સાંખ્યસાર · અધ્યાય 1.1

સાઙ્ખ્યસારઃ ।
પૂર્વભાગઃ ।
પ્રથમઃ પરિચ્છેદઃ ।
મહદાખ્યઃ સ્વયમ્ભૂર્યો જગદઙ્કુર ઈશ્વરઃ ।
સર્વાત્મને નમસ્તસ્મૈ વિષ્ણવે સર્વજિષ્ણવે

સાઙ્ખ્યકારિકયા લેશાદાત્મતત્ત્વં વિવેચિતમ્ ।
સાઙ્ખ્યસારવિવેકો ઽતો વિજ્ઞાનેન પ્રપઞ્ચ્યતે

પ્રાયઃ સઙ્કલિતા સાઙ્ખ્યપ્રક્રિયા કારિકાગણે ।
સા ઽતો ઽત્ર વર્ણ્યતે લેશાત્ તદનુક્તાંશમાત્રતઃ

સાઙ્ખ્યભાષ્યે પ્રકૃત્યાદેઃ સ્વરૂપં વિસ્તરાન્ મયા ।
પ્રોક્તં તસ્માત્ તદપ્યત્ર સઙ્ક્ષેપાદેવ વક્ષ્યતે