યતે

યથાયં સંવૃતેર્ભાસો યુક્ત્યા કિઞ્ચિન્ન લભ્યતે ।
પરમાર્થસ્ત્વલબ્ધત્વમ્ આદિસંસ્થિતધર્મતા

હેતુપ્રત્યયજન્યત્વાત્ સંવૃતિર્ભાસવન્મતા ।
અયુક્તં શોધિતુમ્ ચેત્ કૈર્જલચન્દ્રાદિવિનિર્મિતમ્

નાનાપ્રત્યયજન્યત્વાત્ સિદ્ધો ભાસો ઽખિલસ્તતઃ ।
પ્રત્યયાનાં તુ વિચ્છેદાત્સંવૃત્ત્યાપિ ન સમ્ભવઃ

એવં દૃષ્ટેરસંમોહાજ્ જાતે ચર્યાવિશોધને ।
ઉન્માર્ગે ઽગમનં કૃત્વાકનિષ્ઠં સ્થાનમાપ્નુયાત્

આયુષ્યમલ્પં બાહુલાશ્ચ વિદ્યા આયુઃપ્રમાણં ચ કિયન્ન વિદ્મઃ ।
સ્વાભીષ્ટમેવ પ્રતિલમ્ભનીયં હંસૈર્યથા ક્ષીરમિવામ્બુમધ્યાત્

અર્વાગ્દૃશા મોહવશેન ચાપિ ક્ષમો ન સત્યદ્વયનિર્ણયે ઽપિ ।
ઉક્તીર્ગુરૂણામિહ સમ્પ્રતીત્ય ન્યસ્તં દ્વયં નાગમતં હિ સત્યમ્

રાજ્ઞો ઽનુરોધેન સુવર્ણદ્વીપે કૃતે ઽત્ર શ્રાદ્ધો યદિ વા જનો ઽદ્ય ।
ગૃહ્ણાતુ સમ્યક્ સુપરીક્ષણેન ન શ્રદ્ધયા નૈવ ચ ગૌરવેણ

સૌવર્ણરાજેન ગુરોઃફલેન સંપ્રેષિતો દેવમતિર્હિ ભિક્ષુઃ ।
તસ્યાગ્રહાત્ સત્યદ્વયાવતારો યુક્ત્યા સુધીભિસ્ત્વિહ વીક્ષણીયઃ