સર્વતથાગતતત્ત્વસંગ્રહ · અધ્યાય 53

અથાત્ર હૃદયાનિ ભવન્તિ ।
હું અઃ ॥
હું જ્જઃ ॥
હું હોઃ ॥
હું હં ॥
તતસ્ત્રિલોકવિજયમહામણ્ડલસમયતત્વમુદ્રાજ્ઞાનં શિક્ષયેત્ ।
વજ્રધાતુપ્રયોગેણ બુદ્ધાનુસ્મૃતિમાન્ ભવેત્ ।
યસ્તુ સત્વહિતાર્થાય સ તુ બુદ્ધત્વમાપ્નુયાત્

મહેશ્વરમુમાંશ્ચૈવ ભૂમૌ લિખ્ય તથાક્રમેત્ ।
યથાલેખ્યાનુસારેણ સત્વમુદ્રાં સમાધયેત્

અનયા બદ્ધમાત્રયા ત્રિલોકવિજયી સ તુ ।
સિદ્ધવિદ્યો ભવેત્ક્ષિપ્રં બજ્રહુંકારસન્નિભઃ

જ્વાલામણ્ડલમધ્યસ્થા યથા લેખ્યાનુસારતઃ ।
કાયવાક્ચિત્તવજ્રૈસ્તુ સત્વમુદ્રાસ્તુ બન્ધયેત્

અથાસાં કર્મ વક્ષ્યામિ વજ્રકર્મમનુત્તરં ।
બુદ્ધાનુસ્મૃતિસંસિદ્ધઃ શીઘ્રં બુદ્ધત્વમાપ્નુયાદ્ ॥ ઇતિ

ત્રિલોકવિજયાં બધ્વા ત્રિલોકવિજયી ભવેત્ ।
વજ્રાયુઃ સર્વગામી તુ વજ્રહુંકારસન્નિભઃ

વજ્રાભિષેકા રાજ્યત્વં લોકૈશ્વર્યં સુધર્મિણી ।
કર્મવજ્રમહાક્રોધા વજ્રકર્મકરી ભવેત્

સત્વક્રોધા મહાદાઢ્ર્યં ક્રોધાઙ્કુશ્યા સમાવ્હાન ।
રાગયેત્ક્રોધરાગા તુ સાધુક્રોધા તુ તુષ્ટિદા

ભૃકુટ્યા નાશયેત્સર્વં ક્રોધસૂર્યા સુતેજતાં ।
કેતુક્રોધા હરેદર્થાન્ અટ્ટહાસા તુ મારયેત્

ધર્મક્રોધા હરેદ્ ધર્માન્ ચ્છિન્દેદ્વૈ ક્રોધવજ્રયા ।
હેતુક્રોધા હરેદ્ દુઃખાન્ વાગ્ઘરેત્ ક્રોધભાષયા

કર્મક્રોધા સુકર્માણિ કુર્યાદ્ રક્ષાં તુ રક્ષયા ।
ક્રોધયક્ષા રિપું ખાદેત્ ક્રોધમુષ્ટિસ્તુ સિદ્ધિદા ॥ ઇતિ