સંકલ્પકલ્પદ્રુમ · અધ્યાય 6

[4]
અથ ફલનિષ્પત્તિઃ
ઘોષે સ્વ-પ્રેમ-કોષે પિતૃ-મુખ-સુખદ-સ્વીય-વૃન્દેન દીવ્યન્
કંસેન પ્રેષિતેભ્યસ્ તમ્ અતિભયમયં વીક્ષ્ય નિઘ્નન્ મુહુસ્ તાન્ ।
હન્તિ1 તેષામ્ અપશ્યન્ન્ અધિ મધુ-પુરિ તં હન્તુમ્ અઞ્ચન્ સ-વૃન્દમ્
હત્વા તમ્ ઘોષમ્ આગાત્ તદ્-અતુલ-સુખ-કૃદ્ યઃ સદા તમ્ ભજામિ

રાધાદ્યાઃ કૃષ્ણ-કાન્તાઃ સ્વયમ્ અવતરણં કૃષ્ણવત્ પ્રાપ્ય લીલા-
શક્ત્યા વિસ્મૃત્ય નિત્યાં સ્થિતિમ્ અપરતયા જ્ઞાત-કૃષ્ણાસ્ તથાપિ ।
રાગાદ્ અસ્પષ્ટ-કૃષ્ણ-શ્રયણ-સુખ-રતા પ્રાન્તતઃ કૃષ્ણમ્ એવ
સ્પષ્ટં જગ્મુઃ સ્વ-કાન્તં તમ્ અતિ-સુખ-સુધા-સિન્ધુ-મગ્નાન્તરાઃ સ્મઃ

હંહો સૌખ્યં મુર-દ્વિટ્ કટુ-કટક-ઘટા2-પ્રેષ્ઠ-કંસાદિ-દુષ્ટાન્
હત્વા તત્-ક્લિષ્ટ-ચિત્તાં પિતૃ-મુખ-જનતાં નિર્વૃતાં સુષ્ઠુ ચક્રે ।
કિં ચાન્યઃ સ્વ-પ્રિયાણાં પતિર્ ઇતિ બહિર્ અખ્યાતિ3-દુઃખાનિ હૃત્વા
તત્-તદ્-વિશ્લેષ-પીડાચ્છિદ્ અયમ્ અતિજગદ-દૃષ્ટિ-ગોષ્ઠે વિભાતિ

પ્રાતર્ માતુઃ સ-હસ્તાદ્ અશન-સુખ-કૃતી લબ્ધ-તાતાદ્ય્-અનુજ્ઞઃ
શ્રી-રામાદિ-પ્રસક્તઃ સુરભિ-ગણ-શતં પાલયન્ મોદ-યુક્તઃ ।
સન્ધ્યાયાં ગોપ-ગોપી-સુખદ-ગૃહ-ગતિઃ સાનુરાગં ક્ષપાયામ્
તત્-તદ્-દીવ્યદ્-વિહારઃ સ્ફુરતુ તવ મનઃ સર્વદા કૃષ્ણ-ચન્દ્રઃ

જન્માદ્યં સ્વીય-વૃત્તં કવિ-ભરત-કલા-ચિત્ર-યોગેન દૃશ્ય-
પ્રાયં તન્વન્ સભાયાં રહસિ તુ દયિતા પૂર્વ-રાગાદ્ય્-ઉદન્તમ્ ।
વર્ગં તત્-તન્-નિસર્ગં નિજમ્ અનુ વિજયી સર્વ-સાત્-પર્વ કુર્વન્
દીવ્ય-દીવ્ય-શ્રિયાભિર્ વિહરણ-કુતુકી નન્દતાન્ નન્દ-સૂનુઃ

યઃ શ્રી-પર્યન્ત-યાચ્યાન્વિતિર્ ઇહ પશુપ-શ્રેણિ-બન્ધુર્ યશોદાનન્દ-
સ્વીયાઙ્ગ-જાતઃ સુબલ-મુખ-સખઃ કિં ચ રાધાદિ-કાન્તઃ ।
સ શ્રી-ગોપાલ-નામા સુરભિ-કુલ-મહઃ પાલયન્ દિવ્ય-કેલિર્
નક્તં રાસાદિ-લીલા-લલિતતમ-ગતિઃ સર્વદા સ્યાદ્ ગતિર્ નઃ

શ્રીમદ્-વૃન્દાવનેન્દો મધુપ-ખગ-મૃગાઃ શ્રેણિ-લોકા દ્વિજાતા
દાસા લાલ્યાઃ સુરભ્યઃ સહચર-હલભૃત્-તાત-માત્ર્-આદિ-વર્ગાઃ ।
પ્રેયસ્યસ્ તાસુ રાધા-પ્રમુખ-વર-દૃશાશ્ ચેતિ વૃન્દં યથોર્ધ્વં
તદ્-રૂપાલોક-તૃષ્ણક્ પ્રમદમ્ અનુદિનં હન્ત પશ્યામ કર્હિ

1. (અ) મર્ગિન્: વન્તિં, હાનીમ્; (બ્) હન્તુમ્; 2. (બ્) ઓઘટઓ; 3. (અ) આખ્યાતિ
શશ્વદ્ ધ્યાયતિ દૂરગ-સ્થિતિ મિથઃ સૂક્ષ્મ-પ્રથં ચાયતિ
પ્રાજ્યાન્તર્ગતમ્ આત્ત-નર્મસ્ તુ સખી-મધ્ય-સ્થિતં પશ્યતિ ।
રાધા-માધવ-નામ-ધેય-મિથુનં વિઘ્નાન્ અતીત્યામિતાન્
દામ્પત્યે સ્થિતમ્ અત્ર વા યદિ રહઃ પ્રાપ્તં તદા કિં પુનઃ?

રાધા-કૃષ્ણ-યુગં મુહુર્ વિઘટનામ્ ઉત્તીર્ય દામ્પત્ય-ભાક્
પ્રત્યેકાન્તમ્ ઉદસ્રમ્ એકતરગ-સ્વાપાન્તર્ અન્તર્ મિથઃ ।
વક્ત્રં પશ્યતિ માર્ષ્ટિ લોચન-પુટં નાસાગ્રમ્ ઉદ્દણ્ડયન્
નિંસ્તે ગણ્ડ-યુગં હૃદા હૃદિ મિલલ્ લેલીયતે શર્મણિ1

ગૌર-શ્યામ-રુચોજ્જ્વલાભિર્2 અમલૈર્ અક્ષ્ણોર્ વિલાસોત્સવૈર્
નૃત્યન્તીભિર્ અશેષ-માદનકલા વૈદગ્ધ્ય-દિગ્ધાત્મભિઃ ।
અન્યોન્ય-પ્રિયતા સુધા-પરિમલ-સ્તોમોન્મદાભિઃ સદા
રાધા-માધવ-માધુરીભિર્ અમિતશ્3 ચિત્તં સમાક્રામ્યતામ્

ઇતિ ફલ-નિષ્પત્તિઃ