સર્વતથાગતતત્ત્વસંગ્રહ · અધ્યાય 10

અથાસાં ગુહ્યસાધનં ભવતિ ।
ભગેન પ્રવિશેત્ કાયં સ્ત્રિયાયાઃ પુરુષસ્ય વા ।
પ્રવિષ્ટ્વા મનસા સર્વં તસ્ય કાર્યં સમં સ્ફરેદ્ ॥ ઇતિ ।
તત્રૈતાનિ તાલહૃદયાનિ ભવન્તિ ।
વજ્ર વશ ॥
વજ્ર વિશ ॥
વજ્ર હન ॥
વજ્ર હર ॥
તતો હૃદયં દત્ત્વા સ્વકુલદેવતાચતુર્મુદ્રાજ્ઞાનં શિક્ષયેત્ । અનેન વિધિના વક્તવ્યમ્ । "ન કસ્યચિત્ ત્વયાન્યસ્યૈષાં મુદ્રાણામકોવિદસ્ય એકતરાપિ મુદ્રા દર્શયિતવ્યા । તત્કસ્ય હે તોઃ । તથા હિ તે સત્વા અદૃષ્ટમહામણ્ડલાઃ સન્તો મુદ્રાબન્ધં પ્રયોજયન્તિ તદા તેષાન્ન તથા સિદ્ધિર્ભવિષ્યતિ । તતસ્તે વિચિકિત્સા પ્રાપ્તા વિષમાપરિહારેણ શીઘ્રમેવ કાલં કૃત્વાવીચીમહાનરકે પતન્તઃ । તવ ચાપાયગમનં સ્યાદ્" ઇતિ ॥
અથ સર્વતથાગતસત્વસાધનમહામુદ્રાજ્ઞાનં ભવતિ ।
ચિત્તજ્ઞાનાત્સમારભ્ય વજ્રસૂર્યં તુ ભાવયેત્ ।
બુદ્ધબિમ્બં સ્વમાત્માનં વજ્રધાતું પ્રવર્તયન્

અન્યા સિદ્ધિમાત્રસ્તુ જ્ઞાનમાયુર્બલં વર્ષઃ ।
પ્રાપ્નોતિ સર્વગામિત્વં બુદ્ધત્વમપિ ન દુર્લભમ્