સર્વતથાગતતત્ત્વસંગ્રહ · અધ્યાય 18

ઇતિ ॥
ઇનિતિઅતિઓન્ ઇન્તો થે મન્દલ
અથાત્ર વજ્રગુહ્યમણ્ડલે પ્રવેશાદિવિવિધવિસ્તરો ભવતિ ।
તત્ર પ્રથમં તાવદ્વજ્રાચાર્યઃ સ્વયં સત્વવજ્રિમુદ્રાં બધ્વા પ્રવિશેત્; પ્રવિશ્ય સકૃત્ પ્રદક્ષિણીકૃત્ય, તાં મુદ્રાં ભગવતે વજ્રપાણયે નિર્યાત્ય, સ્વહૃદયે યથાવન્મુક્ત્વા, ચતુર્ષુ દ્વારેષુ વજ્રાઙ્કુ શકર્મમુદ્રાદિભિર્યથાવત્ કર્માણિ કૃત્વા નિષ્ક્રમેદ્, અભિનિષ્ક્રમ્ય શિષ્યાં પ્રવેશયેત્ વજ્રધાતુમહામણ્ડલયોગેનેતિ । તતઃ પ્રવેશ્ય મુષ્ટ્યાચ્છાદ્ય સિદ્ધિગુહ્યવજ્રચિન્હં દત્વા, વજ્રગુહ્યમુદ્રાજ્ઞાનં શિક્ષયેત્ ॥
મુદ્ર
તત્ર પ્રથમં તાવદ્ વજ્રગુહ્યકાયમુદ્રાજ્ઞાનં શિક્ષયેત્ ।
ચન્દ્રમણ્ડલમધ્યે તુ હસ્તપાદાઞ્જલિં મુખં ।
વિજૃંભન્ ભાવયેદ્વજ્રં વજ્રિણીમપિ રાગયેત્

અઙ્કુશં બાહુસંકોચં શીર્ષે વજ્રં તુ ભાવયેત્ ।
શબ્દાપયંસ્તુ હસ્તેન આનયેદઙ્કુશીમપિ

વાણપ્રક્ષેપયોગેન વિજૃંભન્ પ્રહરેદ્ હૃદિ ।
રાગયેન્મારયોગેન રતિવજ્રામપિ સ્વયં

બાહુબન્ધેન બધ્નીયાદ્ હૃદયં સ્વયમાત્મનઃ ।
વજ્રવર્મપ્રયોગેણ રક્ષેદ્ બુદ્ધમપિ સ્વયમ્ ॥ ઇતિ