સર્વતથાગતતત્ત્વસંગ્રહ · અધ્યાય 189

ઇત્યાહ ભગવાન્ વજ્રગર્વાપતિઃ ॥
તત્રેદં વજ્રકુલસમયમુદ્રાગુહ્યસિદ્ધિતન્ત્રં ।
"સિધ્ય સિધ્યાદ્ય સમયે સમયો ઽહં ત્વં પ્રિયા મમ" ।
ઇતિ ચોદનયા શીઘ્રમનુરક્તા પ્રસિધ્યતી- ॥
ત્યાહ ભગવાન્ વજ્રસત્વઃ ॥
તત્રેદં પદ્મકુલધર્મમુદ્રાગુહ્યસિદ્ધિતન્ત્રં ।
"બુધ્ય બુધ્ય મહાસત્વિ ભાર્યા મે ત્વમતિપ્રિયા" ।
ઇતિ ચોદનયા શીઘ્રમનુરક્તા તુ સિધ્યતી- ॥
ત્યાહ ભગવાન્ વજ્રધર્મઃ ॥
તત્રેદં મણિકુલકર્મમુદ્રાગુહ્યસિદ્ધિતન્ત્રં ।
"સર્વકર્મકરી ભાર્યા ત્વં મે સિધ્યાદ્ય વજ્રિણિ" ।
ઇતિ ચોદનયા શીઘ્રમનુરક્તા તુ સિધ્યતી- ॥
ત્યાહ ભગવાનાકાશગર્ભઃ ॥
સર્વકુલસર્વમુદ્રા[ગુહ્યસિ]દ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતસમયગુહ્યસિદ્ધિતન્ત્રમુદાજહાર ।
તત્રેદં તથાગ[તસમયગુ]હ્યસિદ્ધિતન્ત્રં ।
તીર્થિકાનાં હિતાર્થાય બુદ્ધભાર્યા પ્રગોપિતા ।
લેખ્યા મુદ્રા પ્રયોગેણ ઇતિ વિજ્ઞેય સિધ્યતી- ॥
ત્યાહ ભગવાન્ સર્વતથાગત[સમયઃ ॥]
તત્રેદં તથાગતકુલસમયગુહ્યસિદ્ધિતન્ત્રં ।
સર્વસત્વમનોવ્યાપી સર્વસત્વસુખપ્રદઃ ।
સર્વસત્વપિતા ચૈવ કામો ઽગ્રઃ સમયાગ્રિણામ્ ॥
ઇત્યાહુર્ભગવન્તઃ સર્વતથાગતાઃ ॥
ઇદં તત્સર્વબુદ્ધાનાં રહસ્યં પરમાદ્ભુતં ।
વિજ્ઞેય શ્રદ્દધચ્છ્દ્ધો દુઃસાધ્યો ઽપિ હિ સિધ્યતી- ॥
ત્યાહ ભગવાન્ વજ્રધરઃ ॥
તત્રેદં વજ્રકુલસમયગુહ્યસિદ્ધિતન્ત્રં ।
રાગશુદ્ધ્યૈ વિરક્તાનાં તીર્થ્યદૃષ્ટિકૃતાત્મનાં ।
મારણં સમયં ત્વગ્રમિદં વિજ્ઞેયં સિધ્યતી- ॥
ત્યાહ ભગવાન્ વજ્રધરઃ ॥
તત્રેદં પદ્મકુલસમયગુહ્યસિદ્ધિતન્ત્રં ।
મહાભૂતોદ્ભવં સર્વં, કથં ત્વશુચિરુચ્યતે? ।
તીર્થિકાનાં વિનાશાય ધ્રુવં સિદ્ધિમવાપ્નુયાદ્ ॥
ઇત્યાહ ભગવાન્ વજ્રનેત્રઃ ॥
તત્રેદં મણિકુલસમયગુહ્યસિદ્ધિતન્ત્રં ।
સ્ત્રીપ્રસઙ્ગાત્તુ રત્નાનાં સંચયઃ ક્રિયતે યદા ।
સ્ત્રિયો હ્યનુત્તરં રત્નમિતિ ચિન્ત્યતે સિધ્યતી- ॥
ત્યાહ ભગવાનાજ્ઞાકરઃ ॥
સર્વકલસમયગુહ્યસિદ્ધિવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતપૂજાગુહ્યસિદ્ધિતન્ત્રમુદાજહાર । તત્રાયં તથાગતપૂજાગુહ્યસિદ્ધિતન્ત્રઃ ।
સ્ત્રીભિઃ પરિવૃતો ભૂત્વા પરિહાસક્રિયા સુખં ।
નિર્યાત્ય બુદ્ધપૂજાયાં પૂજાસિદ્ધિમવાપ્નુયાદ્ ॥
ઇત્યાહ ભગવાન્ બુદ્ધઃ ।
તત્રેદં તથાગતકુલપૂજાગુહ્યસિદ્ધિતન્ત્રં ।
સુરતશ્રમખિન્નસ્તુ તત્સૌખ્યં સુરતોદ્ભવં ।
ચતુઃપ્રણામે પૂજાયાં નિર્યાત્ય લઘુ સિધ્યતી- ॥
ત્યાહ ભગવાન્ વજ્રધરઃ ॥
તત્રેદં વજ્રકુલપૂજાગુહ્યસિદ્ધિતન્ત્રં ।
હુંકારસમયાં બધ્વા પરિષ્વજ્ય સ્ત્રિયં જનં ।
તત્પરિષ્વઙ્ગસૌખ્યં તુ નિર્યાત્ય હિ સ સિધ્યતી- ॥
ત્યાહ ભગવાન્ વજ્રહુંકારઃ ॥
તત્રેદં પદ્મકુલપૂજાગુહ્યસિદ્ધિતન્ત્રં ।
લોકેશ્વરમહં ભાવ્ય પ્રિયાવક્ત્રં નિરીક્ષન્વૈ ।
તન્નિરીક્ષણસૌરવ્યં તુ નિર્યાત્ય હિ સ સિધ્યતી- ।
ત્યાહ ભગવાન્ પદ્મનેત્રઃ ॥
તત્રેદં મણિકુલપૂજાગુહ્યસિદ્ધિતન્ત્રં ।
કર્મમુદ્રાધરો ભૂત્વા સર્વાભરણભૂષિતઃ ।
સ્ત્રિયં પરિષ્વજ્ય પૂજાયાં વિભૂતિં નિર્યાત્ય સિધ્યતી- ॥
ત્યાહ ભગવાન્ વજ્રરત્નઃ ॥
સર્વકુલપૂજાગુહ્યસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતગુહ્યપૂજાસિદ્ધિતન્ત્રમુદાજહાર । તત્રેદં તથાગતગુહ્યપૂજાસિદ્ધિતન્ત્રં ।
રમયન્ પરદારાણિ યથા[ક]શ્ચિન્ન વેદયેત્ ।
ભાવયન્ બુદ્ધમાત્માનં પૂજયા સિદ્ધિમાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગત[કુલ]ગુહ્યપૂજાસિદ્ધિતન્ત્રં ।
વજ્રલાસ્યાં સમાધાય વજ્રમાલાં તુ બન્ધ[યેત્] ।
વજ્રગીતાં તતો બધ્વા પૂજયેદ્ વજ્રનૃત્યયા ॥
કા[મરત્યાભિષેકા]ગ્ર્યા નૃત્યગીતસુખાત્સુખં ।
નાન્યદસ્તિ હિ તેનેયં ગુહ્યપૂજા નિરુત્તરા ॥
તત્રેદં વજ્રકુલગુહ્યપૂજાસિદ્ધિતન્ત્રં ॥
યથાવદ્ વિધિયોગેન પૂજ[યેદ્] ગુહ્યપૂજયા ।
ત્રિલોકવિજયં ભાવ્ય પૂજાસિદ્ધિમ વાપ્નુયાદ્ ॥
ઇત્યાહ ભગવાન્ વજ્રગુહ્યઃ ।
તત્રેદં પદ્મકુલગુહ્યપૂજાસિદ્ધિતન્ત્રં ।
ય[થાવદ્ ગુ]હ્યયોગેન ધર્મમુદ્રા સુપૂજયન્ ।
જગદ્વિનયમુદ્રાસ્થઃ પૂજાસિદ્ધિમવાપ્નુતે- ॥
ત્યાહ ભગવાનવલોકિતેશ્વરઃ ॥
તત્રેદં મણિકુલગુહ્યપૂજાસિદ્ધિતન્ત્રં ।
યથાવદ્ ગુહ્યયોગેન કર્મમુદ્રા સુસાધયન્ ।
સર્વાર્થસિદ્ધિયોગેન પૂજાસિદ્ધિમવાપ્નુતે- ॥
ત્યાહ ભગવાન્ વજ્રગર્ભઃ ॥
સર્વકુલગુહ્યપૂજાવિધિવિસ્તરતન્ત્રં ॥
અથ ભગવાન્ વજ્રપાણિર્મહાબોધિસત્વઃ સર્વતથાગતકુલોદ્ઘાટનગુહ્યસિદ્ધિતન્ત્રમુદાજહાર । તત્રેદં તથાગતતત્વોત્પત્તિસિદ્ધિગુહ્યતન્ત્રં ।
સમાધિજ્ઞાનસંભૂતં બુદ્ધત્વં હિ સમાસતઃ ।
સત્વરાગણયોગેન શીઘ્રમાપ્નોત્યનુત્તરમ્ ॥
ઇત્યાહ ભગવાંસ્તથાગતઃ ।
તત્રેદં તથાગતકુલમહાતત્ત્વોદ્ઘાટનસિદ્ધિગુહ્યતન્ત્રં ।
અનાદિનિધનઃ સત્વઃ આકાશોત્પત્તિલક્ષણઃ ।
સમન્તભદ્રઃ સર્વાત્મા કામઃ સર્વજગત્પતિઃ

યચ્ચિત્તં સર્વસત્વાનાં દૃઢત્વાત્ સત્વનુચ્યતે ।
સમાધાનાદ્ વજ્રસમો નિશ્ચયૈર્યાતિ વજ્રતાં

સત્વાધિષ્ઠાનયોગેન વજ્રસત્વઃ પુનર્ભવેત્ ।
સ એવ ભગવાન્ સત્વો વજ્રકાયસ્તથાગતઃ