સર્વતથાગતતત્ત્વસંગ્રહ · અધ્યાય 198

ઇત્યાહ ભગવાનવલોકિતેશ્વરઃ ।
તત્રેદં મણિકુલચક્ષુર્જ્ઞાનસિદ્ધિતન્ત્રં ।
આકાશે રત્નસંકાશા હિરણ્યાદિષુ સાદૃશાઃ ।
યદા તુ પશ્યતે ખે તુ ખચક્ષુઃ સિધ્યતે સદે- ।
ત્યાહ ભગવાન્ વજ્રગર્ભઃ ।
સર્વકુલચક્ષુર્જ્ઞાનસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતકર્મોત્તમસિદ્ધિતન્ત્રમુદાજહાર । તત્રેદં તથાગતકર્મોત્તમસિદ્ધિતન્ત્રં ।
કર્મમણ્ડલયોગેન પૂજયં સર્વનાયકાન્ ।
રાગસૌખ્યવિપાકાર્થં બુદ્ધસિદ્ધિમવાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલકર્મોત્તમસિદ્ધિતન્ત્રં ।
ગુહ્યપૂજાં પ્રકુર્વાણો રાગો ઽહમિતિ ભાવયન્ ।
પ્રાપ્નુયાદુત્તમાં સિદ્ધિં વજ્રરાગસમદ્યુતિમ્ ॥
ઇત્યાહ ભગવાન્ કામઃ ॥
તત્રેદં વજ્રકુલકર્મોત્તમસિદ્ધિતન્ત્રં ।
ગુહ્યપૂજાં પ્રકુર્વાણો ક્રોધો ઽહમિતિ ભાવયન્ ।
પ્રાપ્નુયાદુત્તમાં સિદ્ધિં ત્રિલોકવિજયોપમામ્ ॥
ઇત્યાહ ભગવાન્ વજ્રપાણિઃ ॥
તત્રેદં પદ્મકુલકર્મોત્તમસિદ્ધિતન્ત્રં ।
અન્તર્ગતેન મનસા કામશુદ્ધિં તુ ભાવયન્ ।
સ્વરે ઽતો બિન્દુભિર્બુદ્ધાં પૂજયં સિદ્ધિમાપ્નુયાદ્ ॥
ઇત્યાહ ભગવાનવલોકિતેશ્વરઃ ॥
તત્રેદં મણિકુલકર્મોત્તમસિદ્ધિતન્ત્રં ।
વજ્રગર્વા સમાધાય નમેદાશયકમ્પિતૈઃ ।
પ્રણામપરમો નિત્યમભિષેકાં સમાપ્નુયાદ્ ॥
ઇત્યાહ ભગવાન્ વજ્રાભિષેકરત્નઃ ॥
સર્વકુલકર્મોત્તમસિદ્ધિવિધિવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતકર્મસમયગુહ્યસિદ્ધિતન્ત્રમુદાજહાર । તત્રાયં તથાગતકર્મસમયગુહ્યસિદ્ધિતન્ત્રઃ ।
કામાદ્યાઃ સર્વસૌખ્યા મે સદૈવ હૃદયે સ્થિતાઃ ।
અહો સત્વાર્થાનામવિરાગો યત્ર દેશ્યતે

અયં હિ કર્મસમયસ્તથાગતસમાધિના ।
ભાવયં પૂજયેદ્ બુદ્ધામુત્તમાં સિદ્ધિમાપ્નુયાદ્