સર્વતથાગતતત્ત્વસંગ્રહ · અધ્યાય 190

સ્વચિત્તપ્રતિવેધાદિબુદ્ધબોધિર્યથાવિધિ ।
સ એવ ભગવાન્ સર્વતથાગતકુલં ભવેદ્ ॥
ઇત્યાહ ભગવાનનાદિનિધનસત્વઃ ॥
તથાગતકુલં સૈવ સૈવ વજ્રકુલં સ્મૃતં ।
સૈવ પદ્મકુલં શુદ્ધં સૈવોક્તં મણિસત્કુલમ્ ॥
ઇત્યાહ ભગવાન્ સર્વતથાગતચક્રઃ ॥
સર્વકુલોત્પાદનગુહ્યસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતમુદ્રાચિન્હાભિધાનસિદ્ધિગુહ્યતન્ત્રમુદાજહાર ।
તત્રેદં તથાગતચિન્હાભિધાનસિદ્ધિગુહ્યતન્ત્રં ભવતિ ।
સ એવ ભગવાન્ સત્વો વજ્રસત્વો હૃદિ સ્થિતઃ ।
સમાધાનાત્સમાધિસ્તુ બુદ્ધબોધિપ્રસાધક ॥
ઇત્યાહ ભગવાન્ બુદ્ધઃ ॥
તત્રેદં તથાકુલચિન્હાભિધાનસિદ્ધિગુહ્યતન્ત્રં ।
વજ્રં સુપ્રતિવેધત્વાદઙ્કુશં ગ્રહમોચકઃ ।
સૂક્ષ્મવેધિતયા વાણં સાધુકારસ્તુ તુષ્ટિતઃ

રત્નસ્તુ રચનાદુક્તઃ સૂર્યસ્તેજો વિધાનતઃ ।
કેતુઃ સમુચ્છ્રયઃ પ્રોક્તઃ સ્મિતો હાસસ્તુ કીર્તિતઃ

રાગશુદ્ધિતયા પદ્મં કોશઃ ક્લેશારિચ્છેદનાત્ ।
ચક્રો મણ્ડલયોગાત્તુ વાગ્લાપાજ્જપનુચ્યતે

સર્વવજ્રં તુ વિશ્વત્વાદ્ વર્મદુર્ભેદ્યયોગતઃ ।
દંષ્ટ્રા ભીષણયોગાત્તુ બન્ધો મુદ્રાપ્રયોગતઃ